తన అధికార బృందంలో కీలక మార్పులు చేపట్టిన ట్రంప్

తెలంగాణ10:02

నాగర్‌కర్నూల్ ప్రభుత్వ జూనియర్ కళాశాలలో విద్యార్థులకు విద్యా కిట్ల పంపిణీ చేసిన ఎమ్మెల్యే కూచుకుళ్ల రాజేష్ రెడ్డి▶

నాగర్‌కర్నూల్ ప్రభుత్వ జూనియర్ కళాశాలలో విద్యార్థులకు ఎమ్మెల్యే డాక్టర్ కూచుకుళ్ల రాజేష్‌రెడ్డి విద్యా కిట్లను పంపిణీ చేశారు. రూ. 9 కోట్లతో కళాశాల నూతన భవన నిర్మాణం చేపడుతున్నామని, వచ్చే విద్యా సంవత్సరానికి పూర్తి చేస్తామని తెలిపారు. నియోజకవర్గంలో మరో 10 పాఠశాలల నిర్మాణానికి కృషి చేస్తున్నట్లు వెల్లడించారు.

తెలంగాణ10:02

పోలీసుల ఆరోగ్య భద్రతకు 'ఫిట్ కాప్' యాప్: డీజీపీ సీవీ ఆనంద్▶

తెలంగాణ పోలీసు సిబ్బంది ఆరోగ్య పర్యవేక్షణకు 'ఫిట్ కాప్' విధానాన్ని అందుబాటులోకి తెచ్చినట్లు డీజీపీ సీవీ ఆనంద్ తెలిపారు. హెల్పింగ్ హ్యాండ్ ఫౌండేషన్ సహకారంతో రూపొందించిన ఈ యాప్ ద్వారా 90 వేల మంది సిబ్బంది ఆరోగ్య స్థితిగతులను 8 పారామితుల ఆధారంగా నమోదు చేస్తారు. ముప్పు తీవ్రతను బట్టి కాల్ సెంటర్ ద్వారా పరీక్షలు, చికిత్సలు అందించి వ్యాధులను ప్రాథమిక దశలోనే నివారిస్తామని వెల్లడించారు.

తెలంగాణ10:02

రేపటి నుంచి మూడు రోజుల పాటు కొడంగల్ లో సీఎం రేవంత్ రెడ్డి పర్యటన▶

కొడంగల్ నియోజకవర్గంలో సీఎం రేవంత్ రెడ్డి రేపటి నుంచి మూడు రోజుల పాటు పర్యటించనున్నారు. రూ. 9,100 కోట్ల అభివృద్ధి పనులకు శంకుస్థాపనలు, ప్రారంభోత్సవాలు చేపట్టనున్నారు. ఇందులో రూ. 5,060 కోట్ల రేడియల్ రోడ్డు-2, లగచర్లలో రూ. 81 కోట్ల ఆయిల్ పామ్ ఫ్యాక్టరీ నిర్మాణాలు ఉన్నాయి. పర్యటన ముగింపు సందర్భంగా 50 వేల మందితో రైతు బహిరంగ సభ జరగనుంది.

జాతీయం10:02

ప్రధాని నరేంద్ర మోదీతో క్రికెటర్ సూర్యకుమార్ యాదవ్ కుటుంబం భేటీ▶

క్రికెటర్ సూర్యకుమార్ యాదవ్ కుటుంబ సమేతంగా ప్రధానమంత్రి నరేంద్ర మోదీని కలిశారు. ఈ సందర్భంగా ఓ చిన్నారి పాడిన భజనను ప్రధాని ప్రశంసించారు. దీపావళి వేళ ఈ కలయిక వాతావరణాన్ని మరింత పవిత్రం చేసిందని తెలుపుతూ ప్రధాని ఎక్స్ వేదికగా వివరాలను పంచుకున్నారు.

పార్వతీపురం మన్యం జిల్లాలో జెడ్పీటీసీ, ఎంపీటీసీ ఓట్ల లెక్కింపునకు సర్వం సిద్ధం

పార్వతీపురం మన్యం జిల్లాలో జెడ్పీటీసీ, ఎంపీటీసీ ఎన్నికల ఓట్ల లెక్కింపునకు అధికారులు అన్ని ఏర్పాట్లు పూర్తి చేశారు.

విశాఖలో సీఐఐ పార్టనర్‌షిప్ సమ్మిట్ ఏర్పాట్లపై అధికారుల సమీక్ష

ఈ నెల 12, 13 తేదీల్లో విశాఖపట్నం వేదికగా జరగనున్న సీఐఐ పార్టనర్‌షిప్ సమ్మిట్ నిర్వహణకు చేపడుతున్న ఏర్పాట్లపై రాష్ట్ర, జిల్లా స్థాయి అధికారులు శుక్రవారం సమీక్ష నిర్వహించారు.

పోలవరం జిల్లాలో జెడ్పీటీసీ, ఎంపీటీసీ ఓట్ల లెక్కింపునకు పకడ్బందీ ఏర్పాట్లు

పోలవరం జిల్లాలో జెడ్పీటీసీ, ఎంపీటీసీ సాధారణ ఎన్నికలు–2026 ఓట్ల లెక్కింపు ప్రక్రియను పారదర్శకంగా, నిష్పక్షపాతంగా, ఎన్నికల కమిషన్ నిర్దేశించిన మార్గదర్శకాలకు అనుగుణంగా నిర్వహించాలని జిల్లా కలెక్టర్, జిల్లా ఎన్నికల అధికారి కె. దినేష్ కుమార్ కౌంటింగ్ సిబ్బందికి సూచించారు.

రేపు 11 మండలాల్లో ఎంపీటీసీ, జెడ్పీటీసీ ఓట్ల లెక్కింపు.. 298 కౌంటింగ్ టేబుళ్ల ఏర్పాటు

అల్లూరి సీతారామరాజు జిల్లాలో ఇటీవల నిర్వహించిన ఎంపీటీసీ, జెడ్పీటీసీ ఎన్నికల్లో 62.01 శాతం పోలింగ్ నమోదైనట్లు జిల్లా కలెక్టర్ టి. నిషాంతి వెల్లడించారు.

రెండు తుపానుల ప్రభావంతో విద్యుత్ శాఖకు రూ.500 కోట్లకు పైగా నష్టం▶

రాష్ట్రంలో ఇటీవల సంభవించిన రెండు తుపానుల కారణంగా విద్యుత్ శాఖకు రూ.500 కోట్లకు పైగా నష్టం వాటిల్లిందని రాష్ట్ర విద్యుత్ శాఖ మంత్రి గొట్టిపాటి రవికుమార్ తెలిపారు.

జాతీయం15:56

దేశవ్యాప్తంగా ‘డిజిటల్ లైఫ్ సర్టిఫికెట్ క్యాంపెయిన్ 5.0’ ను ప్రారంభించిన కేంద్ర మంత్రి జితేంద్ర సింగ్

న్యూఢిల్లీలో 'డిజిటల్ లైఫ్ సర్టిఫికెట్ క్యాంపెయిన్ 5.0'ను కేంద్ర మంత్రి జితేంద్ర సింగ్ ప్రారంభించారు. పెన్షనర్లు బ్యాంకులు, ప్రభుత్వ కార్యాలయాలకు వెళ్లకుండానే సులభంగా జీవిత ధ్రువీకరణ పత్రాలు సమర్పించేందుకు ఈ విధానం ఉపయోగపడుతుందని తెలిపారు. వికసిత్ భారత్ నిర్మాణంలో సీనియర్ సిటిజన్ల ఆర్థిక భద్రత కీలకమని, పెన్షన్ అదాలత్‌ల ద్వారా సేవలను మరింత వేగవంతం చేశామని పేర్కొన్నారు.

జాతీయం15:21

పాస్‌పోర్ట్, వీసా నిబంధనలను సడలించిన కేంద్రం: గెజిట్ నోటిఫికేషన్ విడుదల▶

భారత్‌లో నివసిస్తున్న పలు కేటగిరీల విదేశీయులు, శరణార్థులకు కేంద్రం పాస్‌పోర్ట్, వీసా నిబంధనలను సడలించింది. నేపాల్, భూటాన్ ప్రయాణాలకు గుర్తింపు కార్డు ఉంటే పాస్‌పోర్ట్ అవసరం లేదని స్పష్టం చేసింది. 2015 లోపు వచ్చిన శ్రీలంక తమిళులు, 2024 లోపు వచ్చిన మూడు పొరుగు దేశాల మైనారిటీలు, గుర్తింపు కార్డులు లేని కొందరు పాక్ పౌరులకు మినహాయింపులు ఇస్తూ హోం శాఖ ఉత్తర్వులు జారీ చేసింది.

జాతీయం15:20

దేశవ్యాప్తంగా ఘనంగా ధన్‌తేరస్: ప్రజలకు ప్రధానమంత్రి నరేంద్ర మోదీ శుభాకాంక్షలు

దేశవ్యాప్తంగా ధన్‌తేరస్ పండుగను ఘనంగా నిర్వహించుకుంటున్నారు. లక్ష్మీదేవి, ధన్వంతరి పూజలతో పాటు బంగారం, వాహనాల కొనుగోళ్లతో మార్కెట్లు కిటకిటలాడాయి. ప్రజలకు ప్రధాని నరేంద్ర మోదీ ఎక్స్ వేదికగా శుభాకాంక్షలు తెలుపుతూ అందరికీ ఆయురారోగ్యాలు, సుఖసంతోషాలు కలగాలని ఆకాంక్షించారు.

తెలంగాణ15:20

పచ్చిగుడ్ల మయోనైజ్‌పై నిషేధం పొడిగింపు: తెలంగాణ ప్రభుత్వం గెజిట్ నోటిఫికేషన్ విడుదల▶

తెలంగాణలో పచ్చిగుడ్లతో తయారుచేసే మయోనైజ్‌పై నిషేధాన్ని ప్రభుత్వం మరో ఏడాది పొడిగిస్తూ గెజిట్ నోటిఫికేషన్ ఇచ్చింది. గతంలో బంజారాహిల్స్‌లో మోమోస్ తిని మహిళ మృతి చెందిన ఘటనలో మయోనైజ్ వల్లే ఫుడ్ పాయిజనింగ్ జరిగినట్లు తేలడంతో తొలుత ఏడాది నిషేధం విధించారు. ప్రజారోగ్య పరిరక్షణలో భాగంగా ఆ నిషేధాన్ని మరో ఏడాది పాటు అమలు చేస్తున్నట్లు ప్రభుత్వం స్పష్టం చేసింది.

తెలంగాణ15:00

బాణాసంచా విక్రయాలకు భద్రతా నిబంధనలు తప్పనిసరి: హైదరాబాద్ అగ్నిమాపక శాఖ▶

దీపావళి సందర్భంగా బాణాసంచా దుకాణాల ఏర్పాటుకు హైదరాబాద్ అగ్నిమాపక శాఖ మార్గదర్శకాలు జారీ చేసింది. నిర్దేశిత మైదానాల్లో గరిష్ఠంగా 100 దుకాణాలకే అనుమతి ఉంటుందని, షాపుల మధ్య 3 మీటర్ల దూరం ఉండాలని స్పష్టం చేసింది. నీటి బ్యారెళ్లు, ఇసుక బకెట్లను అందుబాటులో ఉంచాలని, నిబంధనలు పాటించకపోతే దుకాణాలు సీజ్ చేస్తామని హెచ్చరించింది.

ఆంధ్రప్రదేశ్14:41

రైల్వే పెన్షనర్లకు డిజిటల్ లైఫ్ సర్టిఫికేట్ శిబిరం

ఆంధ్రప్రదేశ్ లోని విజయవాడ రైల్వే డివిజన్ ఆడిటోరియంలో రైల్వే పెన్షనర్లు, కుటుంబ పెన్షనర్ల సౌకర్యార్థం డిజిటల్ లైఫ్ సర్టిఫికేట్ -డీఎల్‌సీ శిబిరం గురువారం నిర్వహించారు. ఈ శిబిరంలో మొత్తం 156 డిజిటల్ లైఫ్ సర్టిఫికేట్లను జారీ చేశారు. పెన్షనర్లు తమ లైఫ్ సర్టిఫికేట్లను సమర్పించడంతో పాటు, ఫింఛన్ సంబంధిత సమస్యలపై రైల్వే అధికారుల నుంచి సహాయం పొందేలా ఏర్పాట్లు చేశారు. ఈ సందర్భంగా రైల్వే వైద్య విభాగం ఆధ్వర్యంలో పెన్షనర్లు, వారి కుటుంబ సభ్యులకు ఆరోగ్య పరీక్షలు నిర్వహించారు.

వీడియో వార్తలు

తన అధికార బృందంలో కీలక మార్పులు చేపట్టిన ట్రంప్

సికింద్రాబాద్ రైల్వే స్టేషన్ ఆధునీకరణ పనులు వేగంగా సాగుతున్నాయి: కేంద్రమంత్రి కిషన్ రెడ్డి

‘ప్రకృతి మిత్ర తెలంగాణ’ ఆధ్వర్యంలో మంచిర్యాలలో అవగాహన కార్యక్రమం

ఐదు దక్షిణాది రాష్ట్రాలకు వరిధాన్యం నిల్వ పరిమితులు విధించుకునేందుకు కేంద్రం అనుమతి

నాగర్‌కర్నూల్ ప్రభుత్వ జూనియర్ కళాశాలలో విద్యార్థులకు విద్యా కిట్ల పంపిణీ చేసిన ఎమ్మెల్యే కూచుకుళ్ల రాజేష్ రెడ్డి

పోలీసుల ఆరోగ్య భద్రతకు 'ఫిట్ కాప్' యాప్: డీజీపీ సీవీ ఆనంద్

రేపటి నుంచి మూడు రోజుల పాటు కొడంగల్ లో సీఎం రేవంత్ రెడ్డి పర్యటన

ప్రధాని నరేంద్ర మోదీతో క్రికెటర్ సూర్యకుమార్ యాదవ్ కుటుంబం భేటీ

రెండు తుపానుల ప్రభావంతో విద్యుత్ శాఖకు రూ.500 కోట్లకు పైగా నష్టం

పాస్‌పోర్ట్, వీసా నిబంధనలను సడలించిన కేంద్రం: గెజిట్ నోటిఫికేషన్ విడుదల

పచ్చిగుడ్ల మయోనైజ్‌పై నిషేధం పొడిగింపు: తెలంగాణ ప్రభుత్వం గెజిట్ నోటిఫికేషన్ విడుదల

తెలంగాణ

పచ్చిగుడ్ల మయోనైజ్‌పై నిషేధం పొడిగింపు: తెలంగాణ ప్రభుత్వం గెజిట్ నోటిఫికేషన్ విడుదల

06-11-2026 15:20

బాణాసంచా విక్రయాలకు భద్రతా నిబంధనలు తప్పనిసరి: హైదరాబాద్ అగ్నిమాపక శాఖ

06-11-2026 15:00

తెలంగాణలో అంతరిక్ష వ్యర్థాల తొలగింపు కేంద్రం

దేశంలోనే తొలి ప్రైవేటు సమగ్ర అంతరిక్ష వ్యర్థాల తొలగింపు కేంద్రం తెలంగాణలోని హైదరాబాద్‌లో ప్రారంభమైంది. నానక్‌రాంగూడలో ఏర్పాటు చేసిన ‘బేస్‌-1’ కేంద్రాన్ని తెలంగాణ ఐటీ, పరిశ్రమల శాఖ మంత్రి డి. శ్రీధర్‌బాబు గురువారం ప్రారంభించారు. కేంద్ర శాస్త్ర సాంకేతిక శాఖ సహాయ మంత్రి డాక్టర్ జితేంద్రసింగ్ దృశ్యమాధ్యమం విధానంలో ఈ కార్యక్రమంలో పాల్గొన్నారు.ఈ సందర్భంగా కేంద్రమంత్రి మాట్లాడుతూ, ప్రపంచంలో ఈ తరహా సదుపాయాలతో ఏర్పాటైన ఆరో కేంద్రంగా బేస్‌-1 గుర్తింపు పొందిందని అన్నారు. అనంతరం మంత్రి శ్రీధర్‌బాబు మాట్లాడుతూ..అంతరిక్ష ఆవిష్కరణలకు హైదరాబాద్ దేశంలోనే కీలక కేంద్రంగా ఎదుగుతోందన్నారు. రాష్ట్రంలో ప్రత్యేక స్పేస్ సిటీ ఏర్పాటుకు ప్రభుత్వం ప్రణాళికలు రూపొందిస్తోందని వెల్లడించారు.

06-11-2026 14:35

ఎల్-నినో ప్రభావంపై ఆదిలాబాద్‌లో విద్యార్థుల అవగాహన ర్యాలీ

ఆదిలాబాద్ శాంతి నగర్ నుంచి వినాయక్ చౌక్ వరకు విద్యార్థులు ఎల్-నినో ప్రభావం, నీటి సంరక్షణపై అవగాహన ర్యాలీ నిర్వహించారు. ప్లకార్డులు ప్రదర్శిస్తూ, కరపత్రాలు పంచుతూ ప్రజలకు అవగాహన కల్పించారు. వినాయక్ చౌక్ వద్ద ప్రదర్శించిన వీధి నాటిక ఆకట్టుకుంది. భూగర్భ జలాల పెంపునకు ఇంకుడు గుంతలు ఏర్పాటు చేసుకోవాలని ఉపాధ్యాయులు పిలుపునిచ్చారు.

06-11-2026 14:27

విద్యుత్ కొరత, ఖానామెట్‌లో అక్రమ నిర్మాణాలపై కాంగ్రెస్ ప్రభుత్వంపై విమర్శలు గుప్పించిన టిఆర్ఎస్ అధ్యక్షురాలు కవిత

రాష్ట్ర ప్రభుత్వ వైఖరి వల్ల రైతాంగం తీవ్రంగా నష్టపోయే పరిస్థితి ఏర్పడిందని, విద్యుత్ కొరత సమస్యను తక్షణమే పరిష్కరించాలని టిఆర్ఎస్ (TRS) అధ్యక్షురాలు కల్వకుంట్ల కవిత డిమాండ్ చేశారు. హైదరాబాద్‌లో ఏర్పాటు చేసిన విలేకరుల సమావేశంలో ఆమె మాట్లాడుతూ.. ప్రస్తుత కాంగ్రెస్ ప్రభుత్వ పరిపాలనా వైఫల్యాలపై తీవ్రస్థాయిలో ధ్వజమెత్తారు.

05-11-2026 15:49

లండన్‌లో తెలంగాణ పర్యాటక పెవిలియన్

ప్రపంచంలోని ప్రముఖ పర్యాటక ప్రదర్శనల్లో ఒకటైన వరల్డ్ ట్రావెల్ మార్కెట్-2026లో తెలంగాణ పర్యాటక శాఖ ప్రత్యేక పెవిలియన్ ఏర్పాటు చేసింది. లండన్‌లో జరుగుతున్న ఈ ప్రదర్శనలో ఏర్పాటు చేసిన తెలంగాణ పెవిలియన్‌ను కేంద్ర పర్యాటక శాఖ మంత్రి గజేంద్రసింగ్ షెకావత్ బుధవారం ప్రారంభించారు. ఈ పెవిలియన్‌లో తెలంగాణలోని రామప్ప దేవాలయం, గోల్కొండ కోట, చార్మినార్, బుద్ధవనం, లక్నవరం, బొగత జలపాతం వంటి ప్రముఖ పర్యాటక ప్రాంతాలతో పాటు తెలంగాణ చేనేత, హస్తకళలను ఈ పెవిలియన్‌లో ప్రత్యేకంగా ప్రదర్శిస్తున్నారు.

05-11-2026 10:07

ఆంధ్రప్రదేశ్

పోలవరం జిల్లాలో జెడ్పీటీసీ, ఎంపీటీసీ ఓట్ల లెక్కింపునకు పకడ్బందీ ఏర్పాట్లు

07-11-2026 10:01

రేపు 11 మండలాల్లో ఎంపీటీసీ, జెడ్పీటీసీ ఓట్ల లెక్కింపు.. 298 కౌంటింగ్ టేబుళ్ల ఏర్పాటు

07-11-2026 10:01

రెండు తుపానుల ప్రభావంతో విద్యుత్ శాఖకు రూ.500 కోట్లకు పైగా నష్టం

07-11-2026 10:01

రైల్వే పెన్షనర్లకు డిజిటల్ లైఫ్ సర్టిఫికేట్ శిబిరం

06-11-2026 14:41

పంట నష్టంపై కేంద్రమంత్రి పెమ్మసాని

ఆంధ్రప్రదేశ్ లో తుపాను వల్ల వ్యవసాయ పంటలు దెబ్బతిన్న రైతులకు తగిన సహాయం అందించేందుకు చర్యలు తీసుకుంటామని కేంద్ర గ్రామీణాభివృద్ధి శాఖ సహాయ మంత్రి పెమ్మసాని చంద్రశేఖర్ తెలిపారు. గుంటూరు జిల్లా తెనాలి మండలం బుర్రిపాలెంలో తుపాను ప్రభావంతో దెబ్బతిన్న వరి పంటను ఆయన గురువారం పరిశీలించారు. ఈ సందర్భంగా రైతులు ఎదుర్కొంటున్న ఇబ్బందులను అడిగి తెలుసుకున్నారు. అనంతరం అధికారులతో సమీక్షించి, తుఫాను కారణంగా జరిగిన పంట నష్టంపై క్షేత్రస్థాయిలో వివరాలు సేకరించి సమగ్ర నివేదిక రూపొందించాలని సూచించారు. బాధిత రైతులకు ప్రభుత్వ సహాయం అందించేందుకు అవసరమైన చర్యలు వేగవంతం చేయాలని ఆదేశించారు.

06-11-2026 14:40

ఎంపీటీసీ, జడ్పీటీసీ ఎన్నికల పోలింగ్

ఆంధ్రప్రదేశ్‌లో కొన్ని మండలాల్లో వాయిదా పడిన ఎంపీటీసీ, జడ్పీటీసీ ఎన్నికల పోలింగ్ శుక్రవారం జరగనుంది. వర్షాలు, ప్రతికూల వాతావరణ పరిస్థితుల కారణంగా రాష్ట్రంలోని ఏలూరు, తూర్పుగోదావరి జిల్లాల్లో కొన్ని మండలాల్లో వాయిదా పడిన పోలింగ్‌ను శుక్రవారం నిర్వహించనున్నారు. ఏలూరు జిల్లాలోని వేలేరుపాడు, బుట్టాయగూడెం, జీలుగుమిల్లి, పోలవరం మండలాల్లో పోలింగ్ జరగనుంది. గురువారం జరగాల్సిన పోలింగ్‌ను వాయిదా వేసిన రాష్ట్ర ఎన్నికల సంఘం శుక్రవారం నిర్వహించేందుకు ఏర్పాట్లు చేసింది. కాగా, ఎంపీటీసీ,e జడ్పీటీసీ ఎన్నికల ఓట్ల లెక్కింపు శుక్రవారం చేపట్టనున్నారు.

06-11-2026 14:36

జాతీయం

దేశవ్యాప్తంగా ‘డిజిటల్ లైఫ్ సర్టిఫికెట్ క్యాంపెయిన్ 5.0’ ను ప్రారంభించిన కేంద్ర మంత్రి జితేంద్ర సింగ్

06-11-2026 15:56

పాస్‌పోర్ట్, వీసా నిబంధనలను సడలించిన కేంద్రం: గెజిట్ నోటిఫికేషన్ విడుదల

06-11-2026 15:21

దేశవ్యాప్తంగా ఘనంగా ధన్‌తేరస్: ప్రజలకు ప్రధానమంత్రి నరేంద్ర మోదీ శుభాకాంక్షలు

06-11-2026 15:20

టెక్నాలజీ స్కోర్‌బోర్డు

పరిశోధన, అభివృద్ధి కోసం కేంద్ర, రాష్ట్ర ప్రభుత్వాలు తగినన్ని నిధులు కేటాయించాలని ఆంధ్రప్రదేశ్‌ ప్రభుత్వ సైన్స్‌ అండ్‌ టెక్నాలజీ శాఖ కార్యదర్శి డాక్టర్‌ హెచ్‌. పురుషోత్తం కోరారు. ఢిల్లీలో నీతి ఆయోగ్‌ నిర్వహించిన ఇండియా సైన్స్‌ అండ్‌ టెక్నాలజీ స్కోర్‌బోర్డు ప్రారంభోత్సవంలో ఆయన మంగళవారం పాల్గొన్నారు. ఈ సందర్భంగా ఆయన మాట్లాడుతూ, రాష్ట్రాల సైన్స్ అండ్ టెక్నాలజీ స్కోర్‌బోర్డులో గ్లోబల్‌ ఇండియా ఇన్నోవేషన్‌ ఇండెక్స్‌లను చేర్చాలని సూచించారు. పరిశోధనా సంస్థలను బలోపేతం చేయడంతోపాటు పరిశ్రమలు, విద్యాసంస్థల మధ్య సమన్వయం పెంచాలని సూచించారు. పరిశోధన ఫలితాలను ఆచరణలోకి తీసుకురావడం ద్వారా సాంకేతిక అభివృద్ధికి మరింత చేయూత లభిస్తుందని పురుషోత్తం పేర్కొన్నారు.

04-11-2026 11:28

గుంటూరు జిల్లా యంత్రాంగం అప్రమత్తం.. 83 పునరావాస శిబిరాలు ఏర్పాటు

మురసు తుపాను ఈ రోజు రాత్రికి కావలి–ఒంగోలు మధ్య తీరం దాటే అవకాశం ఉందన్న అంచనాల నేపథ్యంలో గుంటూరు జిల్లా యంత్రాంగం అప్రమత్తమైంది.

02-11-2026 14:42

ఖేత్ బచావో అభియాన్ - రబీ 2026.. నేల ఆరోగ్యం, సుస్థిర వ్యవసాయంపై దేశవ్యాప్త ప్రచారం

భారతదేశంలో నేల సారాన్ని పెంచేందుకు 34 రాష్ట్రాల పరిధిలోని 700 జిల్లాల్లో ‘ఖేత్ బచావో అభియాన్ - రబీ 2026’ ముమ్మరంగా సాగుతోంది. 4,150 బృందాలు, 12,000 మంది శాస్త్రవేత్తలతో 50 లక్షల మంది రైతులకు సమతుల్య ఎరువుల వాడకం, సహజ వ్యవసాయం, జీలుగ వంటి పచ్చిరొట్ట ఎరువుల సాగుపై అవగాహన కల్పిస్తూ సుస్థిర వ్యవసాయాన్ని ప్రోత్సహిస్తున్నారు.

02-11-2026 14:39

అంతర్జాతీయం

ఇరాన్ యుద్ధం కారణంగానే రిపబ్లికన్లు ఎన్నికల్లో ఓడిపోయారని జేడీ వాన్స్ వ్యాఖ్యలు – భారీగా పడిపోయిన చమురు ధరలు

ఇరాన్ యుద్ధం కారణంగానే రిపబ్లికన్లు ఎన్నికల్లో ఓడిపోయారని జేడీ వాన్స్ వ్యాఖ్యలు – భారీగా పడిపోయిన చమురు ధరలు

05-11-2026 15:54

ఇజ్రాయెల్ ఎన్నికల్లో విదేశీ జోక్యంపై విచారణకు నెతన్యాహు డిమాండ్

ఇజ్రాయెల్ ఎన్నికల్లో విదేశీ జోక్యం, అరబ్ పార్టీల పాత్రపై విచారణ జరపాలని ప్రధాని నెతన్యాహు డిమాండ్ చేశారు. 120 సీట్లు ఉన్న నెస్సెట్‌లో ఏ పార్టీకీ స్పష్టమైన 61 సీట్ల మెజారిటీ దక్కే సంకేతాలు కనిపించడం లేదు.

30-10-2026 09:49

సంక్షోభ సమయాల్లో పౌరుల రక్షణకు భారత్ పెద్దపీట: పీయూష్ గోయెల్

సంక్షోభ సమయాల్లో విదేశాల్లో చిక్కుకున్న పౌరుల రక్షణకు భారత్ కట్టుబడి ఉందని కేంద్ర మంత్రి పీయూష్ గోయెల్ తెలిపారు. జర్మనీలోని బెర్లిన్ వేదికగా ఆయన ఈ విషయాలు వెల్లడించారు.

24-10-2026 09:52

అమెరికా అధ్యక్షుడు ట్రంప్ నిర్ణయాలపై జెలెన్స్కీ అభ్యంతరం

అమెరికా అధ్యక్షుడు డోనాల్డ్ ట్రంప్ తీసుకున్న నిర్ణయాలపై ఉక్రెయిన్ అధ్యక్షుడు వ్లాదిమిర్ జెలెన్స్కీ అభ్యంతరం వ్యక్తం చేశారు. రష్యా నుంచి డీజిల్ సరఫరాపై ఆంక్షల సడలింపు, శుద్ధి కేంద్రాలపై దాడులు ఆపాలన్న సూచనలను తప్పుపట్టారు. యుద్ధంలో అమెరికా తటస్థంగా ఉండాలని కోరారు.

15-10-2026 12:32

హార్ముజ్ జలసంధిలో పెరుగుతున్న దాడులు.. మునిగిన 2 నౌకలు

హార్ముజ్ జలసంధి వద్ద రవాణా నౌకలపై దాడులు పెరిగాయి. 24 గంటల వ్యవధిలో జరిగిన 2 వేర్వేరు ఘటనల్లో జీఎఫ్‌ఎస్ ప్రైడ్, కేప్ డావో నౌకలు సముద్రంలో మునిగిపోయాయి. కేప్ డావో నౌక మునిగిన ఘటనలో ఒకరు ప్రాణాలు కోల్పోగా, అమెరికా ఆంక్షల నేపథ్యంలో ఇరాన్ దాడులు ముమ్మరం చేసినట్లు నివేదికలు తెలుపుతున్నాయి.

15-10-2026 12:32

హర్మూజ్‌లో సీమైన్‌ను ఢీకొని ముగిగిన చమురు ట్యాంకర్

హర్మూజ్ జలసంధిలో మందుపాతరను (సీమైన్) ఢీకొని ఒక చమురు ట్యాంకర్ మునిగిపోయింది. ఇరాన్ ఇస్లామిక్ రివల్యూషనరీ గార్డ్ కార్ప్స్ (ఐఆర్‌జీసీ) ఈ విషయాన్ని వెల్లడించింది. తమ అనుమతి లేకుండా జలసంధి గుండా ప్రయాణించవద్దని ఇరాన్ ప్రపంచ దేశాలను హెచ్చరించింది.

15-10-2026 09:46

ప్రాంతీయం

ఏలూరు జిల్లాలో 1 గంటకు 43.74 శాతం పోలింగ్ నమోదు!

05-11-2026 15:43

తల్లాడ టు దేవరపల్లి హైవేపై మురసు తుఫాను బీభత్సం!

04-11-2026 14:47

ఎంపీటీసీ ,జడ్పిటిసి పోలింగ్ కీలక అప్డేట్.

04-11-2026 14:08

ఏలూరు జిల్లా – జంగారెడ్డిగూడెంలో రోడ్లు, డ్రైనేజీ సమస్యలు

04-11-2026 12:49

ఏర్రకాలువ బ్యారేజ్‌లోకి భారీగా వరద నీరు

04-11-2026 11:28

జంగారెడ్డిగూడెంలో ప్రశాంతంగా మున్సిపల్ ఎన్నికలు!

02-11-2026 12:32

రాజకీయాలు

రాజకీయాలు

రాహుల్ గాంధీ డ్రామాలు కొనసాగుతున్నాయి - కిరణ్ రిజిజు

రాజ్యాంగ వ్యవస్థలను రాహుల్ గాంధీ నిత్యం లక్ష్యంగా చేసుకోవడం వల్ల ప్రజాస్వామ్యానికి ఎలాంటి ప్రయోజనం ఉండదని, అలాగే కాంగ్రెస్ పార్టీకి ప్రజల మద్దతు లభించదని కేంద్రమంత్రి కిరణ్ రిజిజు స్పష్టం చేశారు.

07-10-2026 09:59

రాజకీయాలు

పర్యావరణ పరిరక్షణతోనే అభివృద్ధి

పర్యావరణ పరిరక్షణతోనే అభివృద్ధి సాధ్యమని ఆంధ్రప్రదేశ్ ముఖ్యమంత్రి నారా చంద్రబాబు నాయుడు అన్నారు. కర్నాటకలోని బెంగళూరులో ఏర్పాటు చేసిన ‘ది ఎర్త్ సెంటర్ – విష్టా స్పేసెస్’ భవనాన్ని కర్ణాటక ముఖ్యమంత్రి డీకే శివకుమార్‌తో కలిసి ఆయన ఆదివారం ప్రారంభించారు. ఈ సందర్భంగా చంద్రబాబు నాయుడు మాట్లాడుతూ, పర్యావరణానికి నష్టం కలగకుండా పర్యావరణహిత నిర్మాణాల వైపు దృష్టి సారించాల్సిన అవసరం ఉందన్నారు. భవన నిర్మాణాల్లో సౌర విద్యుత్, నీటి సంరక్షణకు ప్రాధాన్యత ఇవ్వాలని చెప్పారు. అమరావతిని పర్యావరణహిత నగరంగా అభివృద్ధి చేస్తున్నామని ముఖ్యమంత్రి తెలియజేశారు.

సినిమా

నటుడు నాని ట్వీట్‌కు మంత్రి కోమటిరెడ్డి వెంకటరెడ్డి రియాక్షన్.. పోలీసులకు దరఖాస్తు చేసుకోవాలని సూచన

ఆర్టీసీ క్రాస్ రోడ్స్‌లో 'ది ప్యారడైజ్' సినిమా వీక్షణకు అనుమతి కోరిన నటుడు నాని విజ్ఞప్తిపై సినిమాటోగ్రఫీ మంత్రి కోమటిరెడ్డి వెంకట్ రెడ్డి స్పందించారు. చిత్ర పరిశ్రమకు ప్రభుత్వం అండగా ఉంటుందని పేర్కొంటూనే, సీఎం రేవంత్ రెడ్డి సూచనల మేరకు శాంతిభద్రతల దృష్ట్యా స్థానిక పోలీసులను ఆశ్రయించి అధికారిక అనుమతి తీసుకోవాలని చిత్ర బృందానికి సూచించారు.

23-09-2026 14:49

జాతీయ చలనచిత్ర పురస్కారాలు –రాష్ట్రపతి

భారతదేశ విభిన్న భాషలు, సంప్రదాయాలు, సామాజిక అనుభవాలను ప్రతిబింబించడంలో చలన చిత్రాలు కీలక పాత్ర పోషిస్తున్నాయని రాష్ట్రపతి ద్రౌపది ముర్ము పేర్కొన్నారు. గుజరాత్‌లోని ఏక్తా నగర్‌లో 72వ జాతీయ చలనచిత్ర పురస్కారాలను రాష్ట్రపతి ఈ సాయంత్రం ప్రదానం చేశారు. ఈ సందర్భంగా మాట్లాడుతూ... చలనచిత్రాలు ప్రేక్షకులను అలరించడమే కాకుండా.. వివిధ ప్రాంతాల ప్రజలను కలుపుతాయన్నారు. భారతదేశపు సాంస్కృతిక వారసత్వాన్ని ప్రదర్శించడంలో చలన చిత్రాలు సహాయపడతాయని రాష్ట్రపతి పేర్కొన్నారు. ఈ కార్యక్రమంలో పాల్గొన్నకేంద్ర సమాచార, ప్రసార శాఖ మంత్రి అశ్వినీ వైష్ణవ్.. విజేతలకు అభినందనలు తెలుపుతూ.. తెర వెనుక పనిచేస్తున్న సాంకేతిక నిపుణులు, సినిమాటోగ్రాఫర్లు ఇతర సభ్యుల కృషిని ప్రశంసించారు. భవిష్యత్‌లో జాతీయ చలనచిత్ర అవార్డుల కార్యక్రమాన్ని నిర్వహించేందుకు వీలుగా తమ తమ ప్రాంతాలలో ఒక ముఖ్యమైన పర్యాటక ప్రదేశాన్ని గుర్తించాలని అన్ని రాష్ట్రాలు, కేంద్రపాలిత ప్రాంతాలకు అశ్వినీ వైష్ణ‌వ్‌ ఆహ్వానం పలికారు.

72వ జాతీయ చలనచిత్ర పురస్కారాల ప్రదానం

రాష్ట్రపతి ద్రౌపది ముర్ము గుజరాత్‌లోని ఏక్తా నగర్‌లో 72వ జాతీయ చలనచిత్ర పురస్కారాలను ప్రదానం చేశారు. ఫీచర్ సినిమాలు, నాన్-ఫీచర్ సినిమాలు సహా వివిధ విభాగాల్లో ప్రతిభ కనబరిచిన కళాకారులు, సాంకేతిక నిపుణులు, చిత్రాలకు రాష్ట్రపతి పురస్కారాలను అందజేశారు. వీరిలో ఉత్తమనటులుగా మమ్ముట్టి, కార్తిక్‌ ఆర్యన్‌ పురస్కారాన్ని అందుకోగా, ఉత్తమ నటి పురస్కారాన్ని యామీ గౌతమ్‌ అందుకున్నారు. ఇక తెలుగు చలనచిత్రాలకు సంబంధించి ఉత్తమ బాల నటుడి విభాగంలో ‘35 చిన్న కథ కాదు’ సినిమాకి అరుణ్‌ దేవ్‌, ఉత్తమ సంభాషణలు విభాగంలో ‘లక్కీ భాస్కర్‌’ సినిమాకు దర్శకులు వెంకీ అట్లూరి, ఉత్తమ ప్రజాదరణ చిత్రంగా నిలిచిన ‘కల్కి 2898 ఏడీ’చిత్రానికి దర్శకులు నాగ్‌ అశ్విన్ పురస్కారాలను స్వీకరించారు.

పీజీఆర్‌ఎస్‌లో ప్రజల నుంచి వినతులు స్వీకరించిన మంత్రి సంధ్యారాణి

ప్రజా సమస్యల పరిష్కారానికి ప్రభుత్వం అధిక ప్రాధాన్యత ఇస్తోందని రాష్ట్ర మహిళా, శిశు సంక్షేమం, గిరిజన సంక్షేమ శాఖ మంత్రి గుమ్మిడి సంధ్యారాణి తెలిపారు.

21-09-2026 12:00

క్రీడలు

హైలో ఓపెన్‌లో భారత జోరు: సింధు, లక్ష్యసేన్‌ల విజయాలు

జర్మనీలో జరిగిన హైలో ఓపెన్ 2026లో పీవీ సింధు, లక్ష్యసేన్ సింగిల్స్ విభాగాల్లో విజేతలుగా నిలిచి భారత్‌కు డబుల్ ధమాకా అందించారు. డెన్మార్క్ ప్లేయర్ కెర్స్‌ఫెల్ట్‌ను ఓడించి ఈ టోర్నీ నెగ్గిన తొలి భారత మహిళగా సింధు రికార్డు సృష్టించగా, డిఫెండింగ్ ఛాంపియన్ జోనాథన్ క్రిస్టీని ఓడించి లక్ష్యసేన్ కెరీర్‌లో రెండోసారి హైలో ఓపెన్ ట్రోఫీని కైవసం చేసుకున్నారు.

02-11-2026 14:39

టీ20 సిరీస్ భారత్ కైవసం..

ఐదు మ్యాచ్‌ల టీ20 అంతర్జాతీయ సిరీస్‌ను భారత జట్టు 3-2తో కైవసం చేసుకుంది. హామిల్టన్‌లో నిన్న జరిగిన చివరి మ్యాచ్‌లో ఆతిథ్య న్యూజిలాండ్ జట్టు ఏడు వికెట్ల తేడాతో భారత్‌పై విజయం సాధించింది. 192 పరుగుల లక్ష్యంతో బరిలోకి దిగిన న్యూజిలాండ్ 3 వికెట్లు కోల్పోయి 195 పరుగులు చేయగా అంతకుముందు తొలుత బ్యాటింగ్ చేసిన భారత్ నిర్ణీత 20 ఓవర్లలో 8 వికెట్ల నష్టానికి 191 పరుగులు చేసింది. సిరీస్‌లో తొలి మూడు మ్యాచ్‌ల్లో భారత్ విజయం సాధించగా, చివరి రెండు మ్యాచ్‌ల్లో న్యూజిలాండ్ గెలిచింది. ఆక్లాండ్‌లో జరిగిన నాలుగో మ్యాచ్‌లోనూ న్యూజిలాండ్ విజయం సాధించింది. అయినప్పటికీ తొలి మూడు విజయాల ఆధారంగా భారత్ సిరీస్‌ను 3-2తో దక్కించుకుంది.

02-11-2026 09:54

న్యూజిలాండ్ తో రెండో టీ20

జింబాబ్వే మహిళల క్రికెట్ జట్టుతో వడోదర వేదికగా నిన్న జరిగిన తొలి వన్డేలో భారత్ మహిళల జట్టు విజయం సాధించింది. ఈ విజయంతో మూడు మ్యాచ్‌ల సిరీస్‌లో భారత్ 1-0 ఆధిక్యంలో ఉంది. మొదట బ్యాటింగ్ చేసిన జింబాబ్వే జట్టు 49.5 ఓవర్లలో 197 పరుగులు చేసింది. 198 పరుగుల లక్ష్యంతో బరిలోకి దిగిన భారత్ కేవలం 27.1 ఓవర్లలోనే ఒక్క వికెట్ మాత్రమే కోల్పోయి లక్ష్యాన్ని సాధించింది. మరో వైపు న్యూజిలాండ్ వేదికగా భారత్ పురుషుల క్రికెట్ జట్టు న్యూజిలాండ్ తో రెండో టీ20లో తలపడుతున్నాయి. మొదట టాస్ గెలిచిన భారత్ జట్టు బౌలింగ్ ఎంచుకుంది. బ్యాటింగ్ ప్రారంభించి న్యూజిలాండ్ మధ్యాహ్నం ఒంటి గంట సమయానికి 41 పరుగులకు మూడు వికెట్లు నష్టపోయింది.

24-10-2026 14:55

ఫ్రెంచ్ ఓపెన్ సెమీస్‌లోకి పి.వి.సింధు.. చైనీస్ తైపీ ప్లేయర్‌పై ఘనవిజయం!

భారత స్టార్ షట్లర్ పి.వి.సింధు ఫ్రెంచ్ ఓపెన్ సూపర్ 750 టోర్నీలో సెమీఫైనల్స్‌కు దూసుకెళ్లింది. క్వార్టర్ ఫైనల్లో చైనీస్ తైపీ క్రీడాకారిణి చియు పిన్‌పై వరుస సెట్లలో విజయం సాధించి.. ఈ టోర్నీ టైటిల్ రేసులో నిలిచిన ఏకైక భారత షట్లర్‌గా నిలిచింది.

24-10-2026 12:59

న్యూజిలాండ్‌పై విజయం సాధించి శుభారంభం చేసిన భారత్

క్రైస్ట్‌చర్చ్‌లో జరిగిన తొలి టీ20 మ్యాచ్‌లో న్యూజిలాండ్‌పై భారత్ 4 వికెట్ల తేడాతో గెలిచింది. 226 పరుగుల లక్ష్యాన్ని టీమ్‌ఇండియా 19.4 ఓవర్లలో 6 వికెట్లు కోల్పోయి ఛేదించింది. సంజు శాంసన్ 67 పరుగులతో రాణించాడు.

23-10-2026 09:45

పారా ఆసియా క్రీడల్లో పతకాల జోరు: 4వ స్థానంలో భారత్

పారా ఆసియా క్రీడల్లో భారత అథ్లెట్లు అంచనాలను మించి రాణిస్తూ 61 పతకాలతో 4వ స్థానానికి దూసుకెళ్లారు. దిలీప్ గావిట్, సిమ్రాన్ స్వర్ణ పతకాలు సాధించగా, మోర్సింగ్‌నకత్ రజతం కైవసం చేసుకున్నారు.

22-10-2026 09:14

విద్య

ఎడ్యుకేషన్ ఛాన్సలర్స్ కాంక్లేవ్‌

విశ్వవిద్యాలయాలను పరిశోధనలు, ఆవిష్కరణలు, సాంకేతిక పురోగతికి కేంద్రాలుగా తీర్చిదిద్దాలని ఆంధ్రప్రదేశ్ సైన్స్, టెక్నాలజీ, ఇన్నోవేషన్ శాఖ కార్యదర్శి హెచ్. పురుషోత్తం సూచించారు. గోవాలో జరిగిన ఎడ్యుకేషన్ ఛాన్సలర్స్ కాంక్లేవ్‌-2026లో ఆయన గురువారం పాల్గొని ప్రసంగించారు. ఉన్నత విద్యలో కృత్రిమ మేధ, క్వాంటం కంప్యూటింగ్, బయోటెక్నాలజీ వంటి ఆధునిక సాంకేతికతలకు ప్రాధాన్యం ఇవ్వాలని సూచించారు. పరిశ్రమల అవసరాలకు అనుగుణంగా పరిశోధనలు చేపట్టేందుకు విద్యాసంస్థలు, పరిశ్రమల మధ్య సమన్వయం పెరగాలన్నారు. విద్యార్థులకు నైపుణ్యాధారిత విద్య అందించడంతో పాటు, పరిశోధనలకు అవసరమైన మౌలిక సదుపాయాలు, అంతర్జాతీయ భాగస్వామ్యాgలను ప్రోత్సహించాలని పేర్కొన్నారు.

23-10-2026 09:50

ఉపాధ్యాయులకు ఏఐ ఆధారిత బోధనపై శిక్షణ

ఆసిఫాబాద్ జిల్లాలోని ఎంపిక చేసిన 68 పాఠశాల ఉపాధ్యాయులకు కృత్రిమ మేధా ఆధారిత అభ్యసన నమూనాలపై జిల్లా కేంద్రంలోని ఆదర్శ పాఠశాలలో ఏర్పాటుచేసిన ఒకరోజు శిక్షణ కార్యక్రమాన్ని జిల్లా విద్యాధికారి సచితానంద చారి ప్రారంభించారు.

30-09-2026 14:31

నాణ్యమైన విద్య, నైపుణ్యాభివృద్ధికి ప్రాధాన్యత

దేశంలో నాణ్యమైన విద్య, నైపుణ్యాభివృద్ధికి ప్రాధాన్యత ఇవ్వాల్సిన అవసరం ఉందని తెలంగాణ ముఖ్యమంత్రి ఏ.రేవంత్ రెడ్డి అన్నారు. ఢిల్లీలో ఒక మీడియా సంస్థ ఆధ్వర్యంలో నిర్వహించిన "ది కాన్‌క్లేవ్ 2026" కార్యక్రమంలో ముఖ్యమంత్రి నిన్న పాల్గొని ప్రసంగించారు. నాణ్యమైన విద్యతో పాటు పోషకాహారం అందించాల్సిన అవసరం ఉందన్నారు.తెలంగాణలో ప్రైవేట్ పాఠశాలలకు దీటుగా ప్రభుత్వ పాఠశాలలను అభివృద్ధి చేస్తున్నామని చెప్పారు. నర్సరీ నుంచి 12వ తరగతి వరకు విద్యకు, ఆ తర్వాత నైపుణ్యాభివృద్ధికి ప్రాధాన్యత ఇస్తున్నామని వివరించారు.ఐటీఐలను అడ్వాన్స్‌డ్ టెక్నాలజీ సెంటర్లుగా మార్చి నైపుణ్య శిక్షణ అందిస్తున్నామని చెప్పారు.

29-09-2026 09:51

ప్రభుత్వ పాఠశాలల్లో కార్పొరేట్ స్థాయి విద్యకు ప్రభుత్వం ప్రాధాన్యం

ప్రభుత్వం విద్యా, వైద్యం రంగాల అభ్యున్నతికి పెద్దపీట వేస్తోందని రెవెన్యూ శాఖ మంత్రి పొంగులేటి శ్రీనివాస్ రెడ్డి అన్నారు. ప్రభుత్వ పాఠశాలలలో కూడా కార్పోరేట్ స్థాయి విద్యను అందించాలన్న తాపత్రయంతో ప్రభుత్వం పని చేస్తుందని తెలిపారు. వెల్టూరు గ్రామంలో 12 కోట్ల రూపాయలతో నూతనంగా నిర్మించనున్న తెలంగాణ పబ్లిక్ స్కూల్‌కు, 10 కోట్ల రూపాయలతో నిర్మాంచనున్న మహాత్మా జ్యోతిరావు పూలే బాలుర గురుకుల పాఠశాల భవన నిర్మాణ పనులకు మరో మంత్రి వాకిటి శ్రీహరితో కలిసి పొంగులేటి శ్రీనివాస రెడ్డి శంకుస్థాపన చేశారు. వనపర్తి జిల్లా కేంద్రంలోని నల్లచెరువు నీటిలో చేప పిల్లలను వదిలారు.

28-09-2026 17:04

సిరిసిల్లలో రూ.200 కోట్లతో యంగ్ ఇండియా ఇంటిగ్రేటెడ్ స్కూల్ మంజూరు

రాజన్న సిరిసిల్ల జిల్లా కేంద్రంలో 200 కోట్ల రూపాయలతో యంగ్ ఇండియా ఇంటిగ్రేటెడ్ స్కూల్ మంజూరు అయ్యిందని కాంగ్రెస్ పార్టీ సిరిసిల్ల నియోజకవర్గం ఇంచార్జి కేకే మహేందర్ రెడ్డి ఒక ప్రకటనలో తెలిపారు.

26-09-2026 12:51

51 వేల మందికి నియామక పత్రాలు అందజేత

దేశవ్యాప్తంగా నిరుద్యోగ యువతకు ఉపాధి కల్పించే లక్ష్యంతో కేంద్ర ప్రభుత్వం ప్రతిష్టాత్మకంగా చేపట్టిన ‘రోజ్‌గార్ మేళా’ ఇవాళ మరోసారి ప్రారంభమైంది.

బిజినెస్

భారీ లాభాల్లో ముగిసిన దేశీయ స్టాక్ మార్కెట్లు

ఎఫ్‌ఎంసీజీ, బ్యాంకింగ్ షేర్ల కొనుగోళ్లతో దేశీయ స్టాక్ మార్కెట్ సూచీలు భారీ లాభాల్లో ముగిశాయి. సెన్సెక్స్ 905 పాయింట్లు పెరిగి 74,151 వద్ద స్థిరపడగా, నిఫ్టీ 184 పాయింట్లు లాభపడి 22,882 వద్ద ముగిసింది.

30-10-2026 09:49

లాభాల్లో ముగిసిన స్టాక్ మార్కెట్లు.. 482 పాయింట్లు పెరిగిన సెన్సెక్స్

దేశీయ స్టాక్ మార్కెట్లు సోమవారం లాభాలతో ముగిశాయి. మెటల్, ఫార్మా రంగాల మద్దతుతో సెన్సెక్స్ 482 పాయింట్లు పెరిగి 73,606 వద్ద, నిఫ్టీ 22,753 పాయింట్ల వద్ద ముగిశాయి. మిడ్, స్మాల్ క్యాప్ షేర్లలోనూ కొనుగోళ్ల ఉత్సాహం కనిపించగా, డాక్టర్ రెడ్డీస్, అదానీ పోర్ట్స్ రాణించాయి. శ్రీరామ్ ఫైనాన్స్, బజాజ్ ఫైనాన్స్ నష్టాలను చవిచూశాయి.

27-10-2026 09:46

వరుసగా నాలుగో రోజు నష్టాల్లో ముగిసిన స్టాక్ మార్కెట్లు

దేశీయ స్టాక్‌ మార్కెట్‌ సూచీలు వరుసగా నాలుగో ట్రేడింగ్‌ సెషన్‌లోనూ నష్టాల్లో ముగిశాయి. పశ్చిమాసియాలో ఉద్రిక్తతల కారణంగా చమురు ధరలు పెరగడం మార్కెట్‌ సెంటిమెంట్‌ను దెబ్బతీసింది. రోజంతా తీవ్ర ఒడుదొడుకులు ఎదుర్కొన్న సూచీలు చివరికి స్వల్ప నష్టాలతో ముగిశాయి.

24-10-2026 09:52

ద్రవ్యోల్బణ భయాలు... వరుసగా మూడో రోజు నష్టాల్లో మార్కెట్లు

అంతర్జాతీయంగా ముడిచమురు ధరలు పెరగడంతో దేశీయ స్టాక్ మార్కెట్ సూచీలు వరుసగా మూడో రోజు నష్టాల్లో ముగిశాయి. సెన్సెక్స్ 460.30 పాయింట్లు నష్టపోయి 73,249.39 వద్ద, నిఫ్టీ 123.70 పాయింట్లు తగ్గి 22,687.65 వద్ద స్థిరపడ్డాయి.

23-10-2026 09:45

దేశీయ మార్కెట్‌లో తగ్గిన బంగారం, వెండి ధరలు

దేశీయ బులియన్ మార్కెట్‌లో బంగారం ధర స్వల్పంగా తగ్గగా, వెండి ధర మాత్రం భారీగా పడిపోయింది. హైదరాబాద్‌లో 10 గ్రాముల 24 క్యారెట్ల బంగారం ధర రూ.1,50,500కు చేరగా, కిలో వెండి ధర రూ.2,13,800కు పడిపోయింది. అంతర్జాతీయ మార్కెట్ పరిణామాలే ఈ తగ్గుదలకు కారణమని విశ్లేషకులు తెలిపారు.

15-10-2026 12:54

తగ్గిన బంగారం, వెండి ధరలు.. తులం బంగారం ధర రూ.1,52,250

దేశీయ బులియన్ మార్కెట్లో బంగారం, వెండి ధరలు తగ్గాయి. హైదరాబాద్‌లో 10 గ్రాముల 24 క్యారెట్ల బంగారంపై రూ.1,290 తగ్గి రూ.1,52,250కి చేరగా, కిలో వెండి ధర రూ.2,881 తగ్గి రూ.2,25,885 వద్ద స్థిరపడింది.

13-10-2026 14:40

ఉద్యోగాలు

ఉద్యోగాలు

యువతకు స్థానికంగానే ఉద్యోగ అవకాశాలు

యువతకు స్థానికంగానే ఉద్యోగ అవకాశాలు కల్పించేందుకు ప్రభుత్వం చర్యలు తీసుకుంటోందని రాష్ట్ర కార్మిక శాఖ మంత్రి వాసంశెట్టి సుభాష్ తెలిపారు.

టెక్నాలజీ

టెక్నాలజీ

రసాయన శాస్త్రంలో ఇద్దరు శాస్త్రవేత్తలకు 2026 నోబెల్ పురస్కారం

2026 రసాయన శాస్త్ర నోబెల్ బహుమతిని శాస్త్రవేత్తలు హెన్రీ కాగన్, కెన్సో సోవాయిలకు సంయుక్తంగా ప్రకటించారు. అసమాన సేంద్రీయ సంశ్లేషణలో ఆటోకెటాలసిస్, నాన్-లీనియర్ ఎఫెక్ట్స్‌ను కనుగొన్నందుకు ఈ అవార్డు దక్కింది. విజేతలు సంయుక్తంగా 12 మిలియన్ స్వీడిష్ క్రోనర్ల నగదు పురస్కారాన్ని అందుకోనున్నారు.

08-10-2026 09:40

టెక్నాలజీ

భౌతిక శాస్త్రంలో ఫ్రాన్సిస్ హాల్జెన్‌ కు నోబెల్ బహుమతి

భౌతికశాస్త్రంలో ఈ ఏడాది నోబెల్‌ బహుమతిని రాయల్‌ స్వీడిష్‌ అకాడమీ ఆఫ్‌ సైన్సెస్ ప్రకటించింది. విస్కాన్సిన్ మాడిసన్ విశ్వవిద్యాలయానికి చెందిన ప్రముఖ భౌతికశాస్త్రవేత్త ఫ్రాన్సిస్ హాల్జెన్‌‌ను ఈ అత్యున్నత పురస్కారం వరించింది.

07-10-2026 09:59

ట్రావెల్

ట్రావెల్

రాజమహేంద్రవరంలో సెప్టెంబర్ 27న ప్రపంచ పర్యాటక దినోత్సవ వేడుకలు

ఆర్టిఫిషియల్ ఇంటెలిజెన్స్ (ఏఐ) సాంకేతికతను వినియోగించుకుని ఆంధ్రప్రదేశ్ పర్యాటక రంగంలో సరికొత్త శకానికి నాంది పలుకుతున్నామని రాష్ట్ర పర్యాటక శాఖ మంత్రి కందుల దుర్గేష్ తెలిపారు.

26-09-2026 14:38

వ్యవసాయం

వ్యవసాయం

సాంకేతిక పరిజ్ఞాన కేంద్రం ప్రారంభం

వ్యవసాయ రంగంలో అధునాతన సాంకేతిక పరిజ్ఞానాన్ని రైతులు అందిపుచ్చుకోవాలని ఆంధ్రప్రదేశ్ వ్యవసాయ శాఖ మంత్రి కె.అచ్చెన్నాయుడు అన్నారు. బాపట్లలో ఆచార్య ఎన్.జి.రంగా వ్యవసాయ విశ్వవిద్యాలయం పరిధిలో 5 కోట్లతో నిర్మించిన సాంకేతిక పరిజ్ఞాన కేంద్రాన్ని మంత్రి మంగళవారం ప్రారంభించారు. ఈసందర్భంగా ఆయన మాట్లాడుతూ, నాణ్యమైన విత్తనాల అభివృద్ధికి ఈ కేంద్రం ఉపయోగపడుతుందని తెలిపారు. కరవు మండలాల్లో రబీ పంట కాలానికి రైతులకు రాయితీ విత్తనాలు అందిస్తున్నామని మంత్రి పేర్కొన్నారు

06-10-2026 09:38

వ్యవసాయం

రైతులు ప్రకృతి వ్యవసాయాన్ని ప్రోత్సహించాలి

రైతులు ప్రకృతి వ్యవసాయాన్ని ప్రోత్సహించాల్సిన అవసరం ఉందని ఆంధ్రప్రదేశ్ ముఖ్యమంత్రి నారా చంద్రబాబు నాయుడు పేర్కొన్నారు. చిత్తూరు జిల్లా కుప్పం పర్యటనలో భాగంగా నూతన రైతు బజార్ భవన నమూనాను, వివిధ అభివృద్ధి కార్యక్రమాలకు సంబంధించిన చిత్ర ప్రదర్శనను ముఖ్యమంత్రి మంగళవారం తిలకించారు. ఈ సందర్భంగా ముఖ్యమంత్రి మాట్లాడుతూ, నదుల అనుసంధానం ద్వారా నీటి భద్రత సాధించవచ్చని అన్నారు. రైతులకు ఉపయోగపడేలా ఆధునిక పద్ధతులను అందుబాటులోకి తీసుకురావడంతో పాటు, వ్యవసాయ రంగ అభివృద్ధికి ప్రభుత్వం ప్రాధాన్యత ఇస్తుందని తెలియజేశారు.