జర్మనీలో జరిగిన హైలో ఓపెన్ 2026లో పీవీ సింధు, లక్ష్యసేన్ సింగిల్స్ విభాగాల్లో విజేతలుగా నిలిచి భారత్‌కు డబుల్ ధమాకా అందించారు. డెన్మార్క్ ప్లేయర్ కెర్స్‌ఫెల్ట్‌ను ఓడించి ఈ టోర్నీ నెగ్గిన తొలి భారత మహిళగా సింధు రికార్డు సృష్టించగా, డిఫెండింగ్ ఛాంపియన్ జోనాథన్ క్రిస్టీని ఓడించి లక్ష్యసేన్ కెరీర్‌లో రెండోసారి హైలో ఓపెన్ ట్రోఫీని కైవసం చేసుకున్నారు.
ఐదు మ్యాచ్‌ల టీ20 అంతర్జాతీయ సిరీస్‌ను భారత జట్టు 3-2తో కైవసం చేసుకుంది. హామిల్టన్‌లో నిన్న జరిగిన చివరి మ్యాచ్‌లో ఆతిథ్య న్యూజిలాండ్ జట్టు ఏడు వికెట్ల తేడాతో భారత్‌పై విజయం సాధించింది. 192 పరుగుల లక్ష్యంతో బరిలోకి దిగిన న్యూజిలాండ్ 3 వికెట్లు కోల్పోయి 195 పరుగులు చేయగా అంతకుముందు తొలుత బ్యాటింగ్ చేసిన భారత్ నిర్ణీత 20 ఓవర్లలో 8 వికెట్ల నష్టానికి 191 పరుగులు చేసింది. సిరీస్‌లో తొలి మూడు మ్యాచ్‌ల్లో భారత్ విజయం సాధించగా, చివరి రెండు మ్యాచ్‌ల్లో న్యూజిలాండ్ గెలిచింది. ఆక్లాండ్‌లో జరిగిన నాలుగో మ్యాచ్‌లోనూ న్యూజిలాండ్ విజయం సాధించింది. అయినప్పటికీ తొలి మూడు విజయాల ఆధారంగా భారత్ సిరీస్‌ను 3-2తో దక్కించుకుంది.
జింబాబ్వే మహిళల క్రికెట్ జట్టుతో వడోదర వేదికగా నిన్న జరిగిన తొలి వన్డేలో భారత్ మహిళల జట్టు విజయం సాధించింది. ఈ విజయంతో మూడు మ్యాచ్‌ల సిరీస్‌లో భారత్ 1-0 ఆధిక్యంలో ఉంది. మొదట బ్యాటింగ్ చేసిన జింబాబ్వే జట్టు 49.5 ఓవర్లలో 197 పరుగులు చేసింది. 198 పరుగుల లక్ష్యంతో బరిలోకి దిగిన భారత్ కేవలం 27.1 ఓవర్లలోనే ఒక్క వికెట్ మాత్రమే కోల్పోయి లక్ష్యాన్ని సాధించింది. మరో వైపు న్యూజిలాండ్ వేదికగా భారత్ పురుషుల క్రికెట్ జట్టు న్యూజిలాండ్ తో రెండో టీ20లో తలపడుతున్నాయి. మొదట టాస్ గెలిచిన భారత్ జట్టు బౌలింగ్ ఎంచుకుంది. బ్యాటింగ్ ప్రారంభించి న్యూజిలాండ్ మధ్యాహ్నం ఒంటి గంట సమయానికి 41 పరుగులకు మూడు వికెట్లు నష్టపోయింది.
భారత స్టార్ షట్లర్ పి.వి.సింధు ఫ్రెంచ్ ఓపెన్ సూపర్ 750 టోర్నీలో సెమీఫైనల్స్‌కు దూసుకెళ్లింది. క్వార్టర్ ఫైనల్లో చైనీస్ తైపీ క్రీడాకారిణి చియు పిన్‌పై వరుస సెట్లలో విజయం సాధించి.. ఈ టోర్నీ టైటిల్ రేసులో నిలిచిన ఏకైక భారత షట్లర్‌గా నిలిచింది.
క్రైస్ట్‌చర్చ్‌లో జరిగిన తొలి టీ20 మ్యాచ్‌లో న్యూజిలాండ్‌పై భారత్ 4 వికెట్ల తేడాతో గెలిచింది. 226 పరుగుల లక్ష్యాన్ని టీమ్‌ఇండియా 19.4 ఓవర్లలో 6 వికెట్లు కోల్పోయి ఛేదించింది. సంజు శాంసన్ 67 పరుగులతో రాణించాడు.
పారా ఆసియా క్రీడల్లో భారత అథ్లెట్లు అంచనాలను మించి రాణిస్తూ 61 పతకాలతో 4వ స్థానానికి దూసుకెళ్లారు. దిలీప్ గావిట్, సిమ్రాన్ స్వర్ణ పతకాలు సాధించగా, మోర్సింగ్‌నకత్ రజతం కైవసం చేసుకున్నారు.
జపాన్‌ దేశంలో జరుగుతున్న ఆసియా పారా క్రీడల్లో భారత క్రీడాకారులు పతకాలు సాధిస్తున్నారు. పురుషుల 65 కిలోల పవర్‌లిఫ్టింగ్‌ విభాగంలో అశోక్‌ 192 కిలోల బరువును ఎత్తి రజత పతకం సాధించారు. పురుషుల 10 మీటర్ల ఎయిర్‌ పిస్టల్‌ ఎస్‌హెచ్‌-1 విభాగంలో మనీష్‌ నర్వాల్‌ 233.7 పాయింట్లతో రజత పతకం గెలుచుకున్నారు. మహిళల 400 మీటర్ల టీ-20 విభాగంలో దీప్తి జీవాంజి 56.36 సెకన్లలో లక్ష్యాన్ని చేరి స్వర్ణ పతకం సాధించింది. దీంతో ఇప్పటి వరకు భారత్ 22 పతకాలు సాధించి 6 స్థానంలో ఉంది.
ఆసియా క్రీడలు 2026లో పాల్గొన్న భారతీయ క్రీడాకారులతో ప్రధానమంత్రి నరేంద్ర మోదీ ఇవాళ సాయంత్రం న్యూఢిల్లీలోని మేజర్ ధ్యాన్ చంద్ నేషనల్ స్టేడియంలో ముచ్చటించనున్నారు. జపాన్‌లో జరిగిన ఈ పోటీల్లో భారత్ 21 స్వర్ణాలు, 27 రజతాలు, 37 కాంస్యాలతో మొత్తం 85 పతకాలు సాధించి 4వ స్థానంలో నిలిచింది.
భారత్‌కు వెస్టిండీస్ జట్ల మద్య హైదరాబాద్‌లో నిన్న రాత్రి జరిగిన నాలుగో టీ20 అంతర్జాతీయ మ్యాచ్‌లో వెస్టిండీస్ 24 పరుగుల తేడాతో భారత్‌పై విజయం సాధించింది. దీంతో ఐదు మ్యాచ్‌ల సిరీస్ రెండు-రెండుతో సమమైంది. 248 పరుగుల భారీ లక్ష్యంతో బరిలోకి దిగిన భారత్, 19.3 ఓవర్లలో తొమ్మిది వికెట్లు కోల్పోయి 223 పరుగులు చేసింది. అంతకుముందు తొలుత బ్యాటింగ్ చేసిన వెస్టిండీస్ జట్టు నిర్ణీత 20 ఓవర్లలో మూడు వికెట్ల నష్టానికి 247 పరుగులు చేసింది. ఇక ఈ సిరీస్‌లో నిర్ణయాత్మకమైన ఐదో టీ20 మ్యాచ్ ఈ నెల 17వ తేదీన బెంగళూరులోని ఎం. చిన్నస్వామి స్టేడియంలో జరగనుంది.
ఐసీసీ టీ20 ర్యాంకింగ్స్‌లో భారత ఆటగాళ్లు శ్రేయస్ అయ్యర్, తిలక్ వర్మ మెరుగైన స్థానాలకు చేరారు. ఇషాన్ కిషన్, అభిషేక్ శర్మ తొలి రెండు స్థానాల్లో కొనసాగుతుండగా, శ్రేయస్ అయ్యర్ 4వ ర్యాంకుకు ఎగబాకారు. టెస్టు బ్యాటింగ్ ర్యాంకింగ్స్‌లో రిషభ్ పంత్ 7వ స్థానంలో నిలిచారు.
రాష్ట్ర ప్రభుత్వం క్రీడలను ప్రోత్సహిస్తోందని ప్రభుత్వ విప్, వేములవాడ శాసనసభ్యులు ఎమ్మెల్యే ఆది శ్రీనివాస్ అన్నారు. నిన్న రాజన్న సిరిసిల్ల జిల్లా సిరిసిల్ల రగుడు మైదానంలో స్కూల్ గేమ్స్ ఫెడరేషన్ ఆధ్వర్యంలో నిర్వహిస్తున్న అండర్-17 బాలికల రాష్ట్రస్థాయి క్రికెట్ పోటీలను ఆయన ప్రారంభించారు.
2036లో ఒలింపిక్స్ క్రీడలకు ఆతిథ్యం ఇవ్వాలనే బృహత్తర స్వప్నంతో భారత్ ముందుకు సాగుతోందని ప్రధాని నరేంద్ర మోదీ తెలిపారు. చెన్నైలోని జైగోపాల్ గరోడియా హిందూ విద్యాలయ స్వర్ణోత్సవాల్లో పాల్గొన్న ఆయన, రక్షణ, ఇంజనీరింగ్ రంగాల్లో దేశం సాధించిన రికార్డులను వివరించారు.