ఇరాన్ యుద్ధం కారణంగానే రిపబ్లికన్లు ఎన్నికల్లో ఓడిపోయారని జేడీ వాన్స్ వ్యాఖ్యలు – భారీగా పడిపోయిన చమురు ధరలు

ఆంధ్రప్రదేశ్12:15

ఎన్టీఆర్ జిల్లాలో పోలింగ్ సరళిని పరిశీలించిన రాష్ట్ర ఎన్నికల కమిషనర్ అనిల్ చంద్ర పునేఠ▶

గుంటుపల్లి రైల్వే వాగన్ వర్క్‌షాప్ కాలనీలోని కేంద్రీయ విద్యాలయం-2 పోలింగ్ కేంద్రాన్ని రాష్ట్ర ఎన్నికల కమిషనర్ అనిల్ చంద్ర పునేఠ గురువారం సందర్శించారు.

ఆంధ్రప్రదేశ్12:15

విజయవాడ రూరల్‌లో ప్రారంభమైన జడ్పీటీసీ, ఎంపీటీసీ ఎన్నికల పోలింగ్▶

విజయవాడ రూరల్‌లో జడ్పీటీసీ, ఎంపీటీసీ ఎన్నికల పోలింగ్ గురువారం ఉదయం 7 గంటలకు ప్రారంభమైంది.

ఆంధ్రప్రదేశ్10:12

కొఠియా గ్రామాలపై మంత్రి స్పందన

ఆంధ్రప్రదేశ్, ఒడిశా సరిహద్దుల్లోని కొఠియా గ్రామాల గిరిజనులను ఓటు హక్కు వినియోగించుకోకుండా ఒడిశా అధికారులు అడ్డుకోవడం సరికాదని ఆంధ్రప్రదేశ్ గిరిజన సంక్షేమ శాఖ మంత్రి గుమ్మడి సంధ్యారాణి అన్నారు. ఈ మేరకు మంత్రి ఒక వీడియో సందేశంలో మాట్లాడుతూ, స్థానిక సంస్థల ఎన్నికల నేపథ్యంలో 29 గిరిజన గ్రామాల ప్రజలను ఎన్నికలు బహిష్కరించాలని బెదిరించడం తగదన్నారు. ఓటు వేయడానికి వస్తారనే కారణంతో ఆంక్షలు విధించడం, గిరిజనుల వాహనాలను స్వాధీనం చేసుకోవడం ప్రజాస్వామ్య విరుద్ధమని పేర్కొన్నారు.కొఠియా గ్రామాలపై సుప్రీంకోర్టు స్టేటస్ కో అమల్లో ఉందని మంత్రి తెలియజేశారు.

తెలంగాణ10:07

లండన్‌లో తెలంగాణ పర్యాటక పెవిలియన్

ప్రపంచంలోని ప్రముఖ పర్యాటక ప్రదర్శనల్లో ఒకటైన వరల్డ్ ట్రావెల్ మార్కెట్-2026లో తెలంగాణ పర్యాటక శాఖ ప్రత్యేక పెవిలియన్ ఏర్పాటు చేసింది. లండన్‌లో జరుగుతున్న ఈ ప్రదర్శనలో ఏర్పాటు చేసిన తెలంగాణ పెవిలియన్‌ను కేంద్ర పర్యాటక శాఖ మంత్రి గజేంద్రసింగ్ షెకావత్ బుధవారం ప్రారంభించారు. ఈ పెవిలియన్‌లో తెలంగాణలోని రామప్ప దేవాలయం, గోల్కొండ కోట, చార్మినార్, బుద్ధవనం, లక్నవరం, బొగత జలపాతం వంటి ప్రముఖ పర్యాటక ప్రాంతాలతో పాటు తెలంగాణ చేనేత, హస్తకళలను ఈ పెవిలియన్‌లో ప్రత్యేకంగా ప్రదర్శిస్తున్నారు.

తెలంగాణ10:06

ఈ-శ్రమ్‌తో సామాజిక భద్రత : జి.కిషన్ రెడ్డి

అసంఘటిత రంగ కార్మికులకు సామాజిక భద్రత కల్పించడమే కేంద్ర ప్రభుత్వ లక్ష్యమని కేంద్ర బొగ్గు, గనుల శాఖ మంత్రి జి.కిషన్ రెడ్డి తెలిపారు. 2026 ఆగస్టు 14 నాటికి తెలంగాణలో 47 లక్షల 21 వేల 780 మందికి పైగా అసంఘటిత రంగ కార్మికులు ఈ-శ్రమ్ పోర్టల్‌లో నమోదు చేసుకున్నట్లు సామాజిక మాధ్యమం ఎక్స్ వేదికగా నిన్న వెల్లడించారు. హైదరాబాద్, సికింద్రాబాద్ పరిధిలో 3 లక్షల 84 వేల 770 మందికి పైగా కార్మికులు నమోదు చేసుకున్నారని తెలిపారు. ఈ-శ్రామ్ కార్డుదారులకు ప్రధానమంత్రి సురక్ష బీమా యోజన కింద ప్రమాదవశాత్తు మరణిస్తే రెండు లక్షల రూపాయలు, పాక్షిక వైకల్యం ఏర్పడితే లక్ష రూపాయల బీమా కవరేజీ లభిస్తుందని వివరించారు.అసంఘటిత రంగ కార్మికులకు సంక్షేమ పథకాల ప్రయోజనాలు అందించడంలో ఈ-శ్రమ్ కీలకంగా మారిందని కిషన్ రెడ్డి పేర్కొన్నారు.

ఆంధ్రప్రదేశ్10:03

పోలీసు భద్రత ఏర్పాట్లు

ఆంధ్రప్రదేశ్ లో జరిగే ఎంపీటీసీ, జడ్పీటిసి ఎన్నికల నిర్వహణకు పటిష్ఠ పోలీసు భద్రత ఏర్పాట్లు చేసినట్లు డీజీపీ హరీశ్ కుమార్ గుప్తా ఒక ప్రకటనలో తెలిపారు. ఎన్నికలను ప్రశాంత వాతావరణంలో నిర్వహించేందుకు ప్రత్యేక ప్రణాళిక అమలు చేస్తున్నామన్నారు. ఒకే దశలో పోలింగ్ జరుగుతున్న నేపథ్యంలో, పోలింగ్ కేంద్రాల వద్ద రద్దీ నియంత్రణకు తగినంత మంది పోలీసు సిబ్బందిని మోహరించినట్లు వెల్లడించారు.పోలింగ్ కేంద్రాల వద్ద పటిష్ఠ భద్రత ఏర్పాటు చేయడంతో పాటు, సీసీటీవీ కెమెరాలు, వీడియోగ్రఫీ ద్వారా ఎన్నికల ప్రక్రియను క్షేత్రస్థాయిలో పర్యవేక్షిస్తున్నామని డీజీపీ తెలిపారు.

ఆంధ్రప్రదేశ్09:57

ఎంపీటీసీ, జడ్పీటీసీ ఎన్నికలు

ఆంధ్రప్రదేశ్ వ్యాప్తంగా ఎంపీటీసీ, జడ్పీటీసీ ఎన్నికలకు పోలింగ్ గురువారం జరుగుతుంది. ఎన్నికల నిర్వహణకు అన్ని ఏర్పాట్లు పూర్తి చేసినట్లు రాష్ట్ర ఎన్నికల సంఘం వెల్లడించింది. మొత్తం 31 వేల 460 పోలింగ్ కేంద్రాలను ఏర్పాటు చేయగా, ఉదయం 7 గంటల నుంచి పోలింగ్ ప్రారంభం కానుంది. రాష్ట్రంలో మొత్తం 9 వేల 821 ఎంపీటీసీ స్థానాలకు గాను 2 వేల 51 స్థానాలు ఏకగ్రీవమవ్వగా.. మిగిలిన 7 వేల 770 స్థానాలకు ఎన్నికలు నిర్వహిస్తున్నారు. అలాగే 659 జడ్పీటీసీ స్థానాల్లో 77 ఏకగ్రీవం కాగా, మిగిలిన 582 స్థానాలకు పోలింగ్ జరుగనుంది.

ఆంధ్రప్రదేశ్09:53

ఎంపీటీసీ, జడ్పీటీసీ ఎన్నికల పోలింగ్ వాయిదా

వర్షాలు, ప్రతికూల వాతావరణ పరిస్థితుల కారణంగా ఆంధ్రప్రదేశ్ లోని ఏలూరు, తూర్పుగోదావరి జిల్లాల్లోని కొన్ని మండలాల్లో ఎంపీటీసీ, జడ్పీటీసీ ఎన్నికల పోలింగ్‌ను రాష్ట్ర ఎన్నికల సంఘం వాయిదా వేసింది. ఏలూరు జిల్లాలోని వేలేరుపాడు, బుట్టాయగూడెం, జీలుగుమిల్లి, పోలవరం మండలాలతో పాటు తూర్పుగోదావరి జిల్లాలోని గోపాలపురం మండలంలో పూర్తిగా పోలింగ్ వాయిదా వేస్తున్నట్లు రాష్ట్ర ఎన్నికల కమిషనర్ పునేఠా వెల్లడించారు. రెండు జిల్లాల కలెక్టర్ల విజ్ఞప్తుల మేరకు క్షేత్రస్థాయి పరిస్థితులను పరిశీలించి ఈ నిర్ణయం తీసుకున్నట్లు ఆయన తెలిపారు. గురువారం జరగాల్సిన పోలింగ్‌ను శుక్రవారం నిర్వహించనున్నారు. శనివారం ఓట్ల లెక్కింపు చేపట్టనున్నారు.ఈ మండలాలు మినహా ఆయా జిల్లాలలోని మిగిలిన ప్రాంతాల్లో ఈరోజు యథావిధిగా పోలింగ్ కొనసాగుతుందని ఎన్నికల సంఘం తెలిపింది.

ఆంధ్రప్రదేశ్09:51

సీఎంను కలిసిన కమాండింగ్ మేజర్

ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఆంధ్రప్రదేశ్ - తెలంగాణ సబ్ ఏరియా జనరల్ ఆఫీసర్ కమాండింగ్ మేజర్ జనరల్ శ్రీనివాస్ తో సమావేశమయ్యారు. ఈ మేరకు అమరావతిలోని రాష్ట్ర సచివాలయంలో ముఖ్యమంత్రిని బుధవారం మర్యాదపూర్వకంగా కలిశారు. ఈ సందర్భంగా ఆంధ్రప్రదేశ్, తెలంగాణ రాష్ట్రాలకు సంబంధించి స్థానిక మిలటరీ అథారిటీగా పలు అంశాలను ముఖ్యమంత్రి దృష్టికి తీసుకువచ్చారు. రాష్ట్ర ప్రభుత్వం తరఫున సైనిక దళాలకు పూర్తి సహకారం అందిస్తామని చంద్రబాబు నాయుడు స్పష్టం చేశారు.

తెలంగాణ09:49

తుపాను సహాయక చర్యలపై హోంమంత్రి సమీక్ష

ఆంధ్రప్రదేశ్ లో తుపాను సహాయక చర్యలపై హోంమంత్రి వి.అనిత బుధవారం సమీక్ష నిర్వహించారు. తుపాను ప్రభావిత జిల్లాల కలెక్టర్లతో శ్రవణ మాధ్యమం విధానం ద్వారా మాట్లాడారు. ఈ సందర్భంగా ఆమె మాట్లాడుతూ, తుపాను బాధితులకు త్వరితగతిన సహాయం అందించాలని అధికారులను ఆదేశించారు. మురసు తుపాను ప్రభావిత ఏడు జిల్లాల్లోని గ్రామాల్లో సహాయక చర్యలు చేపడుతున్నామని వెల్లడించారు. వర్షాలు, వరదల నేపథ్యంలో ప్రజలు, రైతులు అప్రమత్తంగా ఉండాలని అనిత సూచించారు. కంట్రోల్ రూమ్‌ల ద్వారా 24 గంటలూ పరిస్థితిని పర్యవేక్షించాలని అధికారులను ఆదేశించారు.

తెలంగాణ09:45

'అగ్నిపథ్' పథకంలో కేంద్రం కీలక మార్పులు.. మిగిలిన 75% అగ్నివీరులకు మరో రెండేళ్ల సర్వీస్ అవకాశం▶

'అగ్నిపథ్' పథకంలో భాగంగా నాలుగేళ్ల సర్వీస్ తర్వాత రెగ్యులర్ కాని మిగిలిన 75 శాతం మంది అగ్నివీరులకు మరో రెండేళ్ల సర్వీస్ పొడిగింపు అవకాశాన్ని కేంద్రం కల్పించిందని సీడీఎస్ జనరల్ ఎన్.ఎస్. రాజా సుబ్రమణి వెల్లడించారు. ఈ అదనపు రెండేళ్ల కాలం పూర్తయ్యాక అర్హత సాధించిన వారికి సైన్యంలో రెగ్యులర్ సైనికులుగా చేరే అవకాశం లభిస్తుందని, పొడిగింపు కాలంలో అధిక వేతనం, పెరిగిన సేవా నిధి అందుతాయని స్పష్టం చేశారు.

తెలంగాణ09:45

అమెరికా మధ్యంతర ఎన్నికల్లో డెమొక్రాట్ల హవా: సెనేట్, ప్రతినిధుల సభ కైవసం

అమెరికా మధ్యంతర ఎన్నికల్లో డెమొక్రాటిక్ పార్టీ సెనేట్ (54 సీట్లు), ప్రతినిధుల సభ (224 సీట్లు)లలో మెజారిటీ సాధించి విజయం నమోదు చేసింది. టెక్సాస్, సౌత్ కరోలినా, నార్త్ కరోలినా, ఒహియో, కాన్సాస్ వంటి రిపబ్లికన్ కంచుకోటల్లో డెమొక్రాట్లు చారిత్రక విజయాలు సాధించారు. ఫలితాలను అంగీకరిస్తున్నట్లు అధ్యక్షుడు డొనాల్డ్ ట్రంప్ ప్రకటించారు. ఈ ఫలితాలు రాబోయే కాలంలో ట్రంప్ పరిపాలనపై గణనీయ ప్రభావం చూపనున్నాయి.

ఆంధ్రప్రదేశ్09:45

ఎన్నికల సామగ్రితో పోలింగ్ కేంద్రాలకు బయలుదేరిన సిబ్బంది▶

గన్నవరం మండలంలోని సెయింట్ జాన్స్ స్కూల్ నుంచి ఎన్నికల సామగ్రి, బ్యాలెట్ బాక్సులతో పోలింగ్ సిబ్బంది తమకు కేటాయించిన పోలింగ్ కేంద్రాలకు బయలుదేరారు.

ఆంధ్రప్రదేశ్09:45

పార్వతీపురం మన్యం జిల్లాలో ఎంపీటీసీ, జెడ్పీటీసీ ఎన్నికలకు సర్వం సిద్ధం▶

పార్వతీపురం మన్యం జిల్లాలో ఎంపీటీసీ, జెడ్పీటీసీ ఎన్నికల నిర్వహణకు అన్ని ఏర్పాట్లు పూర్తి చేసినట్లు జిల్లా కలెక్టర్, జిల్లా ఎన్నికల అధికారి డాక్టర్ ఎన్. ప్రభాకర రెడ్డి తెలిపారు.

ఆంధ్రప్రదేశ్09:45

యడ్లపాడులో మురసు తుఫాన్ నష్టాలను పరిశీలించిన కలెక్టర్ కృతిక శుక్ల▶

పల్నాడు జిల్లా యడ్లపాడు మండలంలో మురసు తుఫాన్ ప్రభావంతో దెబ్బతిన్న పంటలు, రహదారులు, ఇతర ప్రాంతాల్లో జరిగిన నష్టాలను జిల్లా కలెక్టర్ కృతిక శుక్ల బుధవారం క్షేత్రస్థాయిలో పరిశీలించారు.

వీడియో వార్తలు

విద్యుత్ కొరత, ఖానామెట్‌లో అక్రమ నిర్మాణాలపై కాంగ్రెస్ ప్రభుత్వంపై విమర్శలు గుప్పించిన టిఆర్ఎస్ అధ్యక్షురాలు కవిత

ఎల్‌నినో ప్రభావంతో నష్టపోయిన రైతులను ఆదుకోవాలి సీపీఐ జాతీయ కార్యదర్శి కె. రామకృష్ణ

12 ఏళ్ల నిరీక్షణకు తెర.. సిర్పూర్ నాగమ్మ చెరువులోకి సాగునీటిని విడుదల చేసిన ఎమ్మెల్యే హరీష్ బాబు!

ప్రకాశం జిల్లాలో ఎంపీటీసీ, జడ్పీటీసీ ఎన్నికల పోలింగ్ కేంద్రాలను పరిశీలించిన ఎస్పీ

కాకినాడ జిల్లా వ్యాప్తంగా ప్రశాంతంగా ప్రారంభమైన ఎంపీటీసీ, జెడ్పీటీసీ ఎన్నికల పోలింగ్

ఎన్టీఆర్ జిల్లాలో పోలింగ్ సరళిని పరిశీలించిన రాష్ట్ర ఎన్నికల కమిషనర్ అనిల్ చంద్ర పునేఠ

విజయవాడ రూరల్‌లో ప్రారంభమైన జడ్పీటీసీ, ఎంపీటీసీ ఎన్నికల పోలింగ్

'అగ్నిపథ్' పథకంలో కేంద్రం కీలక మార్పులు.. మిగిలిన 75% అగ్నివీరులకు మరో రెండేళ్ల సర్వీస్ అవకాశం

ఎన్నికల సామగ్రితో పోలింగ్ కేంద్రాలకు బయలుదేరిన సిబ్బంది

పార్వతీపురం మన్యం జిల్లాలో ఎంపీటీసీ, జెడ్పీటీసీ ఎన్నికలకు సర్వం సిద్ధం

యడ్లపాడులో మురసు తుఫాన్ నష్టాలను పరిశీలించిన కలెక్టర్ కృతిక శుక్ల

తెలంగాణ

తుపాను సహాయక చర్యలపై హోంమంత్రి సమీక్ష

05-11-2026 09:49

'అగ్నిపథ్' పథకంలో కేంద్రం కీలక మార్పులు.. మిగిలిన 75% అగ్నివీరులకు మరో రెండేళ్ల సర్వీస్ అవకాశం

అమెరికా మధ్యంతర ఎన్నికల్లో డెమొక్రాట్ల హవా: సెనేట్, ప్రతినిధుల సభ కైవసం

2047 నాటికి తెలంగాణను 3 ట్రిలియన్ డాలర్ల ఆర్థిక వ్యవస్థగా తీర్చిదిద్దడమే లక్ష్యం: భట్టి విక్రమార్క

తెలంగాణను 2047 నాటికి మూడు ట్రిలియన్ డాలర్ల ఆర్థిక వ్యవస్థగా తీర్చిదిద్దడమే లక్ష్యమని ఉప ముఖ్యమంత్రి భట్టి విక్రమార్క తెలిపారు. హైదరాబాద్ లో జరిగిన ఫిక్కీ @100 వేడుకలు, తెలంగాణ డీప్‌టెక్ లీడర్‌షిప్ సమ్మిట్‌కు ఆయన ముఖ్య అతిథిగా హాజరయ్యారు. రాష్ట్ర ఆర్థిక ప్రగతిలో డీప్‌టెక్, సాంకేతిక ఆవిష్కరణలు కీలక పాత్ర పోషించాలని, పరిశోధనలు ప్రయోగశాలలకే పరిమితం కాకుండా ప్రజలకు ఉపయోగపడే ఉత్పత్తులుగా మారాలని అన్నారు. సాఫ్ట్‌ వేర్, ఫార్మా, బయోటెక్, ఏరోస్పేస్ రంగాల సమన్వయంతో హైదరాబాద్‌లో అపార అవకాశాలున్నాయన్నారు. యువ స్టార్టప్‌లకు ఉమ్మడి పరీక్షా కేంద్రాలు, సులభతర ధ్రువీకరణ విధానాలు అందుబాటులోకి రావాలని సూచించారు. అంతకుముందు ఫిక్కీ చైర్మన్ వివిఆర్ రాజు, FTCCI అధ్యక్షులు కేకే మహేశ్వరి, ఫిక్కీ మాజీ అధ్యక్షులు డాక్టర్ సంగీతారెడ్డి తదితరులు ఆయనకు స్వాగతం పలికారు.

04-11-2026 16:15

సైబర్ నేర సమన్వయ బృంద సమావేశం

ఇండియన్ సైబర్ క్రైమ్ కోఆర్డినేషన్ సెంటర్ ఆధ్వర్యంలో, తెలంగాణ సైబర్ సెక్యూరిటీ బ్యూరో సమన్వయంతో హైదరాబాద్‌లో జాయింట్ సైబర్ నేర సమన్వయ బృంద సమావేశం మంగళవారం నిర్వహించారు. ఆంధ్రప్రదేశ్, తెలంగాణ సహా 13 రాష్ట్రాల పోలీసు ఉన్నతాధికారులు, కేంద్ర దర్యాప్తు సంస్థలు, వివిధ ప్రభుత్వ శాఖల ప్రతినిధులు ఈ సమావేశంలో పాల్గొన్నారు. ఈ సందర్భంగా తెలంగాణ డీజీపీ సీవీ ఆనంద్ మాట్లాడుతూ, సైబర్ నేరాలు వ్యవస్థీకృత పరిశ్రమగా మారాయని అన్నారు. నేరం జరిగిన తర్వాత నగదు రికవరీ చేయడం కంటే, అసలు నేరాలు జరగకుండా ముందస్తు చర్యలు తీసుకోవడంపై దృష్టి పెట్టాలని సూచించారు., సైబర్ నేరాలపై రాష్ట్రాల మధ్య సమన్వయంతో పాటు అంతర్జాతీయ స్థాయిలోనూ సహకారం అవసరమని అభిప్రాయం వ్యక్తం చేశారు .

04-11-2026 10:51

ప్రభుత్వ ఆసుపత్రుల్లో కేన్సర్ చికిత్సలపై మంత్రి దామోదర్ రాజనర్సింహ ఉన్నత స్థాయి సమీక్ష

రాష్ట్రంలోని ప్రభుత్వ ఆసుపత్రుల్లో కేన్సర్ రోగులకు అందుతున్న వైద్య సేవలపై ఆరోగ్యశాఖ మంత్రి దామోదర్ రాజనర్సింహ ఉన్నత స్థాయి సమీక్ష నిర్వహించారు. ఎంఎన్‌జే, నిమ్స్, జిల్లాల్లోని కీమోథెరపీ కేంద్రాల పనితీరుపై ఆరా తీశారు. కేన్సర్ ముందస్తు గుర్తింపునకు స్క్రీనింగ్, నివారణ చర్యలను పటిష్టం చేయాలని ఆదేశించారు. ఈ సమావేశంలో ప్రభుత్వ సలహాదారు డాక్టర్ నోరి దత్తాత్రేయుడు, ప్రిన్సిపల్ సెక్రటరీ క్రిస్టినా పాల్గొన్నారు.

04-11-2026 09:53

ఆంధ్రప్రదేశ్

ఎంపీటీసీ, జడ్పీటీసీ ఎన్నికలు

05-11-2026 09:57

ఎంపీటీసీ, జడ్పీటీసీ ఎన్నికల పోలింగ్ వాయిదా

05-11-2026 09:53

సీఎంను కలిసిన కమాండింగ్ మేజర్

05-11-2026 09:51

ఎన్నికల సామగ్రితో పోలింగ్ కేంద్రాలకు బయలుదేరిన సిబ్బంది

పార్వతీపురం మన్యం జిల్లాలో ఎంపీటీసీ, జెడ్పీటీసీ ఎన్నికలకు సర్వం సిద్ధం

యడ్లపాడులో మురసు తుఫాన్ నష్టాలను పరిశీలించిన కలెక్టర్ కృతిక శుక్ల

జాతీయం

టెక్నాలజీ స్కోర్‌బోర్డు

పరిశోధన, అభివృద్ధి కోసం కేంద్ర, రాష్ట్ర ప్రభుత్వాలు తగినన్ని నిధులు కేటాయించాలని ఆంధ్రప్రదేశ్‌ ప్రభుత్వ సైన్స్‌ అండ్‌ టెక్నాలజీ శాఖ కార్యదర్శి డాక్టర్‌ హెచ్‌. పురుషోత్తం కోరారు. ఢిల్లీలో నీతి ఆయోగ్‌ నిర్వహించిన ఇండియా సైన్స్‌ అండ్‌ టెక్నాలజీ స్కోర్‌బోర్డు ప్రారంభోత్సవంలో ఆయన మంగళవారం పాల్గొన్నారు. ఈ సందర్భంగా ఆయన మాట్లాడుతూ, రాష్ట్రాల సైన్స్ అండ్ టెక్నాలజీ స్కోర్‌బోర్డులో గ్లోబల్‌ ఇండియా ఇన్నోవేషన్‌ ఇండెక్స్‌లను చేర్చాలని సూచించారు. పరిశోధనా సంస్థలను బలోపేతం చేయడంతోపాటు పరిశ్రమలు, విద్యాసంస్థల మధ్య సమన్వయం పెంచాలని సూచించారు. పరిశోధన ఫలితాలను ఆచరణలోకి తీసుకురావడం ద్వారా సాంకేతిక అభివృద్ధికి మరింత చేయూత లభిస్తుందని పురుషోత్తం పేర్కొన్నారు.

04-11-2026 11:28

గుంటూరు జిల్లా యంత్రాంగం అప్రమత్తం.. 83 పునరావాస శిబిరాలు ఏర్పాటు

మురసు తుపాను ఈ రోజు రాత్రికి కావలి–ఒంగోలు మధ్య తీరం దాటే అవకాశం ఉందన్న అంచనాల నేపథ్యంలో గుంటూరు జిల్లా యంత్రాంగం అప్రమత్తమైంది.

02-11-2026 14:42

ఖేత్ బచావో అభియాన్ - రబీ 2026.. నేల ఆరోగ్యం, సుస్థిర వ్యవసాయంపై దేశవ్యాప్త ప్రచారం

భారతదేశంలో నేల సారాన్ని పెంచేందుకు 34 రాష్ట్రాల పరిధిలోని 700 జిల్లాల్లో ‘ఖేత్ బచావో అభియాన్ - రబీ 2026’ ముమ్మరంగా సాగుతోంది. 4,150 బృందాలు, 12,000 మంది శాస్త్రవేత్తలతో 50 లక్షల మంది రైతులకు సమతుల్య ఎరువుల వాడకం, సహజ వ్యవసాయం, జీలుగ వంటి పచ్చిరొట్ట ఎరువుల సాగుపై అవగాహన కల్పిస్తూ సుస్థిర వ్యవసాయాన్ని ప్రోత్సహిస్తున్నారు.

02-11-2026 14:39

రక్షణ మంత్రి రాజ్‌నాథ్ సింగ్‌తో నూతన వాయుసేన చీఫ్ అశుతోష్ దీక్షిత్ భేటీ

భారత వైమానిక దళ నూతన అధిపతిగా బాధ్యతలు చేపట్టిన ఎయిర్ చీఫ్ మార్షల్ అశుతోష్ దీక్షిత్ రక్షణ మంత్రి రాజ్‌నాథ్ సింగ్‌తో భేటీ అయ్యారు. దీక్షిత్ విశిష్ట నాయకత్వ లక్షణాలు కలిగిన ప్రతిభావంతుడైన ఎయిర్ వారియర్ అని రక్షణ మంత్రి ప్రశంసిస్తూ, ఆయన పదవీ కాలం విజయవంతం కావాలని శుభాకాంక్షలు తెలిపారు.

02-11-2026 14:39

హర్యానా రాష్ట్ర ఆవిర్భావ వేడుకల్లో పాల్గొన్న రాష్ట్రపతి ద్రౌపది ముర్ము

కురుక్షేత్ర విశ్వవిద్యాలయంలో జరిగిన హర్యానా 60వ ఆవిర్భావ వేడుకల్లో రాష్ట్రపతి ద్రౌపది ముర్ము ప్రసంగించారు. కురుక్షేత్ర పుణ్యభూమి గొప్పతనాన్ని, స్వాతంత్ర్య సమరయోధులైన రావు తులారామ్, దీనబంధు ఛోటూరామ్, కాన్షీరామ్ త్యాగాలను కొనియాడారు.

02-11-2026 09:49

ఇండి కూటమి చేపట్టిన నిరసనల్లో పాల్గొనండి.. షాపింగ్ కూడా చేయండి: రాహుల్ గాంధీ

దిల్లీ రాంలీలా మైదానంలో ఇండి కూటమి చేపట్టిన మెగా ర్యాలీకి వచ్చే ప్రజలు నిరసనలతో పాటు స్థానిక చిన్న దుకాణాల్లో షాపింగ్ చేయాలని కాంగ్రెస్ నేత రాహుల్ గాంధీ పిలుపునిచ్చారు. పండుగల వేళ ర్యాలీ వల్ల వ్యాపారాలు దెబ్బతింటాయని బీజేపీ అసత్య ప్రచారం చేస్తోందని ఆరోపించారు. స్థానిక వ్యాపారులకు మద్దతుగా కొనుగోళ్లు జరపాలని కోరారు.

02-11-2026 09:49

అంతర్జాతీయం

ఇజ్రాయెల్ ఎన్నికల్లో విదేశీ జోక్యంపై విచారణకు నెతన్యాహు డిమాండ్

ఇజ్రాయెల్ ఎన్నికల్లో విదేశీ జోక్యం, అరబ్ పార్టీల పాత్రపై విచారణ జరపాలని ప్రధాని నెతన్యాహు డిమాండ్ చేశారు. 120 సీట్లు ఉన్న నెస్సెట్‌లో ఏ పార్టీకీ స్పష్టమైన 61 సీట్ల మెజారిటీ దక్కే సంకేతాలు కనిపించడం లేదు.

30-10-2026 09:49

సంక్షోభ సమయాల్లో పౌరుల రక్షణకు భారత్ పెద్దపీట: పీయూష్ గోయెల్

సంక్షోభ సమయాల్లో విదేశాల్లో చిక్కుకున్న పౌరుల రక్షణకు భారత్ కట్టుబడి ఉందని కేంద్ర మంత్రి పీయూష్ గోయెల్ తెలిపారు. జర్మనీలోని బెర్లిన్ వేదికగా ఆయన ఈ విషయాలు వెల్లడించారు.

24-10-2026 09:52

అమెరికా అధ్యక్షుడు ట్రంప్ నిర్ణయాలపై జెలెన్స్కీ అభ్యంతరం

అమెరికా అధ్యక్షుడు డోనాల్డ్ ట్రంప్ తీసుకున్న నిర్ణయాలపై ఉక్రెయిన్ అధ్యక్షుడు వ్లాదిమిర్ జెలెన్స్కీ అభ్యంతరం వ్యక్తం చేశారు. రష్యా నుంచి డీజిల్ సరఫరాపై ఆంక్షల సడలింపు, శుద్ధి కేంద్రాలపై దాడులు ఆపాలన్న సూచనలను తప్పుపట్టారు. యుద్ధంలో అమెరికా తటస్థంగా ఉండాలని కోరారు.

15-10-2026 12:32

హార్ముజ్ జలసంధిలో పెరుగుతున్న దాడులు.. మునిగిన 2 నౌకలు

హార్ముజ్ జలసంధి వద్ద రవాణా నౌకలపై దాడులు పెరిగాయి. 24 గంటల వ్యవధిలో జరిగిన 2 వేర్వేరు ఘటనల్లో జీఎఫ్‌ఎస్ ప్రైడ్, కేప్ డావో నౌకలు సముద్రంలో మునిగిపోయాయి. కేప్ డావో నౌక మునిగిన ఘటనలో ఒకరు ప్రాణాలు కోల్పోగా, అమెరికా ఆంక్షల నేపథ్యంలో ఇరాన్ దాడులు ముమ్మరం చేసినట్లు నివేదికలు తెలుపుతున్నాయి.

15-10-2026 12:32

హర్మూజ్‌లో సీమైన్‌ను ఢీకొని ముగిగిన చమురు ట్యాంకర్

హర్మూజ్ జలసంధిలో మందుపాతరను (సీమైన్) ఢీకొని ఒక చమురు ట్యాంకర్ మునిగిపోయింది. ఇరాన్ ఇస్లామిక్ రివల్యూషనరీ గార్డ్ కార్ప్స్ (ఐఆర్‌జీసీ) ఈ విషయాన్ని వెల్లడించింది. తమ అనుమతి లేకుండా జలసంధి గుండా ప్రయాణించవద్దని ఇరాన్ ప్రపంచ దేశాలను హెచ్చరించింది.

15-10-2026 09:46

ఉగ్రవాదాన్ని 'మానవత్వానికి వ్యతిరేక నేరం'గా పరిగణించాలని ఐక్యరాజ్యసమితిలో భారత్ స్పష్టీకరణ

మానవత్వానికి వ్యతిరేకంగా జరిగే నేరాల నిరోధక అంతర్జాతీయ ఒప్పందంలో ఉగ్రవాదాన్ని తప్పనిసరిగా చేర్చాలని ఐక్యరాజ్యసమితిలో భారత్ పిలుపునిచ్చింది. ఐరాస లీగల్ కమిటీ సమావేశంలో భారత కౌన్సెలర్ ఆర్. మైథిలి మాట్లాడుతూ.. ఉగ్రవాద చర్యలు తీవ్రమైన మానవ హక్కుల ఉల్లంఘనల కిందకే వస్తాయని, బాధితులకు న్యాయం చేసేందుకు దేశాల సార్వభౌమత్వాన్ని గౌరవిస్తూనే అంతర్జాతీయ నిబంధనలను రూపొందించాలని పేర్కొన్నారు.

13-10-2026 10:59

ప్రాంతీయం

తల్లాడ టు దేవరపల్లి హైవేపై మురసు తుఫాను బీభత్సం!

04-11-2026 14:47

ఎంపీటీసీ ,జడ్పిటిసి పోలింగ్ కీలక అప్డేట్.

04-11-2026 14:08

ఏలూరు జిల్లా – జంగారెడ్డిగూడెంలో రోడ్లు, డ్రైనేజీ సమస్యలు

04-11-2026 12:49

ఏర్రకాలువ బ్యారేజ్‌లోకి భారీగా వరద నీరు

04-11-2026 11:28

జంగారెడ్డిగూడెంలో ప్రశాంతంగా మున్సిపల్ ఎన్నికలు!

02-11-2026 12:32

జీలుగుమిల్లిలో ఆర్టీసీ బస్సు, లారీ ఢీ.. 20 మందికి గాయాలు

02-11-2026 11:49

రాజకీయాలు

రాజకీయాలు

రాహుల్ గాంధీ డ్రామాలు కొనసాగుతున్నాయి - కిరణ్ రిజిజు

రాజ్యాంగ వ్యవస్థలను రాహుల్ గాంధీ నిత్యం లక్ష్యంగా చేసుకోవడం వల్ల ప్రజాస్వామ్యానికి ఎలాంటి ప్రయోజనం ఉండదని, అలాగే కాంగ్రెస్ పార్టీకి ప్రజల మద్దతు లభించదని కేంద్రమంత్రి కిరణ్ రిజిజు స్పష్టం చేశారు.

07-10-2026 09:59

రాజకీయాలు

పర్యావరణ పరిరక్షణతోనే అభివృద్ధి

పర్యావరణ పరిరక్షణతోనే అభివృద్ధి సాధ్యమని ఆంధ్రప్రదేశ్ ముఖ్యమంత్రి నారా చంద్రబాబు నాయుడు అన్నారు. కర్నాటకలోని బెంగళూరులో ఏర్పాటు చేసిన ‘ది ఎర్త్ సెంటర్ – విష్టా స్పేసెస్’ భవనాన్ని కర్ణాటక ముఖ్యమంత్రి డీకే శివకుమార్‌తో కలిసి ఆయన ఆదివారం ప్రారంభించారు. ఈ సందర్భంగా చంద్రబాబు నాయుడు మాట్లాడుతూ, పర్యావరణానికి నష్టం కలగకుండా పర్యావరణహిత నిర్మాణాల వైపు దృష్టి సారించాల్సిన అవసరం ఉందన్నారు. భవన నిర్మాణాల్లో సౌర విద్యుత్, నీటి సంరక్షణకు ప్రాధాన్యత ఇవ్వాలని చెప్పారు. అమరావతిని పర్యావరణహిత నగరంగా అభివృద్ధి చేస్తున్నామని ముఖ్యమంత్రి తెలియజేశారు.

సినిమా

నటుడు నాని ట్వీట్‌కు మంత్రి కోమటిరెడ్డి వెంకటరెడ్డి రియాక్షన్.. పోలీసులకు దరఖాస్తు చేసుకోవాలని సూచన

ఆర్టీసీ క్రాస్ రోడ్స్‌లో 'ది ప్యారడైజ్' సినిమా వీక్షణకు అనుమతి కోరిన నటుడు నాని విజ్ఞప్తిపై సినిమాటోగ్రఫీ మంత్రి కోమటిరెడ్డి వెంకట్ రెడ్డి స్పందించారు. చిత్ర పరిశ్రమకు ప్రభుత్వం అండగా ఉంటుందని పేర్కొంటూనే, సీఎం రేవంత్ రెడ్డి సూచనల మేరకు శాంతిభద్రతల దృష్ట్యా స్థానిక పోలీసులను ఆశ్రయించి అధికారిక అనుమతి తీసుకోవాలని చిత్ర బృందానికి సూచించారు.

23-09-2026 14:49

జాతీయ చలనచిత్ర పురస్కారాలు –రాష్ట్రపతి

భారతదేశ విభిన్న భాషలు, సంప్రదాయాలు, సామాజిక అనుభవాలను ప్రతిబింబించడంలో చలన చిత్రాలు కీలక పాత్ర పోషిస్తున్నాయని రాష్ట్రపతి ద్రౌపది ముర్ము పేర్కొన్నారు. గుజరాత్‌లోని ఏక్తా నగర్‌లో 72వ జాతీయ చలనచిత్ర పురస్కారాలను రాష్ట్రపతి ఈ సాయంత్రం ప్రదానం చేశారు. ఈ సందర్భంగా మాట్లాడుతూ... చలనచిత్రాలు ప్రేక్షకులను అలరించడమే కాకుండా.. వివిధ ప్రాంతాల ప్రజలను కలుపుతాయన్నారు. భారతదేశపు సాంస్కృతిక వారసత్వాన్ని ప్రదర్శించడంలో చలన చిత్రాలు సహాయపడతాయని రాష్ట్రపతి పేర్కొన్నారు. ఈ కార్యక్రమంలో పాల్గొన్నకేంద్ర సమాచార, ప్రసార శాఖ మంత్రి అశ్వినీ వైష్ణవ్.. విజేతలకు అభినందనలు తెలుపుతూ.. తెర వెనుక పనిచేస్తున్న సాంకేతిక నిపుణులు, సినిమాటోగ్రాఫర్లు ఇతర సభ్యుల కృషిని ప్రశంసించారు. భవిష్యత్‌లో జాతీయ చలనచిత్ర అవార్డుల కార్యక్రమాన్ని నిర్వహించేందుకు వీలుగా తమ తమ ప్రాంతాలలో ఒక ముఖ్యమైన పర్యాటక ప్రదేశాన్ని గుర్తించాలని అన్ని రాష్ట్రాలు, కేంద్రపాలిత ప్రాంతాలకు అశ్వినీ వైష్ణ‌వ్‌ ఆహ్వానం పలికారు.

72వ జాతీయ చలనచిత్ర పురస్కారాల ప్రదానం

రాష్ట్రపతి ద్రౌపది ముర్ము గుజరాత్‌లోని ఏక్తా నగర్‌లో 72వ జాతీయ చలనచిత్ర పురస్కారాలను ప్రదానం చేశారు. ఫీచర్ సినిమాలు, నాన్-ఫీచర్ సినిమాలు సహా వివిధ విభాగాల్లో ప్రతిభ కనబరిచిన కళాకారులు, సాంకేతిక నిపుణులు, చిత్రాలకు రాష్ట్రపతి పురస్కారాలను అందజేశారు. వీరిలో ఉత్తమనటులుగా మమ్ముట్టి, కార్తిక్‌ ఆర్యన్‌ పురస్కారాన్ని అందుకోగా, ఉత్తమ నటి పురస్కారాన్ని యామీ గౌతమ్‌ అందుకున్నారు. ఇక తెలుగు చలనచిత్రాలకు సంబంధించి ఉత్తమ బాల నటుడి విభాగంలో ‘35 చిన్న కథ కాదు’ సినిమాకి అరుణ్‌ దేవ్‌, ఉత్తమ సంభాషణలు విభాగంలో ‘లక్కీ భాస్కర్‌’ సినిమాకు దర్శకులు వెంకీ అట్లూరి, ఉత్తమ ప్రజాదరణ చిత్రంగా నిలిచిన ‘కల్కి 2898 ఏడీ’చిత్రానికి దర్శకులు నాగ్‌ అశ్విన్ పురస్కారాలను స్వీకరించారు.

పీజీఆర్‌ఎస్‌లో ప్రజల నుంచి వినతులు స్వీకరించిన మంత్రి సంధ్యారాణి

ప్రజా సమస్యల పరిష్కారానికి ప్రభుత్వం అధిక ప్రాధాన్యత ఇస్తోందని రాష్ట్ర మహిళా, శిశు సంక్షేమం, గిరిజన సంక్షేమ శాఖ మంత్రి గుమ్మిడి సంధ్యారాణి తెలిపారు.

21-09-2026 12:00

క్రీడలు

హైలో ఓపెన్‌లో భారత జోరు: సింధు, లక్ష్యసేన్‌ల విజయాలు

జర్మనీలో జరిగిన హైలో ఓపెన్ 2026లో పీవీ సింధు, లక్ష్యసేన్ సింగిల్స్ విభాగాల్లో విజేతలుగా నిలిచి భారత్‌కు డబుల్ ధమాకా అందించారు. డెన్మార్క్ ప్లేయర్ కెర్స్‌ఫెల్ట్‌ను ఓడించి ఈ టోర్నీ నెగ్గిన తొలి భారత మహిళగా సింధు రికార్డు సృష్టించగా, డిఫెండింగ్ ఛాంపియన్ జోనాథన్ క్రిస్టీని ఓడించి లక్ష్యసేన్ కెరీర్‌లో రెండోసారి హైలో ఓపెన్ ట్రోఫీని కైవసం చేసుకున్నారు.

02-11-2026 14:39

టీ20 సిరీస్ భారత్ కైవసం..

ఐదు మ్యాచ్‌ల టీ20 అంతర్జాతీయ సిరీస్‌ను భారత జట్టు 3-2తో కైవసం చేసుకుంది. హామిల్టన్‌లో నిన్న జరిగిన చివరి మ్యాచ్‌లో ఆతిథ్య న్యూజిలాండ్ జట్టు ఏడు వికెట్ల తేడాతో భారత్‌పై విజయం సాధించింది. 192 పరుగుల లక్ష్యంతో బరిలోకి దిగిన న్యూజిలాండ్ 3 వికెట్లు కోల్పోయి 195 పరుగులు చేయగా అంతకుముందు తొలుత బ్యాటింగ్ చేసిన భారత్ నిర్ణీత 20 ఓవర్లలో 8 వికెట్ల నష్టానికి 191 పరుగులు చేసింది. సిరీస్‌లో తొలి మూడు మ్యాచ్‌ల్లో భారత్ విజయం సాధించగా, చివరి రెండు మ్యాచ్‌ల్లో న్యూజిలాండ్ గెలిచింది. ఆక్లాండ్‌లో జరిగిన నాలుగో మ్యాచ్‌లోనూ న్యూజిలాండ్ విజయం సాధించింది. అయినప్పటికీ తొలి మూడు విజయాల ఆధారంగా భారత్ సిరీస్‌ను 3-2తో దక్కించుకుంది.

02-11-2026 09:54

న్యూజిలాండ్ తో రెండో టీ20

జింబాబ్వే మహిళల క్రికెట్ జట్టుతో వడోదర వేదికగా నిన్న జరిగిన తొలి వన్డేలో భారత్ మహిళల జట్టు విజయం సాధించింది. ఈ విజయంతో మూడు మ్యాచ్‌ల సిరీస్‌లో భారత్ 1-0 ఆధిక్యంలో ఉంది. మొదట బ్యాటింగ్ చేసిన జింబాబ్వే జట్టు 49.5 ఓవర్లలో 197 పరుగులు చేసింది. 198 పరుగుల లక్ష్యంతో బరిలోకి దిగిన భారత్ కేవలం 27.1 ఓవర్లలోనే ఒక్క వికెట్ మాత్రమే కోల్పోయి లక్ష్యాన్ని సాధించింది. మరో వైపు న్యూజిలాండ్ వేదికగా భారత్ పురుషుల క్రికెట్ జట్టు న్యూజిలాండ్ తో రెండో టీ20లో తలపడుతున్నాయి. మొదట టాస్ గెలిచిన భారత్ జట్టు బౌలింగ్ ఎంచుకుంది. బ్యాటింగ్ ప్రారంభించి న్యూజిలాండ్ మధ్యాహ్నం ఒంటి గంట సమయానికి 41 పరుగులకు మూడు వికెట్లు నష్టపోయింది.

24-10-2026 14:55

ఫ్రెంచ్ ఓపెన్ సెమీస్‌లోకి పి.వి.సింధు.. చైనీస్ తైపీ ప్లేయర్‌పై ఘనవిజయం!

భారత స్టార్ షట్లర్ పి.వి.సింధు ఫ్రెంచ్ ఓపెన్ సూపర్ 750 టోర్నీలో సెమీఫైనల్స్‌కు దూసుకెళ్లింది. క్వార్టర్ ఫైనల్లో చైనీస్ తైపీ క్రీడాకారిణి చియు పిన్‌పై వరుస సెట్లలో విజయం సాధించి.. ఈ టోర్నీ టైటిల్ రేసులో నిలిచిన ఏకైక భారత షట్లర్‌గా నిలిచింది.

24-10-2026 12:59

న్యూజిలాండ్‌పై విజయం సాధించి శుభారంభం చేసిన భారత్

క్రైస్ట్‌చర్చ్‌లో జరిగిన తొలి టీ20 మ్యాచ్‌లో న్యూజిలాండ్‌పై భారత్ 4 వికెట్ల తేడాతో గెలిచింది. 226 పరుగుల లక్ష్యాన్ని టీమ్‌ఇండియా 19.4 ఓవర్లలో 6 వికెట్లు కోల్పోయి ఛేదించింది. సంజు శాంసన్ 67 పరుగులతో రాణించాడు.

23-10-2026 09:45

పారా ఆసియా క్రీడల్లో పతకాల జోరు: 4వ స్థానంలో భారత్

పారా ఆసియా క్రీడల్లో భారత అథ్లెట్లు అంచనాలను మించి రాణిస్తూ 61 పతకాలతో 4వ స్థానానికి దూసుకెళ్లారు. దిలీప్ గావిట్, సిమ్రాన్ స్వర్ణ పతకాలు సాధించగా, మోర్సింగ్‌నకత్ రజతం కైవసం చేసుకున్నారు.

22-10-2026 09:14

విద్య

ఎడ్యుకేషన్ ఛాన్సలర్స్ కాంక్లేవ్‌

విశ్వవిద్యాలయాలను పరిశోధనలు, ఆవిష్కరణలు, సాంకేతిక పురోగతికి కేంద్రాలుగా తీర్చిదిద్దాలని ఆంధ్రప్రదేశ్ సైన్స్, టెక్నాలజీ, ఇన్నోవేషన్ శాఖ కార్యదర్శి హెచ్. పురుషోత్తం సూచించారు. గోవాలో జరిగిన ఎడ్యుకేషన్ ఛాన్సలర్స్ కాంక్లేవ్‌-2026లో ఆయన గురువారం పాల్గొని ప్రసంగించారు. ఉన్నత విద్యలో కృత్రిమ మేధ, క్వాంటం కంప్యూటింగ్, బయోటెక్నాలజీ వంటి ఆధునిక సాంకేతికతలకు ప్రాధాన్యం ఇవ్వాలని సూచించారు. పరిశ్రమల అవసరాలకు అనుగుణంగా పరిశోధనలు చేపట్టేందుకు విద్యాసంస్థలు, పరిశ్రమల మధ్య సమన్వయం పెరగాలన్నారు. విద్యార్థులకు నైపుణ్యాధారిత విద్య అందించడంతో పాటు, పరిశోధనలకు అవసరమైన మౌలిక సదుపాయాలు, అంతర్జాతీయ భాగస్వామ్యాgలను ప్రోత్సహించాలని పేర్కొన్నారు.

23-10-2026 09:50

ఉపాధ్యాయులకు ఏఐ ఆధారిత బోధనపై శిక్షణ

ఆసిఫాబాద్ జిల్లాలోని ఎంపిక చేసిన 68 పాఠశాల ఉపాధ్యాయులకు కృత్రిమ మేధా ఆధారిత అభ్యసన నమూనాలపై జిల్లా కేంద్రంలోని ఆదర్శ పాఠశాలలో ఏర్పాటుచేసిన ఒకరోజు శిక్షణ కార్యక్రమాన్ని జిల్లా విద్యాధికారి సచితానంద చారి ప్రారంభించారు.

30-09-2026 14:31

నాణ్యమైన విద్య, నైపుణ్యాభివృద్ధికి ప్రాధాన్యత

దేశంలో నాణ్యమైన విద్య, నైపుణ్యాభివృద్ధికి ప్రాధాన్యత ఇవ్వాల్సిన అవసరం ఉందని తెలంగాణ ముఖ్యమంత్రి ఏ.రేవంత్ రెడ్డి అన్నారు. ఢిల్లీలో ఒక మీడియా సంస్థ ఆధ్వర్యంలో నిర్వహించిన "ది కాన్‌క్లేవ్ 2026" కార్యక్రమంలో ముఖ్యమంత్రి నిన్న పాల్గొని ప్రసంగించారు. నాణ్యమైన విద్యతో పాటు పోషకాహారం అందించాల్సిన అవసరం ఉందన్నారు.తెలంగాణలో ప్రైవేట్ పాఠశాలలకు దీటుగా ప్రభుత్వ పాఠశాలలను అభివృద్ధి చేస్తున్నామని చెప్పారు. నర్సరీ నుంచి 12వ తరగతి వరకు విద్యకు, ఆ తర్వాత నైపుణ్యాభివృద్ధికి ప్రాధాన్యత ఇస్తున్నామని వివరించారు.ఐటీఐలను అడ్వాన్స్‌డ్ టెక్నాలజీ సెంటర్లుగా మార్చి నైపుణ్య శిక్షణ అందిస్తున్నామని చెప్పారు.

29-09-2026 09:51

ప్రభుత్వ పాఠశాలల్లో కార్పొరేట్ స్థాయి విద్యకు ప్రభుత్వం ప్రాధాన్యం

ప్రభుత్వం విద్యా, వైద్యం రంగాల అభ్యున్నతికి పెద్దపీట వేస్తోందని రెవెన్యూ శాఖ మంత్రి పొంగులేటి శ్రీనివాస్ రెడ్డి అన్నారు. ప్రభుత్వ పాఠశాలలలో కూడా కార్పోరేట్ స్థాయి విద్యను అందించాలన్న తాపత్రయంతో ప్రభుత్వం పని చేస్తుందని తెలిపారు. వెల్టూరు గ్రామంలో 12 కోట్ల రూపాయలతో నూతనంగా నిర్మించనున్న తెలంగాణ పబ్లిక్ స్కూల్‌కు, 10 కోట్ల రూపాయలతో నిర్మాంచనున్న మహాత్మా జ్యోతిరావు పూలే బాలుర గురుకుల పాఠశాల భవన నిర్మాణ పనులకు మరో మంత్రి వాకిటి శ్రీహరితో కలిసి పొంగులేటి శ్రీనివాస రెడ్డి శంకుస్థాపన చేశారు. వనపర్తి జిల్లా కేంద్రంలోని నల్లచెరువు నీటిలో చేప పిల్లలను వదిలారు.

28-09-2026 17:04

సిరిసిల్లలో రూ.200 కోట్లతో యంగ్ ఇండియా ఇంటిగ్రేటెడ్ స్కూల్ మంజూరు

రాజన్న సిరిసిల్ల జిల్లా కేంద్రంలో 200 కోట్ల రూపాయలతో యంగ్ ఇండియా ఇంటిగ్రేటెడ్ స్కూల్ మంజూరు అయ్యిందని కాంగ్రెస్ పార్టీ సిరిసిల్ల నియోజకవర్గం ఇంచార్జి కేకే మహేందర్ రెడ్డి ఒక ప్రకటనలో తెలిపారు.

26-09-2026 12:51

51 వేల మందికి నియామక పత్రాలు అందజేత

దేశవ్యాప్తంగా నిరుద్యోగ యువతకు ఉపాధి కల్పించే లక్ష్యంతో కేంద్ర ప్రభుత్వం ప్రతిష్టాత్మకంగా చేపట్టిన ‘రోజ్‌గార్ మేళా’ ఇవాళ మరోసారి ప్రారంభమైంది.

బిజినెస్

భారీ లాభాల్లో ముగిసిన దేశీయ స్టాక్ మార్కెట్లు

ఎఫ్‌ఎంసీజీ, బ్యాంకింగ్ షేర్ల కొనుగోళ్లతో దేశీయ స్టాక్ మార్కెట్ సూచీలు భారీ లాభాల్లో ముగిశాయి. సెన్సెక్స్ 905 పాయింట్లు పెరిగి 74,151 వద్ద స్థిరపడగా, నిఫ్టీ 184 పాయింట్లు లాభపడి 22,882 వద్ద ముగిసింది.

30-10-2026 09:49

లాభాల్లో ముగిసిన స్టాక్ మార్కెట్లు.. 482 పాయింట్లు పెరిగిన సెన్సెక్స్

దేశీయ స్టాక్ మార్కెట్లు సోమవారం లాభాలతో ముగిశాయి. మెటల్, ఫార్మా రంగాల మద్దతుతో సెన్సెక్స్ 482 పాయింట్లు పెరిగి 73,606 వద్ద, నిఫ్టీ 22,753 పాయింట్ల వద్ద ముగిశాయి. మిడ్, స్మాల్ క్యాప్ షేర్లలోనూ కొనుగోళ్ల ఉత్సాహం కనిపించగా, డాక్టర్ రెడ్డీస్, అదానీ పోర్ట్స్ రాణించాయి. శ్రీరామ్ ఫైనాన్స్, బజాజ్ ఫైనాన్స్ నష్టాలను చవిచూశాయి.

27-10-2026 09:46

వరుసగా నాలుగో రోజు నష్టాల్లో ముగిసిన స్టాక్ మార్కెట్లు

దేశీయ స్టాక్‌ మార్కెట్‌ సూచీలు వరుసగా నాలుగో ట్రేడింగ్‌ సెషన్‌లోనూ నష్టాల్లో ముగిశాయి. పశ్చిమాసియాలో ఉద్రిక్తతల కారణంగా చమురు ధరలు పెరగడం మార్కెట్‌ సెంటిమెంట్‌ను దెబ్బతీసింది. రోజంతా తీవ్ర ఒడుదొడుకులు ఎదుర్కొన్న సూచీలు చివరికి స్వల్ప నష్టాలతో ముగిశాయి.

24-10-2026 09:52

ద్రవ్యోల్బణ భయాలు... వరుసగా మూడో రోజు నష్టాల్లో మార్కెట్లు

అంతర్జాతీయంగా ముడిచమురు ధరలు పెరగడంతో దేశీయ స్టాక్ మార్కెట్ సూచీలు వరుసగా మూడో రోజు నష్టాల్లో ముగిశాయి. సెన్సెక్స్ 460.30 పాయింట్లు నష్టపోయి 73,249.39 వద్ద, నిఫ్టీ 123.70 పాయింట్లు తగ్గి 22,687.65 వద్ద స్థిరపడ్డాయి.

23-10-2026 09:45

దేశీయ మార్కెట్‌లో తగ్గిన బంగారం, వెండి ధరలు

దేశీయ బులియన్ మార్కెట్‌లో బంగారం ధర స్వల్పంగా తగ్గగా, వెండి ధర మాత్రం భారీగా పడిపోయింది. హైదరాబాద్‌లో 10 గ్రాముల 24 క్యారెట్ల బంగారం ధర రూ.1,50,500కు చేరగా, కిలో వెండి ధర రూ.2,13,800కు పడిపోయింది. అంతర్జాతీయ మార్కెట్ పరిణామాలే ఈ తగ్గుదలకు కారణమని విశ్లేషకులు తెలిపారు.

15-10-2026 12:54

తగ్గిన బంగారం, వెండి ధరలు.. తులం బంగారం ధర రూ.1,52,250

దేశీయ బులియన్ మార్కెట్లో బంగారం, వెండి ధరలు తగ్గాయి. హైదరాబాద్‌లో 10 గ్రాముల 24 క్యారెట్ల బంగారంపై రూ.1,290 తగ్గి రూ.1,52,250కి చేరగా, కిలో వెండి ధర రూ.2,881 తగ్గి రూ.2,25,885 వద్ద స్థిరపడింది.

13-10-2026 14:40

ఉద్యోగాలు

ఉద్యోగాలు

యువతకు స్థానికంగానే ఉద్యోగ అవకాశాలు

యువతకు స్థానికంగానే ఉద్యోగ అవకాశాలు కల్పించేందుకు ప్రభుత్వం చర్యలు తీసుకుంటోందని రాష్ట్ర కార్మిక శాఖ మంత్రి వాసంశెట్టి సుభాష్ తెలిపారు.

టెక్నాలజీ

టెక్నాలజీ

రసాయన శాస్త్రంలో ఇద్దరు శాస్త్రవేత్తలకు 2026 నోబెల్ పురస్కారం

2026 రసాయన శాస్త్ర నోబెల్ బహుమతిని శాస్త్రవేత్తలు హెన్రీ కాగన్, కెన్సో సోవాయిలకు సంయుక్తంగా ప్రకటించారు. అసమాన సేంద్రీయ సంశ్లేషణలో ఆటోకెటాలసిస్, నాన్-లీనియర్ ఎఫెక్ట్స్‌ను కనుగొన్నందుకు ఈ అవార్డు దక్కింది. విజేతలు సంయుక్తంగా 12 మిలియన్ స్వీడిష్ క్రోనర్ల నగదు పురస్కారాన్ని అందుకోనున్నారు.

08-10-2026 09:40

టెక్నాలజీ

భౌతిక శాస్త్రంలో ఫ్రాన్సిస్ హాల్జెన్‌ కు నోబెల్ బహుమతి

భౌతికశాస్త్రంలో ఈ ఏడాది నోబెల్‌ బహుమతిని రాయల్‌ స్వీడిష్‌ అకాడమీ ఆఫ్‌ సైన్సెస్ ప్రకటించింది. విస్కాన్సిన్ మాడిసన్ విశ్వవిద్యాలయానికి చెందిన ప్రముఖ భౌతికశాస్త్రవేత్త ఫ్రాన్సిస్ హాల్జెన్‌‌ను ఈ అత్యున్నత పురస్కారం వరించింది.

07-10-2026 09:59

ట్రావెల్

ట్రావెల్

రాజమహేంద్రవరంలో సెప్టెంబర్ 27న ప్రపంచ పర్యాటక దినోత్సవ వేడుకలు

ఆర్టిఫిషియల్ ఇంటెలిజెన్స్ (ఏఐ) సాంకేతికతను వినియోగించుకుని ఆంధ్రప్రదేశ్ పర్యాటక రంగంలో సరికొత్త శకానికి నాంది పలుకుతున్నామని రాష్ట్ర పర్యాటక శాఖ మంత్రి కందుల దుర్గేష్ తెలిపారు.

26-09-2026 14:38

వ్యవసాయం

వ్యవసాయం

సాంకేతిక పరిజ్ఞాన కేంద్రం ప్రారంభం

వ్యవసాయ రంగంలో అధునాతన సాంకేతిక పరిజ్ఞానాన్ని రైతులు అందిపుచ్చుకోవాలని ఆంధ్రప్రదేశ్ వ్యవసాయ శాఖ మంత్రి కె.అచ్చెన్నాయుడు అన్నారు. బాపట్లలో ఆచార్య ఎన్.జి.రంగా వ్యవసాయ విశ్వవిద్యాలయం పరిధిలో 5 కోట్లతో నిర్మించిన సాంకేతిక పరిజ్ఞాన కేంద్రాన్ని మంత్రి మంగళవారం ప్రారంభించారు. ఈసందర్భంగా ఆయన మాట్లాడుతూ, నాణ్యమైన విత్తనాల అభివృద్ధికి ఈ కేంద్రం ఉపయోగపడుతుందని తెలిపారు. కరవు మండలాల్లో రబీ పంట కాలానికి రైతులకు రాయితీ విత్తనాలు అందిస్తున్నామని మంత్రి పేర్కొన్నారు

06-10-2026 09:38

వ్యవసాయం

రైతులు ప్రకృతి వ్యవసాయాన్ని ప్రోత్సహించాలి

రైతులు ప్రకృతి వ్యవసాయాన్ని ప్రోత్సహించాల్సిన అవసరం ఉందని ఆంధ్రప్రదేశ్ ముఖ్యమంత్రి నారా చంద్రబాబు నాయుడు పేర్కొన్నారు. చిత్తూరు జిల్లా కుప్పం పర్యటనలో భాగంగా నూతన రైతు బజార్ భవన నమూనాను, వివిధ అభివృద్ధి కార్యక్రమాలకు సంబంధించిన చిత్ర ప్రదర్శనను ముఖ్యమంత్రి మంగళవారం తిలకించారు. ఈ సందర్భంగా ముఖ్యమంత్రి మాట్లాడుతూ, నదుల అనుసంధానం ద్వారా నీటి భద్రత సాధించవచ్చని అన్నారు. రైతులకు ఉపయోగపడేలా ఆధునిక పద్ధతులను అందుబాటులోకి తీసుకురావడంతో పాటు, వ్యవసాయ రంగ అభివృద్ధికి ప్రభుత్వం ప్రాధాన్యత ఇస్తుందని తెలియజేశారు.