ఇండి కూటమి చేపట్టిన నిరసనల్లో పాల్గొనండి.. షాపింగ్ కూడా చేయండి: రాహుల్ గాంధీ

xPress24, Delhi, November 1, ఓటర్ల ప్రత్యేక సమగ్ర సవరణ ప్రక్రియకు వ్యతిరేకంగా దేశ రాజధాని దిల్లీ రాంలీలా మైదానంలో ఇండి కూటమి చేపట్టిన భారీ ర్యాలీకి హాజరవుతున్న కార్యకర్తలు, ప్రజలను ఉద్దేశించి కాంగ్రెస్ అగ్రనేత, ఎంపీ రాహుల్ గాంధీ కీలక వ్యాఖ్యలు చేశారు. నిరసనలో పాల్గొంటూనే స్థానిక చిన్న వ్యాపారులకు చేయూతనిచ్చేందుకు షాపింగ్ కూడా చేయాలని రాహుల్ గాంధీ ఎక్స్ వేదికగా పిలుపునిచ్చారు. చిన్న వ్యాపారులను ఆదుకోవాలి దీపావళి, ఛట్ పూజ, భాయ్ దూజ్ పండుగల సమయంలో ఈ ర్యాలీ వల్ల స్థానిక వ్యాపారాలు దెబ్బతింటాయంటూ బీజేపీ అసత్య ప్రచారాలు చేస్తోందని రాహుల్ గాంధీ ఆరోపించారు. రాంలీలా మార్చ్ కోసం దేశవ్యాప్తంగా లక్షలాది మంది ప్రజలు దిల్లీకి తరలివస్తున్నారని తెలిపారు. బీజేపీ చేస్తున్న దుష్ప్రచారాన్ని తిప్పికొట్టేలా నిరసనకారులు స్థానిక మార్కెట్లు, చిన్న దుకాణాల్లో వస్తువులను కొనుగోలు చేసి చిరు వ్యాపారులకు అండగా నిలవాలని కోరారు. ప్రజాస్వామ్య హక్కుల పరిరక్షణ కోసం మార్చ్ చేస్తూనే, ఆర్థికంగా చిన్న వ్యాపారులకు తోడ్పడాలని స్పష్టం చేశారు. బైట్ రాహుల్ గాంధీ, ఎంపీ