తెలంగాణ
ఎల్-నినో ప్రభావంపై ఆదిలాబాద్‌లో విద్యార్థుల అవగాహన ర్యాలీ
06-11-2026 14:27
ఆదిలాబాద్ శాంతి నగర్ నుంచి వినాయక్ చౌక్ వరకు విద్యార్థులు ఎల్-నినో ప్రభావం, నీటి సంరక్షణపై అవగాహన ర్యాలీ నిర్వహించారు. ప్లకార్డులు ప్రదర్శిస్తూ, కరపత్రాలు పంచుతూ ప్రజలకు అవగాహన కల్పించారు. వినాయక్ చౌక్ వద్ద ప్రదర్శించిన వీధి నాటిక ఆకట్టుకుంది. భూగర్భ జలాల పెంపునకు ఇంకుడు గుంతలు ఏర్పాటు చేసుకోవాలని ఉపాధ్యాయులు పిలుపునిచ్చారు.
xPress24, Adilabad, November 6,
ఎల్-నినో ప్రభావం, నీటి పొదుపు ఆవశ్యకతపై ఆదిలాబాద్ జిల్లా కేంద్రంలో విద్యార్థులు అవగాహన ర్యాలీ నిర్వహించారు. పట్టణంలోని శాంతి నగర్ కాలనీ నుంచి వినాయక్ చౌక్ వరకు ప్రధాన వీధుల గుండా ఈ ప్రదర్శన సాగింది. విద్యార్థులు ప్లకార్డులు చేతబూని నీటి సంరక్షణపై నినాదాలు చేస్తూ ముందుకు సాగారు. కాలనీల్లో ఇంటింటికీ వెళ్లి కరపత్రాలు పంపిణీ చేస్తూ ప్రజలకు వర్షాభావ పరిస్థితులపై అవగాహన కల్పించారు.
వినాయక్ చౌక్ వద్ద ఆకట్టుకున్న వీధి నాటిక
ర్యాలీ అనంతరం వినాయక్ చౌక్ కూడలిలో విద్యార్థులు ప్రదర్శించిన వీధి నాటిక ఆలోచింపజేసింది. ఎల్-నినో ప్రభావం వల్ల భూగర్భ జలాలు అడుగంటిపోయే తీరు, రాబోయే నీటి ఎద్దడి, వాటిని ఎదుర్కొనే పద్ధతులను నాటిక రూపంలో కళ్లకు కట్టారు. భవిష్యత్తు తరాల కోసం ప్రతి నీటిబొట్టునూ పొదుపు చేయాల్సిన బాధ్యత అందరిపై ఉందని ఉపాధ్యాయుడు వేదవ్యాస్ పేర్కొన్నారు. వృథాను అరికట్టడంతో పాటు వర్షపు నీటిని ఒడిసిపట్టేందుకు ప్రతి ఇంటి ఆవరణలో ఇంకుడు గుంతలను నిర్మించుకోవాలని సూచించారు.
బైట్స్
వేదవ్యాస్, ఉపాధ్యాయుడు