ఆర్‌ అండ్‌ బీ పనుల పురోగతి, ఇండియన్‌ రోడ్‌ కాంగ్రెస్‌ ఏర్పాట్లపై మంత్రి కోమటిరెడ్డి సమీక్ష

రోడ్లు, భవనాల శాఖ ఆధ్వర్యంలో జరుగుతున్న పలు పనుల పురోగతిపై మంత్రి కోమటిరెడ్డి వెంకట్‌రెడ్డి హైదరాబాద్ సచివాలయంలో సమీక్ష నిర్వహిస్తున్నారు. ఈ నెల 19 నుంచి 22వ తేదీ వరకు జరిగే ఇండియన్ రోడ్ కాంగ్రెస్ ఏర్పాట్లపైనా సమావేశంలో చర్చించారు. ఆర్ అండ్ బి కార్యదర్శి ఇలంబర్తి, ప్రత్యేక కార్యదర్శి గంగాధర్, కేంద్ర రోడ్డు రవాణా, జాతీయ రహదారుల మంత్రిత్వ శాఖ ప్రాంతీయ అధికారి కృష్ణప్రసాద్, జాతీయ రహదారుల ప్రాధికార సంస్థ ప్రాంతీయ అధికారి శివశంకర్, శాఖ చీఫ్ ఇంజినీర్లు, ఇతర ఇంజినీర్లు ఇందులో పాల్గొన్నారు.