అల్లూరి సీతారామరాజు జిల్లాలో పేలుడు

xPress24, ANATHAGIRI, October 24, అల్లూరి సీతారామరాజు జిల్లాలో మైనింగ్‌ ప్రాంతంలో ఈరోజు అగ్ని ప్రమాదం సంభవించింది. అనంతగిరి మండలం పినకోట  గ్రామం వద్ద ఓ వాహనంలో డీజిల్ పోస్తుండగా అకస్మాత్తుగా మంటలు చెలరేగి సమీపంలో ఉన్న టిప్పర్ లారీ, ద్విచక్ర వాహనానికి వ్యాపించడంతో మూడు వాహనాలు పూర్తిగా దగ్ధమయ్యాయని అధికారులు తెలిపారు.  ఈ  ఘటనలో పలువురు మృతి చెందగా, మరి కొందరికి గాయాలైనట్లు వెల్లడించారు. ఈ ఘటనపై రాష్ట్ర ఉపముఖ్యమంత్రి కే.పవన్ కల్యాణ్ విచారం వ్యక్తం చేశారు. జిల్లా కలెక్టర్ తో ఫోన్‍లో మాట్లాడిన ప్రమాద వివరాలను అడిగి తెలుసుకున్నారు. ఈ ప్రమాదానికి గల కారణాలపై పూర్తి స్థాయి విచారణ జరపాలని కలెక్టర్ ను ఆదేశించారు.