కోహెడ ఫ్రూట్ మార్కెట్ పనులపై మంత్రి తుమ్మల నాగేశ్వరరావు సమీక్ష

xPress24, Hyderabad, November 12, హైదరాబాద్ నగర శివారులోని కోహెడలో నిర్మిస్తున్న అంతర్జాతీయ స్థాయి ఫ్రూట్ మార్కెట్ పనుల పురోగతిపై రాష్ట్ర వ్యవసాయ, మార్కెటింగ్, సహకార, చేనేత శాఖ మంత్రి తుమ్మల నాగేశ్వరరావు గురువారం సచివాలయంలో ఉన్నతస్థాయి సమీక్ష నిర్వహించారు. మార్కెట్ నిర్మాణ పనుల ప్రస్తుత స్థితిగతులు, ఇప్పటివరకు రూపొందించిన లేఔట్ వివరాలు, తదుపరి చేపట్టాల్సిన కార్యాచరణ ప్రణాళికపై సంబంధిత అధికారులతో మంత్రి సమగ్రంగా చర్చించారు. శాఖల మధ్య సమన్వయంతో పనుల పర్యవేక్షణ మార్కెట్ నిర్మాణానికి సంబంధించిన అన్ని పనులను వివిధ శాఖల సమన్వయంతో వేగంగా ముందుకు తీసుకెళ్లాలని మంత్రి అధికారులకు దిశానిర్దేశం చేశారు. నిర్దేశించుకున్న లక్ష్యాలకు అనుగుణంగా నిర్మాణ పనుల పురోగతిని ఎప్పటికప్పుడు క్షేత్రస్థాయిలో పర్యవేక్షించాలని స్పష్టం చేశారు. ఈ సమావేశంలో వ్యవసాయ శాఖ ముఖ్య సలహాదారు, ప్రభుత్వ కార్యదర్శి (ఏ అండ్ సీ), మార్కెటింగ్ డైరెక్టర్, హైదరాబాద్ గ్రోత్ కారిడార్ ఎండీ, ఇతర ఉన్నతాధికారులు పాల్గొన్నారు.