ఎంపీటీసీ, జడ్పీటీసీ ఎన్నికల పోలింగ్ వాయిదా

xPress24, Buttayagudem, November 5, వర్షాలు, ప్రతికూల వాతావరణ పరిస్థితుల కారణంగా ఆంధ్రప్రదేశ్ లోని  ఏలూరు, తూర్పుగోదావరి జిల్లాల్లోని కొన్ని మండలాల్లో  ఎంపీటీసీ, జడ్పీటీసీ ఎన్నికల పోలింగ్‌ను రాష్ట్ర ఎన్నికల సంఘం వాయిదా వేసింది. ఏలూరు జిల్లాలోని వేలేరుపాడు, బుట్టాయగూడెం, జీలుగుమిల్లి, పోలవరం మండలాలతో పాటు తూర్పుగోదావరి జిల్లాలోని గోపాలపురం మండలంలో పూర్తిగా పోలింగ్ వాయిదా వేస్తున్నట్లు రాష్ట్ర ఎన్నికల కమిషనర్ పునేఠా వెల్లడించారు. రెండు జిల్లాల కలెక్టర్ల విజ్ఞప్తుల మేరకు క్షేత్రస్థాయి పరిస్థితులను పరిశీలించి ఈ నిర్ణయం తీసుకున్నట్లు ఆయన తెలిపారు. గురువారం   జరగాల్సిన పోలింగ్‌ను శుక్రవారం  నిర్వహించనున్నారు. శనివారం ఓట్ల లెక్కింపు చేపట్టనున్నారు.ఈ  మండలాలు  మినహా  ఆయా జిల్లాలలోని మిగిలిన ప్రాంతాల్లో ఈరోజు యథావిధిగా పోలింగ్ కొనసాగుతుందని ఎన్నికల సంఘం తెలిపింది.