ఎల్‌నినో, వర్షాభావంపై ముందస్తు చర్యలు.. అఖిలపక్ష సహకారానికి భట్టి విక్రమార్క పిలుపు

రాష్ట్రంలో ఎల్‌నినో ముప్పు, వర్షాభావ పరిస్థితులను ఎదుర్కొనేందుకు ప్రభుత్వం అన్ని ముందస్తు చర్యలు తీసుకుంటోందని ఉప ముఖ్యమంత్రి భట్టి విక్రమార్క తెలిపారు. సచివాలయంలో ఆయన అధ్యక్షతన జరిగిన అఖిలపక్ష సమావేశంలో తాగు, సాగునీరు, విద్యుత్ సరఫరాపై చర్చించి నేతల సలహాలు స్వీకరించారు. కరువు పరిస్థితులపై ఇప్పటికే కేంద్రానికి నివేదిక పంపామని, అవసరమైతే అఖిలపక్షంతో కలిసి ఢిల్లీకి వెళ్లి కేంద్ర సాయం కోరుతామని చెప్పారు. రాజకీయాలకు అతీతంగా అందరూ కలిసికట్టుగా ప్రజా ప్రయోజనాల కోసం సహకరించాలని పిలుపునిచ్చారు.