IPL: పంజాబ్‌ కింగ్స్‌కు హార్దిక్ పాండ్యా.. ముంబై ఇండియన్స్‌కు అర్ష్‌దీప్ సింగ్

xPress24, Delhi, November 11, టాటా ఐపీఎల్ 2027 సీజన్‌కు ముందు  ఇండియన్ ప్రీమియర్ లీగ్‌లో కీలక పరిణామం చోటుచేసుకుంది. ముంబై ఇండియన్స్ కెప్టెన్ హార్దిక్ పాండ్యా, పంజాబ్ కింగ్స్ పేసర్ అర్ష్‌దీప్ సింగ్ మధ్య భారీ ప్లేయర్ ట్రేడ్ పూర్తయినట్లు ఐపీఎల్ యాజమాన్యం అధికారికంగా ప్రకటించింది. ఈ ఒప్పందంలో భాగంగా హార్దిక్ పాండ్యా పంజాబ్ కింగ్స్‌కు మారనుండగా, టీ20 అంతర్జాతీయ క్రికెట్‌లో భారత్ తరఫున అత్యధిక వికెట్లు తీసిన ఎడమచేతి వాటం పేసర్ అర్ష్‌దీప్ సింగ్ ఐదుసార్లు ఛాంపియన్ ముంబై ఇండియన్స్‌లో చేరనున్నారు. రూ. 18 కోట్లకు ఒప్పందాలు.. ముగిసిన పాండ్యా రెండో ఇన్నింగ్స్ ఈ ట్రేడ్ ద్వారా ముంబైతో హార్దిక్ పాండ్యా రెండో విడత ప్రయాణం ముగిసింది. ముంబై ఇండియన్స్ 2015, 2017, 2019, 2020లలో టైటిళ్లు గెలవడంలో కీలక పాత్ర పోషించిన పాండ్యా.. మొత్తం 162 ఐపీఎల్ మ్యాచ్‌ల్లో 146.28 స్ట్రైక్ రేట్‌తో 2,955 పరుగులు సాధించి 82 వికెట్లు పడగొట్టారు. ప్రస్తుతం ఆయన రూ.16.35 కోట్ల నుంచి రూ.18 కోట్ల ఫీజుతో పంజాబ్‌లోకి అడుగుపెడుతున్నారు. మరోవైపు 2019 నుంచి పంజాబ్ కింగ్స్‌కు ప్రాతినిధ్యం వహిస్తూ 96 మ్యాచ్‌ల్లో 111 వికెట్లతో ఆ ఫ్రాంచైజీ లీడింగ్ వికెట్ టేకర్‌గా నిలిచిన అర్ష్‌దీప్ సింగ్ రూ.18 కోట్ల ఫీజుతో ముంబై జట్టు బౌలింగ్ విభాగంలో చేరనున్నారు.