అంతర్జాతీయం
అంతర్జాతీయ క్రికెట్ మండలి తాజా వన్డే ర్యాంకింగ్స్ విడుదల
19-11-2026 09:49

అంతర్జాతీయ క్రికెట్ మండలి తాజా వన్డే ర్యాంకింగ్స్ను విడుదల చేసింది. భారత కెప్టెన్ శుభ్మన్ గిల్ 806 రేటింగ్స్తో అగ్రస్థానంలో కొనసాగుతుండగా, విరాట్ కోహ్లీ 757 రేటింగ్స్తో 3వ స్థానంలో కొనసాగుతున్నాడు. న్యూజిలాండ్తో జరిగిన సిరీస్లో విఫలమైన రోహిత్ శర్మ ఒక స్థానం కోల్పోయి ఐదో స్థానానికి పడిపోయాడు.
xPress24, Dubai, November 18,
అంతర్జాతీయ క్రికెట్ మండలి తాజా వన్డే ర్యాంకింగ్స్ను విడుదల చేసింది. భారత కెప్టెన్ శుభ్మన్ గిల్ 806 రేటింగ్స్తో అగ్రస్థానంలో కొనసాగుతుండగా, విరాట్ కోహ్లీ 757 రేటింగ్స్తో 3వ స్థానంలో కొనసాగుతున్నాడు. న్యూజిలాండ్తో జరిగిన సిరీస్లో విఫలమైన రోహిత్ శర్మ ఒక స్థానం కోల్పోయి ఐదో స్థానానికి పడిపోయాడు. అఫ్గానిస్థాన్ ఓపెనర్ రహ్మానుల్లా గుర్బాజ్ నాలుగో స్థానానికి చేరుకున్నాడు. ఇటీవల న్యూజిలాండ్తో జరిగిన వన్డే సిరీస్లో అద్భుత ప్రదర్శన కనబరిచిన భారత యువ పేసర్ అర్ష్దీప్ సింగ్ బౌలింగ్ ర్యాంకింగ్స్లో19వ
స్థానంలో నిలిచాడు.
మరోవైపు కేఎల్ రాహుల్ 11వ స్థానానికి చేరుకోగా, శ్రీలంక ఆటగాడు కుశాల్ మెండిస్ 10వ స్థానం లోకి అడుగుపెట్టాడు. న్యూజిలాండ్ ఆటగాడు డారిల్ మిచెల్ 778 రేటింగ్స్తో 2వ స్థానంలో నిలిచాడు. ఆస్ట్రేలియాతో జరిగిన రెండో వన్డేలో సెంచరీ బాదిన ఇంగ్లాండ్ బ్యాటర్ టామ్ బాంటన్ 13వ ర్యాంక్ సాధించాడు. అర్ధశతకంతో రాణించిన ఇంగ్లాండ్ సీనియర్ బ్యాటర్ జో రూట్ 9వ స్థానంలో నిలిచాడు. ఆస్ట్రేలియాతో జరిగిన రెండు మ్యాచ్లలో రెండు వికెట్లు తీసిన ఇంగ్లాండ్ పేసర్ జోఫ్రా ఆర్చర్ 7 స్థానానికి చేరాడు. న్యూజిలాండ్ పేసర్లు మాట్ హెన్రీ 12వ స్థానానికి, కైల్ జేమీసన్ 45వ స్థానానికి చేరుకున్నారు.