అనంతపురం JNTUలో రేపటి నుంచి రాష్ట్ర స్థాయి ఇన్నోవేటర్స్ కాన్‌క్లేవ్‌–2026

xPress24, Anantapur, October 23, అనంతపురం జిల్లా: వికసిత్ భారత్‌–2047 లక్ష్య సాధనలో భాగంగా అనంతపురంలోని జవహర్‌లాల్ నెహ్రూ సాంకేతిక విశ్వవిద్యాలయం (JNTUA)లో రేపటి నుంచి రెండు రోజుల పాటు రాష్ట్ర స్థాయి ఇన్నోవేటర్స్ కాన్‌క్లేవ్‌–2026 నిర్వహించనున్నట్లు విశ్వవిద్యాలయ ఉపకులపతి సుదర్శన రావు తెలిపారు. ఈ మేరకు ఆయన ఈరోజు విశ్వవిద్యాలయంలో మీడియాతో మాట్లాడుతూ, ప్రతి ఇంటి నుంచి ఒక పారిశ్రామికవేత్తను తయారు చేయాలనే లక్ష్యంతో ఈ కార్యక్రమాన్ని రూపొందించినట్లు పేర్కొన్నారు. ఈ కాన్‌క్లేవ్‌లో పలువురు ప్రముఖులు పాల్గొననున్నారని తెలిపారు. విద్యార్థులు తమ పరిశోధనలు, నూతన ఆవిష్కరణలను ఈ కార్యక్రమంలో ప్రదర్శించేందుకు అవకాశం కల్పిస్తున్నట్లు వెల్లడించారు. రాష్ట్రవ్యాప్తంగా విద్యార్థులు ఈ కార్యక్రమంలో పాల్గొని తమ ప్రతిభను చాటుకోవాలని ఉపకులపతి సుదర్శన రావు కోరారు. వాయిస్ బైట్: సుదర్శన రావు – ఉపకులపతి, JNTUA, అనంతపురం.