ఈసీపై అభిశంసన తీర్మానం వస్తే నిబంధనల ప్రకారమే పరిశీలిస్తాం: ఓం బిర్లా

xPress24, Delhi, October 23, ప్రధాన ఎన్నికల కమిషనర్ జ్ఞానేశ్‌కుమార్‌పై ప్రతిపక్షాలు కొత్తగా అభిశంసన తీర్మానం ప్రవేశపెడితే సభా నిబంధనల ప్రకారమే పరిశీలిస్తామని లోక్‌సభ స్పీకర్ ఓం బిర్లా తెలిపారు. సుప్రీంకోర్టు న్యాయమూర్తి అభిశంసనకు పాటించే ప్రక్రియనే దీనికి కూడా అనుసరించాల్సి ఉంటుందని స్పష్టం చేశారు. ప్రజాస్వామ్యంలో తమ అభిప్రాయాలను వెల్లడించే హక్కు ప్రతి ఒక్కరికీ ఉంటుందని ఆయన పేర్కొన్నారు. పిటిషన్లపై ఇంకా నిర్ణయం తీసుకోలేదు ఎన్‌సీపీఐలో చేరిన తమ పార్టీ ఎంపీలను అనర్హులుగా ప్రకటించాలని కోరుతూ తృణమూల్ కాంగ్రెస్ దాఖలు చేసిన అనర్హత పిటిషన్లపై ఇంకా ఎలాంటి నిర్ణయం తీసుకోలేదని స్పీకర్ వెల్లడించారు. పార్లమెంట్ ప్రత్యేక సమావేశాలపై స్పందన నియోజకవర్గాల పునర్విభజన బిల్లు కోసం ఈ నెలాఖరులో పార్లమెంటు ప్రత్యేక సమావేశాలు ఏర్పాటు చేయబోతున్నట్లు వస్తున్న వార్తలపై ఓం బిర్లా స్పందించారు. ఆ విషయమై ఇప్పుడే ఏమీ చెప్పలేమని ఆయన స్పష్టం చేశారు.