క్యాన్సర్‌ మందుల ధరల ప్రయోజనం అందేలా చర్యలు

xPress24, Amaravati, November 11, కేంద్ర ప్రభుత్వం తగ్గించిన క్యాన్సర్‌ మందుల ధరల ప్రయోజనం ప్రతి రోగికీ అందేలా చర్యలు తీసుకోవాలని ఆంధ్రప్రదేశ్ వైద్య, ఆరోగ్య శాఖ మంత్రి సత్యకుమార్‌ యాదవ్‌ అధికారులను ఆదేశించారు. దేశవ్యాప్తంగా 1,364 క్యాన్సర్‌ నిరోధక ఔషధాల ధరలను కేంద్ర ప్రభుత్వం తగ్గించిన నేపథ్యంలో రాష్ట్రంలో అమలు చేయాల్సిన చర్యలపై  అధికారులతో మంత్రి మంగళవారం  సమీక్ష నిర్వహించారు.ఈ సందర్భంగా మంత్రి మాట్లాడుతూ, క్యాన్సర్‌ చికిత్స అందించే ఆసుపత్రుల్లో తగ్గించిన ధరల మందులు అందుబాటులో ఉండేలా చూడాలని, ప్రతి ఔషధానికి కనీసం ఒక కంపెనీ మందు నిల్వ ఉండేలా చర్యలు తీసుకోవాలని సూచించారు. మందుల ధరల సవరించిన జాబితాలను ఆసుపత్రులు, ఔషధ విక్రయ కేంద్రాల్లో ప్రదర్శించాలని ఆదేశించారు.