పాడేరులో అండర్–14 రాష్ట్రస్థాయి వాలీబాల్ టోర్నమెంట్ ముగింపు

తెలంగాణ11:59

విద్యార్థుల్లో పఠనాసక్తిని పెంచడమే ప్రభుత్వ లక్ష్యం: ఎమ్మెల్యే తెల్లం వెంకట్రావు▶

విద్యార్థుల భవిష్యత్తుకు మార్గదర్శకంగా నిలవడంలో పుస్తక పఠనం ఎంతో కీలకపాత్ర పోషిస్తుందని ఎమ్మెల్యే తెల్లం వెంకట్రావు అన్నారు. విద్యావిధానంలో నూతన మార్పులు తీసుకువస్తున్న తెలంగాణ ప్రభుత్వం.. పాఠశాల స్థాయి నుండే విద్యార్థులలో పఠనాసక్తిని పెంపొందించే లక్ష్యంతో ప్రభుత్వ పాఠశాలల్లో గ్రంథాలయాల ఏర్పాటుకు శ్రీకారం చుట్టింది.

ప్రాంతీయం11:00

జీలుగుమిల్లి మండలంలోకి ప్రవేశించిన పెద్దపులి

తెలంగాణ10:21

హైదరాబాద్‌లో సైన్స్ ఎక్స్‌పీరియన్స్ సెంటర్

తెలంగాణలోని హైదరాబాద్‌లో 23 కోట్ల రూపాయల వ్యయంతో కేంద్ర ప్రభుత్వం నిర్మిస్తున్న సైన్స్ ఎక్స్‌పీరియన్స్ సెంటర్ నగరానికి ప్రత్యేక ఆకర్షణగా నిలవనుందని కేంద్ర బొగ్గు, గనుల శాఖ మంత్రి జి.కిషన్‌రెడ్డి వెల్లడించారు. నిర్మాణంలో ఉన్న సైన్స్ ఎక్స్‌పీరియన్స్ సెంటర్ నమూనా చిత్రాలను ఆయన సామాజిక మాధ్యమం ఎక్స్ వేదికగా పంచుకున్నారు.హైదరాబాద్‌లోని సీఎస్‌ఐఆర్‌-ఐఐసీటీ ప్రాంగణంలో ప్రపంచస్థాయి సైన్స్ ఎక్స్‌పీరియన్స్ సెంటర్‌ను అభివృద్ధి చేస్తున్నట్లు తెలిపారు. విద్యార్థుల్లో శాస్త్రీయ దృక్పథాన్ని పెంపొందించడంతో పాటు, విజ్ఞానంపై ఆసక్తిని కలిగించేలా ఈ కేంద్రాన్ని రూపొందిస్తున్నట్లు పేర్కొన్నారు. ఇందులో ఆసక్తికరమైన ప్రదర్శనలు, ఖగోళ విశేషాలు, అంతరిక్ష అద్భుతాలు, సైన్స్, రోబోటిక్స్, ఆవిష్కరణలకు సంబంధించిన ప్రత్యేక విభాగాలు ఏర్పాటు చేయనున్నట్లు తెలిపారు.

తెలంగాణ10:19

భారత్ సమ్మిట్

తెలంగాణ ప్రభుత్వం ఆధ్వర్యంలో హైదరాబాద్ లోని ఇంటర్నేషనల్ కన్వెన్షన్ సెంటర్‌లో 'భారత్ సమ్మిట్' శుక్రవారం ప్రారంభం కానుంది. ‘ఫోర్జింగ్ ఎ న్యూ వరల్డ్’ అనే ఇతివృత్తంతో రెండు రోజుల పాటు సదస్సు జరగనుంది. ఈ అంతర్జాతీయ సదస్సుకు 50కి పైగా దేశాల నుంచి విధాన రూపకర్తలు, మేధావులు, వ్యాపార ప్రముఖులు, సామాజిక కార్యకర్తలు హాజరుకానున్నారు. వ్యూహాత్మక స్వయంప్రతిపత్తి, శాంతియుత సహజీవనం, ప్రజాస్వామ్య విలువల ఆధారంగా ప్రత్యామ్నాయ విదేశాంగ విధానంపై ఈ సదస్సులో చర్చించనున్నారు. ఆఫ్రో-ఆసియా సంఘీభావం, అలీన ఉద్యమ వారసత్వం, గ్లోబల్ సౌత్-గ్లోబల్ నార్త్ సంబంధాలపైన ఈ సదస్సులో చర్చలు జరగనున్నాయి.. వాతావరణ మార్పులు, యువత-రాజకీయాలు, లింగ సమానత్వం, మీడియా భవిష్యత్తు, ప్రపంచ శాంతి వంటి అంశాలను చర్చించనున్నారు. వివిధ దేశాల నుంచి హైదరాబాద్‌కు చేరుకున్న ప్రతినిధులకు తెలంగాణ రాష్ట్ర మంత్రులు స్వాగతం పలికారు.

ఆంధ్రప్రదేశ్10:16

విశాఖపట్నంలో ఉపరాష్ట్రపతి సి.పి. రాధాకృష్ణన్ పర్యటన

ఆంధ్రప్రదేశ్‌లోని విశాఖపట్నంలో ఉపరాష్ట్రపతి సి.పి. రాధాకృష్ణన్ పర్యటించనున్నారు. ఈ సందర్భంగా నగరంలో నిర్వహిస్తున్న సీఐఐ 31వ భాగస్వామ్య శిఖరాగ్ర సదస్సు ముగింపు కార్యక్రమానికి ఆయన ముఖ్య అతిథిగా శుక్రవారం హాజరుకానున్నారు. సదస్సు ముగింపు వేడుకల్లో పాల్గొని ప్రతినిధులను ఉద్దేశించి ప్రసంగించనున్నారు. ఈ అంతర్జాతీయ సదస్సులో వివిధ దేశాలకు చెందిన పారిశ్రామికవేత్తలు, పెట్టుబడిదారులు, ప్రభుత్వ ప్రతినిధులు పాల్గొంటున్నారు. ప్రపంచవ్యాప్తంగా పెట్టుబడుల అవకాశాలు, పారిశ్రామిక అభివృద్ధి, వాణిజ్య భాగస్వామ్యాలు, సాంకేతిక పరిజ్ఞానం వంటి అంశాలపై సదస్సులో చర్చలు జరుగుతున్నాయి.

ఆంధ్రప్రదేశ్10:13

గిరిజనుల హక్కులు కోసం పోరాడిన బిర్సా ముండా

ఆంధ్రప్రదేశ్ లోని విజయనగరం కేంద్రీయ గిరిజన విశ్వవిద్యాలయంలో భగవాన్ బిర్సా ముండా జయంతిని పురస్కరించుకుని ‘జన్‌జాతీయ గౌరవ్ దివస్ ను’ గురువారం నిర్వహించారు. విశ్వవిద్యాలయ గిరిజన అధ్యయన విభాగం ఆధ్వర్యంలో “బిర్సా ముండా: గిరిజన గర్వం, అస్తిత్వం, అభివృద్ధి” అనే అంశంపై ఒకరోజు రాష్ట్రస్థాయి సదస్సు జరిగింది. ఈ కార్యక్రమానికి ముఖ్య అతిథిగా హాజరైన హైదరాబాద్ విశ్వవిద్యాలయం ప్రొఫెసర్ నాగరాజు మాట్లాడుతూ.. భగవాన్ బిర్సా ముండా కేవలం స్వాతంత్ర్య సమరయోధుడే కాకుండా, గిరిజనుల హక్కులు, ఆత్మగౌరవం, సంస్కృతి కోసం పోరాడిన మహనీయుడని కొనియాడారు. విద్య, సామాజిక చైతన్యం, ఆర్థికాభివృద్ధి ద్వారా గిరిజన యువత దేశ నిర్మాణంలో భాగస్వాములు కావాలని ఆకాంక్షించారు.

ఆంధ్రప్రదేశ్10:09

స్వచ్ఛ సర్వేక్షణ్ జాతీయ అవార్డులు

స్వచ్ఛ సర్వేక్షణ్ జాతీయ అవార్డుల్లో ఆంధ్రప్రదేశ్‌కు ఆరు అవార్డులు లభించాయని పట్టణాభివృద్ధి శాఖ మంత్రి పొంగూరు నారాయణ వెల్లడించారు. విశాఖపట్నంలో నిర్వహించిన పాత్రికేయుల సమావేశంలో ఆయన గురువారం మాట్లాడుతూ, దేశవ్యాప్తంగా ప్రకటించిన 60 అవార్డుల్లో రాష్ట్రానికి ఆరు అవార్డులు రావడం విశేషమన్నారు. పది లక్షలకు పైగా జనాభా కలిగిన నగరాల విభాగంలో విశాఖపట్నం జాతీయ స్థాయిలో మొదటి స్థానాన్ని సాధించిందని తెలిపారు. స్వచ్ఛ ఆంధ్ర కార్యక్రమం ద్వారా పరిసరాల పరిశుభ్రతపై అవగాహన కల్పిస్తున్నామని మంత్రి తెలియజేశారు.

ఆంధ్రప్రదేశ్10:07

మురసు తుపాను నష్టాల పై కేంద్ర బృందం పర్యటన

ఆంధ్రప్రదేశ్ లోని మురసు తుపాను ప్రభావిత జిల్లాల్లో నష్టాలను క్షేత్రస్థాయిలో పరిశీలించేందుకు కేంద్ర బృందం శుక్రవారం నుంచి రెండు రోజుల పాటు పర్యటించనుంది. కేంద్ర హోం మంత్రిత్వ శాఖ జాయింట్ సెక్రటరీ చిత్తరంజన్ దాస్ నేతృత్వంలోని ఏడుగురు సభ్యుల అంతర్ మంత్రిత్వ శాఖ కేంద్ర బృందం బాపట్ల, పల్నాడు, ఏలూరు, తూర్పుగోదావరి జిల్లాల్లో పర్యటించనుందని రాష్ట్ర విపత్తుల నిర్వహణ సంస్థ ఎండీ ప్రఖర్ జైన్ తెలిపారు. కేంద్ర బృందం రెండు బృందాలుగా పర్యటించనుంది. మొదటి బృందం బాపట్ల జిల్లాలో, రెండో బృందం ఏలూరు జిల్లాలో ఈరోజు పర్యటించి తుపాను కారణంగా జరిగిన నష్టాలను పరిశీలించనుంది. అలాగే ఆదివారం ముఖ్యమంత్రి నారా చంద్రబాబు నాయుడుతో కేంద్ర బృందం సమావేశమయ్యే అవకాశం ఉందని ప్రఖర్ జైన్ వెల్లడించారు.

ఆంధ్రప్రదేశ్10:02

ఆంధ్రప్రదేశ్–రష్యా ప్రాంతీయ భాగస్వామ్యం

ఆంధ్రప్రదేశ్–రష్యా మధ్య ప్రాంతీయ భాగస్వామ్యాలను పారిశ్రామిక అభివృద్ధికి అవకాశాలుగా మలుస్తామని ఐటీ, ఎలక్ట్రానిక్స్, కమ్యూనికేషన్ల శాఖ మంత్రి నారా లోకేష్ తెలిపారు.విశాఖపట్నంలో జరుగుతున్న సీఐఐ భాగస్వామ్య సదస్సులో ‘విశాఖ నుంచి కజాన్ వరకు.. ప్రాంతీయ భాగస్వామ్యాల నుంచి ప్రపంచ అవకాశాల దిశగా’ అనే అంశంపై నిర్వహించిన ప్రత్యేక సమావేశంలో మంత్రి గురువారం ప్రసంగించారు. భారత్–రష్యా మధ్య చిరకాల వ్యూహాత్మక స్నేహాన్ని ఆర్థిక, పారిశ్రామిక భాగస్వామ్యంగా మరింత బలోపేతం చేయాలని ఆకాంక్షించారు. కీలక ఖనిజాలు, అణుశక్తి, తయారీ, ఓడరేవులు, కృత్రిమ మేధస్సు, సాంకేతిక రంగాల్లో ఇరు ప్రాంతాల మధ్య సహకారానికి విస్తృత అవకాశాలున్నాయని పేర్కొన్నారు.

ఆంధ్రప్రదేశ్09:58

రక్షణ రంగంలో ఆంధ్రప్రదేశ్..

రక్షణ రంగంలో ఆంధ్రప్రదేశ్‌ను కీలక కేంద్రంగా తీర్చిదిద్దేందుకు ప్రభుత్వం చర్యలు చేపడుతోందని హోం మంత్రి వంగలపూడి అనిత తెలిపారు. విశాఖపట్నంలోని ఆంధ్ర విశ్వవిద్యాలయం మైదానంలో జరుగుతున్న సీఐఐ భాగస్వామ్య సదస్సులో భాగంగా ‘భద్రత, సాంకేతికత, వృద్ధి’ అనే అంశంపై గురువారం నిర్వహించిన ప్లీనరీ సమావేశంలో మంత్రి మాట్లాడారు.ఓర్వకల్లులో డ్రోన్ సిటీని అభివృద్ధి చేస్తున్నామని, ప్రకాశం జిల్లా దొనకొండలో 2 వేల ఎకరాల్లో డీఆర్‌డీఓ కేంద్రం ఏర్పాటు కానుందని వెల్లడించారు.భవిష్యత్తులో రక్షణ రంగంలో డ్రోన్లు, కృత్రిమ మేధ, సైబర్ భద్రత కీలక పాత్ర పోషించనున్నాయని పేర్కొన్నారు.

ఆంధ్రప్రదేశ్09:53

ముఖ్యమంత్రి నారా చంద్రబాబు నాయుడు

ఆంధ్రప్రదేశ్‌ను ఎలక్ట్రిక్ వాహనాలు, ఆటోమొబైల్ విడిభాగాల తయారీకి ప్రధాన కేంద్రంగా తీర్చిదిద్దుతామని ముఖ్యమంత్రి నారా చంద్రబాబు నాయుడు తెలిపారు. విశాఖపట్నంలో జరుగుతున్న 31వ సీఐఐ భాగస్వామ్య సదస్సులో రాష్ట్ర ప్రభుత్వంతో కియా సంస్థ నిన్న అవగాహన ఒప్పందం కుదుర్చుకుంది. ఈ సందర్భంగా ముఖ్యమంత్రి మాట్లాడుతూ.. కియా, దాని అనుబంధ సంస్థలు సంయుక్తంగా సుమారు 18 వేల 811 కోట్ల రూపాయల పెట్టుబడితో శ్రీ సత్యసాయి జిల్లాలోని ఎర్రమంచిలో రెండో కేంద్రం ఏర్పాటు చేయనున్నాయని తెలిపారు. ఈ విస్తరణ ద్వారా మరో 12 వేల మందికి ఉద్యోగావకాశాలు లభిస్తాయని చెప్పారు. పెట్టుబడిదారులకు కోసం ప్రభుత్వం పారిశ్రామిక సంస్కరణలు చేపడుతోందని ముఖ్యమంత్రి పేర్కొన్నారు.

తెలంగాణ09:37

తెలంగాణలో ఇక 'భారత్ విస్తార్' సేవలు.. రైతులకు తెలుగులోనే ఏఐ ఆధారిత వ్యవసాయ సలహాలు▶

తెలంగాణ రైతులకు తెలుగులోనే ఏఐ ఆధారిత వ్యవసాయ సలహాలు అందించేందుకు రాష్ట్ర వ్యవసాయ శాఖ, ఎన్ఐఎస్‌జీ మధ్య 'భారత్ విస్తార్' అవగాహన ఒప్పందం కుదిరింది. సచివాలయంలో మంత్రులు తుమ్మల నాగేశ్వరరావు, పొన్నం ప్రభాకర్ సమక్షంలో ఈ ఒప్పందం జరిగింది. దీని ద్వారా పంటల సాగు, వాతావరణం, చీడపీడల గుర్తింపు, ఎరువుల వాడకం, మార్కెట్ ధరలు, ప్రభుత్వ పథకాల సమాచారం హెల్ప్‌లైన్, యాప్, వాట్సాప్ ద్వారా రైతులకు అందుబాటులోకి రానుంది.

తెలంగాణ09:37

'భారత్ సమ్మిట్'పై కేంద్ర మంత్రి కిషన్ రెడ్డి విమర్శలు

హైదరాబాద్‌లో కాంగ్రెస్ ప్రభుత్వం నిర్వహిస్తున్న 'భారత్ సమ్మిట్'పై కేంద్ర మంత్రి కిషన్ రెడ్డి విమర్శలు గుప్పించారు. పార్టీ కార్యక్రమానికి ప్రజాధనాన్ని ఎలా ఖర్చు చేస్తారని ప్రశ్నించారు. దేశ వ్యతిరేక శక్తులకు హైదరాబాద్ వేదిక కావడం దురదృష్టకరమని ఆరోపించారు. ఎన్నికల్లో ఇచ్చిన ఆరు గ్యారెంటీలు, మహిళలకు ఆర్థిక సాయం, పింఛన్లు, నిరుద్యోగ భృతి బకాయిల అమలుపై రాహుల్ గాంధీ సమాధానం చెప్పాలని కిషన్ రెడ్డి డిమాండ్ చేశారు.

తెలంగాణ09:35

మరో 5 నగరాలకు ఇందిరమ్మ టవర్ల విస్తరణ.. దరఖాస్తులను ఆహ్వానించిన తెలంగాణ హౌసింగ్ బోర్డు▶

తెలంగాణ ప్రభుత్వం ఇందిరమ్మ టవర్ల నిర్మాణాన్ని నిజామాబాద్, నల్గొండ, మహబూబ్‌నగర్, వరంగల్, హనుమకొండ నగరాలకు విస్తరించినట్లు హౌసింగ్ బోర్డు తెలిపింది. రూ. 204 కోట్ల వ్యయంతో 2,400 ఫ్లాట్లను నిర్మించనుండగా, ఒక్కో ఫ్లాటుకు రూ. 5 లక్షల ప్రభుత్వ సాయం అందనుంది. వార్షికాదాయం రూ. 6 లక్షలలోపు ఉన్న స్థానిక ఇల్లు లేని కుటుంబాలు డిసెంబర్ 5లోపు మీ సేవ కేంద్రాల ద్వారా దరఖాస్తు చేసుకోవాలని అధికారులు ప్రకటించారు.

బిజినెస్09:35

స్వల్ప లాభాలతో ముగిసిన స్టాక్ మార్కెట్లు.. లాభాల్లో రియల్టీ, బ్యాంకింగ్ షేర్లు

ఒడిదుడుకుల ట్రేడింగ్ అనంతరం దేశీయ స్టాక్ మార్కెట్లు గురువారం స్వల్ప లాభాలతో ముగిశాయి. సెన్సెక్స్ 31 పాయింట్లు పెరిగి 81,911 వద్ద, నిఫ్టీ 44 పాయింట్లు లాభపడి 25,299 వద్ద స్థిరపడ్డాయి. రియల్టీ ఇండెక్స్ 4 శాతం లాభపడగా, బ్యాంకింగ్, మిడ్-స్మాల్ క్యాప్ షేర్లు రాణించాయి. ఆటో రంగ షేర్లు నష్టాలను నమోదు చేశాయి.

వీడియో వార్తలు

ఆంధ్రప్రదేశ్

కోదాడలో ఎమ్మెల్యే పద్మావతి రెడ్డి పర్యటన.. రూ.3.35 కోట్ల అభివృద్ధి పనుల ప్రారంభం

జాతీయం

వ్యవసాయాన్ని ఆధునీకరిస్తేనే 'వికసిత్ భారత్' సాధ్యం: ప్రధాని మోదీ

విద్యార్థుల్లో పఠనాసక్తిని పెంచడమే ప్రభుత్వ లక్ష్యం: ఎమ్మెల్యే తెల్లం వెంకట్రావు

తెలంగాణలో ఇక 'భారత్ విస్తార్' సేవలు.. రైతులకు తెలుగులోనే ఏఐ ఆధారిత వ్యవసాయ సలహాలు

మరో 5 నగరాలకు ఇందిరమ్మ టవర్ల విస్తరణ.. దరఖాస్తులను ఆహ్వానించిన తెలంగాణ హౌసింగ్ బోర్డు

ఆంధ్రప్రదేశ్

కాకినాడ నగరపాలక సంస్థ ఎన్నికలను ప్రశాంతంగా, నిష్పక్షపాతంగా నిర్వహించాలి

ఆంధ్రప్రదేశ్

జనాభా లెక్కల సేకరణ దేశ అభివృద్ధికి కీలకం

ఆదిలాబాద్ ఆర్వోబీ, ఆర్‌యూబీ పనులను వేగవంతం చేయాలి: ఎమ్మెల్యే పాయల్ శంకర్

కోహెడ ఫ్రూట్ మార్కెట్ పనులపై మంత్రి తుమ్మల నాగేశ్వరరావు సమీక్ష

22-ఎ దరఖాస్తులను యుద్ధప్రాతిపదికన పరిష్కరించాలి: మంత్రి పొంగులేటి శ్రీనివాసరెడ్డి

తెలంగాణ

అన్ని వార్తలు →

తెలంగాణలో ఇక 'భారత్ విస్తార్' సేవలు.. రైతులకు తెలుగులోనే ఏఐ ఆధారిత వ్యవసాయ సలహాలు

13-11-2026 09:37

'భారత్ సమ్మిట్'పై కేంద్ర మంత్రి కిషన్ రెడ్డి విమర్శలు

13-11-2026 09:37

మరో 5 నగరాలకు ఇందిరమ్మ టవర్ల విస్తరణ.. దరఖాస్తులను ఆహ్వానించిన తెలంగాణ హౌసింగ్ బోర్డు

13-11-2026 09:35

ఆదిలాబాద్ ఆర్వోబీ, ఆర్‌యూబీ పనులను వేగవంతం చేయాలి: ఎమ్మెల్యే పాయల్ శంకర్

ఆదిలాబాద్ పట్టణంలోని సంజయ్ నగర్ వద్ద నిర్మాణంలో ఉన్న ఆర్వోబీ, ఆర్‌యూబీ పనులను ఎమ్మెల్యే పాయల్ శంకర్ అధికారులతో కలిసి పరిశీలించారు. శాఖల మధ్య సమన్వయంతో పనిచేసి పనుల వేగం పెంచాలని ఆదేశించారు. రూ. 154 కోట్ల కేంద్ర నిధులతో చేపడుతున్న ఈ వంతెనలను వచ్చే జనవరి నాటికి పూర్తి చేసి రాకపోకలకు అందుబాటులోకి తెస్తామని ఎమ్మెల్యే స్పష్టం చేశారు.

12-11-2026 16:56

అల్లూరి జిల్లాలో మూడు విడతల్లో గ్రామ పంచాయతీ ఎన్నికలు

అల్లూరి సీతారామరాజు జిల్లాలో రెండో సాధారణ గ్రామ పంచాయతీ ఎన్నికలు–2026ను మూడు విడతల్లో నిర్వహించేందుకు జిల్లా యంత్రాంగం పటిష్టమైన ఏర్పాట్లు చేపడుతోందని జిల్లా కలెక్టర్ టి. నిశాంతి తెలిపారు.

12-11-2026 16:24