కాంగ్రెస్‌లో మహిళలకు ప్రాతినిధ్యం లేదు: ఎన్. రామచందర్ రావు

xPress24, Hyderabad, October 21, కాంగ్రెస్ పార్టీలో మహిళలకు సరైన ప్రాతినిధ్యం లేదని బీజేపీ రాష్ట్ర అధ్యక్షుడు ఎన్. రామచందర్ రావు విమర్శించారు. హైదరాబాద్‌లో నిర్వహించిన విలేకరుల సమావేశంలో ఆయన మాట్లాడారు. కాంగ్రెస్ పాలిత రాష్ట్రాల్లో ఎంతమంది మహిళా ముఖ్యమంత్రులు ఉన్నారో ఆ పార్టీ నేతలు సమాధానం చెప్పాలని డిమాండ్ చేశారు. దిల్లీ రాజధానిలో తమ పార్టీ మహిళను ముఖ్యమంత్రిని చేసిందని గుర్తుచేశారు. కాంగ్రెస్ పార్టీది ద్వంద్వ వైఖరి మహిళా రిజర్వేషన్ బిల్లును వ్యతిరేకిస్తున్న కాంగ్రెస్ పార్టీది ద్వంద్వ వైఖరి అని రామచందర్ రావు పేర్కొన్నారు. కాంగ్రెస్ పాలనలో మహిళల సంక్షేమం కేవలం నినాదాలకే పరిమితమైందని ఆరోపించారు. ఆచరణలో ఆ పార్టీ మహిళా వ్యతిరేక విధానాలను అవలంబిస్తోందని విమర్శించారు. రాహుల్ గాంధీ వ్యాఖ్యలపై విమర్శలు ఏఐసీసీ నేత రాహుల్ గాంధీ చేసే ప్రకటనలు కేవలం రాజకీయ లబ్ధికే తప్ప ఆచరణలో మహిళలకు న్యాయం చేసేలా లేవని రామచందర్ రావు అభిప్రాయపడ్డారు. మహిళా సాధికారతపై మాట్లాడే హక్కు కాంగ్రెస్ నేతలకు లేదని అన్నారు. బైట్ - ఎన్. రామచందర్ రావు, బీజేపీ రాష్ట్ర అధ్యక్షుడు