అర్నబ్ తుపాను సహాయక చర్యలకు ఏపీకి తెలంగాణ సాయం.. భట్టి విక్రమార్క హామీ

అర్నబ్‌ తుపాను ప్రభావం, విద్యుత్‌ సరఫరా పునరుద్ధరణ చర్యలపై తెలంగాణ విద్యుత్‌ శాఖ మంత్రి భట్టి విక్రమార్క ఏపీ మంత్రి గొట్టిపాటి రవికుమార్‌కు ఫోన్‌ చేసి ఆరా తీశారు. ఆంద్రప్రదేశ్ ముఖ్యమంత్రి చంద్రబాబు నాయకత్వంలో చేపడుతున్న నష్ట నివారణ చర్యలు, క్షేత్రస్థాయి పరిస్థితులను గొట్టిపాటి వివరించారు. ఏపీకి పూర్తి సహకారం అందిస్తామని, విద్యుత్‌ పునరుద్ధరణ పనులకు అవసరమైన సిబ్బందిని, సామగ్రిని పంపేందుకు తెలంగాణ ప్రభుత్వం సిద్ధంగా ఉందని భట్టి విక్రమార్క భరోసా ఇచ్చారు. కష్టకాలంలో అండగా నిలిచిన తెలంగాణ ప్రభుత్వానికి గొట్టిపాటి కృతజ్ఞతలు తెలిపారు.