ఈవీఎం గోదామును తనిఖీ చేసిన జిల్లా కలెక్టర్ డీకే బాలాజీ

xPress24, Machilipatnam, November 10, మచిలీపట్నం, నవంబర్ 10: కృష్ణా జిల్లా కలెక్టరేట్ ఆవరణలోని ఈవీఎంల భద్రపరిచే గోదామును జిల్లా ఎన్నికల అధికారి, జిల్లా కలెక్టర్ డీకే బాలాజీ మంగళవారం తనిఖీ చేశారు. ఎన్నికల సంఘం నిబంధనల ప్రకారం నిర్వహించిన ఈ తనిఖీల్లో భాగంగా ఈవీఎంలు భద్రపరిచిన గోదాము, వాటికి వేసిన సీల్స్, భద్రతా ఏర్పాట్లు, సీసీ కెమెరాల పనితీరును కలెక్టర్ పరిశీలించారు. అనంతరం తనిఖీలకు సంబంధించిన రిజిస్టర్‌లో సంతకం చేశారు. గోదాము వద్ద విధులు నిర్వహిస్తున్న భద్రతా సిబ్బంది నిరంతరం అప్రమత్తంగా ఉండాలని, భద్రతా విధుల్లో ఎలాంటి నిర్లక్ష్యం వహించరాదని ఆదేశించారు.