ఏలూరు జిల్లాలో ఘనంగా పోలీసు అమరవీరుల స్మృతి దినోత్సవం

xPress24, Eluru, October 21, ఏలూరు, అక్టోబర్ 21: ఏలూరు జిల్లా పోలీసు ప్రధాన కార్యాలయం వద్ద పోలీసు అమరవీరుల స్మృతి దినోత్సవం–2026 కార్యక్రమాన్ని ఘనంగా నిర్వహించారు. ఈ సందర్భంగా విధి నిర్వహణలో ప్రాణాలర్పించిన పోలీసు అమరవీరుల త్యాగాలను అతిథులు స్మరించుకుని ఘనంగా నివాళులర్పించారు. దేశవ్యాప్తంగా విధి నిర్వహణలో ప్రాణాలు కోల్పోయిన 154 మంది పోలీసు అమరవీరులకు ఈ కార్యక్రమంలో నివాళులర్పించారు. అమరవీరుల కుటుంబాలకు అన్ని విధాలా అండగా నిలిచి, అవసరమైన సహాయ సహకారాలు అందిస్తామని అధికారులు తెలిపారు. దేశ భద్రత, ప్రజల రక్షణ కోసం ప్రాణత్యాగం చేసిన పోలీసుల సేవలు చిరస్మరణీయమని పేర్కొన్నారు.