కరువు ప్రభావిత మండలాల్లో అర్హులైన రైతులకు రుణ ఉపశమనం కల్పించాలి: డీఆర్ఓ మాలతి

మేడ్చల్‌–మల్కాజిగిరి జిల్లాలోని కరువు ప్రభావిత తొమ్మిది మండలాల్లో అర్హులైన రైతులకు రుణ ఉపశమన ప్రక్రియను సకాలంలో అమలు చేయాలని జిల్లా రెవెన్యూ అధికారి ఎస్. మాలతి బ్యాంకర్లను ఆదేశించారు. బ్యాంకర్లు స్వయంగా అర్హులైన రైతులను గుర్తించి చర్యలు తీసుకోవాలని సూచించారు. ఘట్కేసర్‌, మేడ్చల్‌, బాచుపల్లి మండలాల్లో రుణ చెల్లింపు గడువును గరిష్ఠంగా 60 నెలలు, అల్వాల్‌, మల్కాజిగిరి, కాప్రా, కీసర, మేడిపల్లి, కుత్బుల్లాపూర్‌ మండలాల్లో 36 నెలల వరకు పొడిగించే అవకాశం ఉందని తెలిపారు. ఇది రుణమాఫీ ప్రక్రియ కాదని, ఆర్బీఐ మార్గదర్శకాల ప్రకారం కల్పించే ఉపశమన చర్యలని ఆమె స్పష్టం చేశారు.