'అగ్నిపథ్' పథకంలో కేంద్రం కీలక మార్పులు.. మిగిలిన 75% అగ్నివీరులకు మరో రెండేళ్ల సర్వీస్ అవకాశం

xPress24, Delhi, November 4, సాయుధ దళాల నియామకాల కోసం ప్రవేశపెట్టిన 'అగ్నిపథ్' పథకంలో కేంద్ర ప్రభుత్వం కీలక నిర్ణయం తీసుకుంది. నాలుగేళ్ల ప్రారంభ సర్వీసును విజయవంతంగా పూర్తి చేసుకున్న అగ్నివీరులకు మరో రెండేళ్లపాటు అదనపు సర్వీస్ చేసే సరికొత్త వెసులుబాటును కేంద్ర మంత్రివర్గం ఆమోదించింది. ఈ మేరకు కేంద్ర కేబినెట్ తీసుకున్న నిర్ణయాలను చీఫ్ ఆఫ్ డిఫెన్స్ స్టాఫ్ (సీడీఎస్) జనరల్ ఎన్.ఎస్. రాజా సుబ్రమణి వెల్లడించారు. 25 శాతం రెగ్యులర్ నియామకాలు.. మిగిలిన 75 శాతానికి రెండేళ్ల పొడిగింపు ప్రస్తుత నిబంధనల ప్రకారం నాలుగేళ్ల కాలపరిమితి పూర్తయిన తర్వాత 25 శాతం మంది అగ్నివీరులను సాధారణ సైనికులుగా (రెగ్యులర్ సర్వీస్) సాయుధ దళాల్లోకి తీసుకుంటారు. అయితే, ఇప్పటివరకు రిలీవ్ కావాల్సిన మిగిలిన 75 శాతం మంది అగ్నివీరులకు ఇకపై మరో రెండేళ్లపాటు అదనంగా సర్వీస్ కొనసాగించే అవకాశాన్ని కల్పిస్తున్నట్లు సీడీఎస్ స్పష్టం చేశారు. ఈ రెండేళ్ల పొడిగింపు కాలం ముగిసిన తర్వాత కూడా, అర్హత ప్రమాణాలు, సుముఖత ఉన్న అగ్నివీరులందరికీ రెగ్యులర్ సైనికులుగా చేరేందుకు మరోసారి అవకాశం కల్పిస్తామని రాజా సుబ్రమణి తెలిపారు. నవంబర్ నాటికి మొదటి బ్యాచ్ అగ్నివీరుల నాలుగేళ్ల కాలపరిమితి పూర్తవుతున్న తరుణంలో ప్రభుత్వం ఈ నిర్ణయం తీసుకోవడం విశేషం. అదనపు వేతనం, సేవా నిధి ప్రయోజనాలు.. సైన్యానికి నిపుణుల లభ్యత రెండేళ్ల అదనపు సర్వీస్ కాలంలో అగ్నివీరుల పనితీరు, సాధించిన విజయాలు, శారీరక దృఢత్వం, క్రమశిక్షణ, సాంకేతిక నైపుణ్యాలు, సైనిక అవసరాల ఆధారంగా సమీక్ష నిర్వహిస్తారు. ఈ రెండో విడత సర్వీస్ కాలంలో అగ్నివీరులకు అధిక వేతనంతో పాటు పెరిగిన 'సేవా నిధి' ఆర్థిక ప్రయోజనాలు అందుతాయి. నాలుగేళ్ల శిక్షణతో నైపుణ్యం, అనుభవం సాధించిన మానవ వనరుల సేవలను సుదీర్ఘకాలం ఉపయోగించుకోవడానికి, అలాగే యువతకు సైన్యంలో మెరుగైన భవిష్యత్తును అందించడానికి ఈ సరికొత్త విధానం ఎంతగానో దోహదపడుతుందని సీడీఎస్ వివరించారు. బైట్స జనరల్ ఎన్.ఎస్. రాజా సుబ్రమణి, చీఫ్ ఆఫ్ డిఫెన్స్ స్టాఫ్ (CDS)