ఆంధ్రప్రదేశ్
ఎరువుల విక్రయాలు, పంపిణీలో పారదర్శకత పాటించాలి: జాయింట్ కలెక్టర్ వైశాలి ఆర్.
20-11-2026 10:00

ఎరువుల విక్రయాలు, పంపిణీ ప్రక్రియలో పూర్తి పారదర్శకత పాటించాలని జిల్లా సంయుక్త కలెక్టర్ వైశాలి ఆర్. అధికారులను ఆదేశించారు.
xPress24, Paravathipuram, November 19,
పార్వతీపురం మన్యం జిల్లా, నవంబర్ 19: ఎరువుల విక్రయాలు, పంపిణీ ప్రక్రియలో పూర్తి పారదర్శకత పాటించాలని జిల్లా సంయుక్త కలెక్టర్ వైశాలి ఆర్. అధికారులను ఆదేశించారు. గరుగుబిల్లి మండలం ఖడ్గవలస గ్రామంలోని గ్రోమోర్ ఎరువుల దుకాణాన్ని గురువారం ఆమె తనిఖీ చేశారు. ఈ సందర్భంగా ఎఫ్ఎఫ్ఎస్ యాప్ ద్వారా ఎరువుల విక్రయాలు చేపడుతున్న విధానాన్ని పరిశీలించారు. యాప్లో రైతుల వివరాల నమోదు, ఎరువుల కొనుగోలు, పంపిణీ ప్రక్రియను క్షేత్రస్థాయిలో సమీక్షించారు.
డిజిటల్ విధానంలో ఎరువుల విక్రయాలు సక్రమంగా జరిగేలా చర్యలు తీసుకోవాలని అధికారులకు సూచించారు. రైతులకు అవసరమైన ఎరువులను సకాలంలో అందుబాటులో ఉంచడంతోపాటు, పంపిణీ ప్రక్రియలో ఎలాంటి అవకతవకలకు తావులేకుండా పారదర్శకత పాటించాలని స్పష్టం చేశారు. ఎఫ్ఎఫ్ఎస్ యాప్ వినియోగంలో రైతులకు ఎలాంటి ఇబ్బందులు కలగకుండా అవసరమైన సహకారం అందించాలని దుకాణ సిబ్బందిని ఆదేశించారు.