ఎంపీ ఈటెల పాదయాత్రకు ప్రజలు పెద్ద ఎత్తున తరలివస్తున్నారు: ఈటెల క్షమిత

xPress24, Cherala Bandlaguda, October 31, జవహర్ నగర్ డంపింగ్ యార్డ్ తరలింపు డిమాండ్‌తో ఈటెల రాజేందర్ చేపట్టిన పాదయాత్ర చివరి దశకు చేరుకుంది. నాలుగో రోజు పాదయాత్రలో భాగంగా చీర్యాల లక్ష్మీనరసింహస్వామి ఆలయంలో ఎంపీ ఈటెల రాజేందర్ ప్రత్యేక పూజలు నిర్వహించారు. ఈ పాదయాత్రలో ఆయన కుటుంబ సభ్యులతో పాటు కోడలు ఈటెల క్షమిత కూడా పాల్గొని ప్రజలతో కలిసి అడుగులు వేశారు. ఈ సందర్భంగా ఈటెల క్షమిత మాట్లాడుతూ.. జవహర్ నగర్ డంపింగ్ యార్డ్ కారణంగా పరిసర ప్రాంతాల్లో నివసిస్తున్న లక్షలాది మంది ప్రజలు తీవ్ర ఇబ్బందులు ఎదుర్కొంటున్నారని తెలిపారు. డంపింగ్ యార్డ్‌ను తరలించాలనే లక్ష్యంతోనే ఎంపీ ఈటెల రాజేందర్ పాదయాత్ర చేపట్టారని పేర్కొన్నారు. పాదయాత్రకు ప్రజల నుంచి విశేష స్పందన లభిస్తోందని, ముఖ్యంగా వేలాదిమంది మహిళలు తమతో కలిసి అడుగులో అడుగు వేస్తూ పాదయాత్రలో పాల్గొంటున్నారని తెలిపారు. డంపింగ్ యార్డ్ కారణంగా ఈ ప్రాంతమంతా కాలుష్య సమస్యను ఎదుర్కొంటోందని, ఈ సమస్య పరిష్కారం కోసం ప్రజలు పెద్ద సంఖ్యలో పాదయాత్రకు తరలివస్తున్నారని అన్నారు. డంపింగ్ యార్డ్ తరలింపు కోసం తమకు ఒక నాయకుడు అండగా నిలిచారనే నమ్మకంతో ప్రజలు పాదయాత్రలో స్వచ్ఛందంగా పాల్గొంటున్నారని క్షమిత తెలిపారు. మహిళల భారీ భాగస్వామ్యమే పాదయాత్రకు లభిస్తున్న ప్రజా స్పందనకు నిదర్శనమని ఆమె పేర్కొన్నారు. బైట్: ఈటెల క్షమిత, బీజేపీ నేత