అవినీతి రహిత సమాజ నిర్మాణానికి ప్రతి ఒక్కరూ కృషి చేయాలి

xPress24, Amaravathi, October 31, అవినీతి రహిత సమాజ నిర్మాణానికి ప్రతి ఒక్కరూ కృషి చేయాలని ఆంధ్రప్రదేశ్ లోని విజయవాడ రైల్వే డివిజన్‌ అదనపు డివిజనల్‌ రైల్వే మేనేజర్‌ పి.ఇ ఎడ్విన్‌ పిలుపునిచ్చారు. విజిలెన్స్‌ అవగాహన వారోత్సవాల్లో భాగంగా కేంద్ర దర్యాప్తు సంస్థ (సీబీఐ) అమరావతి విభాగం ఆధ్వర్యంలో అమరావతిలోని సీజీసీ సముదాయంలో ప్రత్యేక అవగాహన కార్యక్రమాన్ని నిన్న నిర్వహించారు. ‘సంపద సృష్టికి నిజాయతీ’ అనే జాతీయ నినాదంతో నిర్వహించిన ఈ కార్యక్రమంలో కేంద్ర ప్రభుత్వ ఉన్నతాధికారులు, పాఠశాల విద్యార్థులు పాల్గొన్నారు. ఈ సందర్భంగా పి.ఇ ఎడ్విన్ మాట్లాడుతూ.. ప్రభుత్వ ఉద్యోగులు తమ విధులను నైతిక విలువలకు కట్టుబడి నిర్వహించాలని, యువత చిన్ననాటి నుంచే నిజాయతీని జీవితంలో భాగం చేసుకోవాలని సూచించారు.