కరవు పరిస్థితులను ఎదుర్కొనేందుకు చర్యలు

xPress24, Hyderabad, October 29, ఎల్‌నినో ప్రభావంతో తెలంగాణలో ఏర్పడిన వర్షాభావ, కరవు పరిస్థితులను ఎదుర్కొనేందుకు ప్రభుత్వం  చర్యలు తీసుకుంటోందని ఉప ముఖ్యమంత్రి మల్లు భట్టి విక్రమార్క తెలిపారు.వర్షాభావ పరిస్థితులను ఎదుర్కొనేందుకు తీసుకోవాల్సిన చర్యలపై  హైదరాబాద్‌లోని రాష్ట్ర సచివాలయంలో ఉపముఖ్యమంత్రి  అధ్యక్షతన అఖిలపక్ష సమావేశం బుధవారం  జరిగింది. ఈ సమావేశంలో రాష్ట్ర మంత్రులతో పాటు  వివిధ రాజకీయ పార్టీల ప్రతినిధులు పాల్గొన్నారు. ఈ సందర్భంగా భట్టి విక్రమార్క మాట్లాడుతూ, కరవు పరిస్థితులపై ఇప్పటికే కేంద్ర ప్రభుత్వానికి నివేదిక పంపించామని, అవసరమైతే అఖిలపక్ష ప్రతినిధులతో కలిసి ఢిల్లీకి వెళ్లి  తెలంగాణకు  అవసరమైన సహాయం కోరుతామని వెల్లడించారు.రాష్ట్రంలో కరవు పరిస్థితులను సమర్థంగా ఎదుర్కొనేందుకు అన్ని పార్టీల సూచనలను పరిగణనలోకి తీసుకొని సమష్టి కార్యాచరణ రూపొందిస్తామని ఉప ముఖ్యమంత్రి తెలిపారు.