జాతీయం
ఖలిస్తాన్ ఉగ్రవాద మద్దతుదారు సురీందర్ సింగ్ను అరెస్ట్ చేసిన ఎన్ఐఏ
19-11-2026 09:49

నిషేధిత ఖలిస్తాన్ జిందాబాద్ ఫోర్స్ ఉగ్రవాద సంస్థ మద్ధతుదారు సురీందర్ సింగ్ అలియాస్ థిక్రివాల్ను జాతీయ దర్యాప్తు సంస్థ అధికారులు అరెస్ట్ చేశారు. అమెరికా నుంచి బహిష్కరణకు గురై భారత్కు తిరిగి వచ్చిన సురీందర్ సింగ్ ఢిల్లీలోని అంతర్జాతీయ విమానాశ్రయంలో అదుపులోకి తీసుకున్నారు.
xPress24, Delhi, November 18,
నిషేధిత ఖలిస్తాన్ జిందాబాద్ ఫోర్స్ ఉగ్రవాద సంస్థ మద్ధతుదారు సురీందర్ సింగ్ అలియాస్ థిక్రివాల్ను జాతీయ దర్యాప్తు సంస్థ అధికారులు అరెస్ట్ చేశారు. అమెరికా నుంచి బహిష్కరణకు గురై భారత్కు తిరిగి వచ్చిన సురీందర్ సింగ్ ఢిల్లీలోని అంతర్జాతీయ విమానాశ్రయంలో అదుపులోకి తీసుకున్నారు. దేశంలో ఉగ్రవాద కార్యకలాపాలకు పాల్పడటంతో పాటు విదేశాల్లో ఉంటూ దేశ వ్యతిరేక శక్తులకు సహకరిస్తున్న పలు తీవ్రమైన కేసుల్లో సురీందర్ సింగ్ నిందితుడిగా ఉన్నాడు.
అమెరికాలో తలదాచుకుంటున్న థిక్రివాల్ కదలికలపై భారతీయ దర్యాప్తు సంస్థలు నిఘా పెట్టి, ఆ దేశ ప్రభుత్వంతో జరిపిన సమన్వయ చర్చల ఫలితంగా భారత్కు రప్పించాయి. విమానాశ్రయంలో అరెస్ట్ చేసిన థిక్రివాల్ను ప్రత్యేక కోర్టులో హాజరుపరిచి కస్టడీలోకి తీసుకోనున్నారు. ఉగ్రవాద నెట్వర్క్, విదేశీ నిధులు, స్లీపర్ సెల్స్ వివరాలను రాబట్టేందుకు NIA అధికారులు లోతుగా విచారించనున్నారు.