ఉత్తరాఖండ్ ప్రజలకు ప్రధాని మోదీ అవతరణ దినోత్సవ శుభాకాంక్షలు

xPress24, Delhi, November 9, ఉత్తరాఖండ్ రాష్ట్ర అవతరణ దినోత్సవం సందర్భంగా ఆ రాష్ట్ర ప్రజలకు ప్రధానమంత్రి నరేంద్ర మోదీ శుభాకాంక్షలు తెలిపారు. ఆధ్యాత్మిక చైతన్యం, ప్రకృతి సౌందర్యంతో విలసిల్లే పుణ్యభూమిగా ఉత్తరాఖండ్‌ను ప్రధాని అభివర్ణించారు. పర్వత శ్రేణులు, పవిత్ర నదులు, చార్ ధామ్ పుణ్యక్షేత్రాలతో కూడిన ఈ రాష్ట్రానికి విశిష్టమైన సాంస్కృతిక వారసత్వం ఉందని పేర్కొన్నారు. అన్ని రంగాల్లో ప్రగతి.. ప్రజల శ్రమకు ప్రశంసలు ప్రతిభావంతులు, కష్టజీవులైన ప్రజల భాగస్వామ్యంతో ఉత్తరాఖండ్ అన్ని రంగాల్లో సరికొత్త అభివృద్ధి శిఖరాలను అధిరోహిస్తోందని ప్రధాని మోదీ తెలిపారు. సహజ వనరులు, సాంస్కృతిక వైభవంతో అలరారుతున్న ఈ రాష్ట్రం మున్ముందు మరింత వేగంగా అభివృద్ధి పథంలో దూసుకుపోతుందనే విశ్వాసాన్ని వ్యక్తం చేశారు. రాష్ట్ర అవతరణ దినోత్సవం ప్రజలందరి జీవితాల్లో సుఖసంతోషాలు, శాంతి, శ్రేయస్సు నింపాలని ప్రార్థిస్తున్నట్లు ఎక్స్ వేదికగా పేర్కొన్నారు.