గుంటూరు జిల్లా యంత్రాంగం అప్రమత్తం.. 83 పునరావాస శిబిరాలు ఏర్పాటు

xPress24, Guntur, November 2, గుంటూరు, నవంబర్ 2: మురసు తుపాను ఈ రోజు రాత్రికి కావలి–ఒంగోలు మధ్య తీరం దాటే అవకాశం ఉందన్న అంచనాల నేపథ్యంలో గుంటూరు జిల్లా యంత్రాంగం అప్రమత్తమైంది. ఈ మేరకు జిల్లా కలెక్టర్ సాయికాంత్ వర్మ తుపాను పరిస్థితులపై విలేకరుల సమావేశం నిర్వహించారు. ఈ సందర్భంగా కలెక్టర్ మాట్లాడుతూ.. గుంటూరు జిల్లా వ్యాప్తంగా ఈ రోజు, రేపు భారీ వర్షాలు కురిసే అవకాశం ఉందని, గంటకు 55 కిలోమీటర్ల వేగంతో ఈదురుగాలులు వీచే అవకాశం ఉందని తెలిపారు. ప్రజలు అప్రమత్తంగా ఉండాలని, అత్యవసరమైతే తప్ప బయటకు రావద్దని సూచించారు. తుపాను ప్రభావాన్ని దృష్టిలో ఉంచుకుని జిల్లా వ్యాప్తంగా 83 పునరావాస శిబిరాలను ఏర్పాటు చేసినట్లు కలెక్టర్ వెల్లడించారు. ముందు జాగ్రత్త చర్యల్లో భాగంగా పాఠశాలలకు సెలవు ప్రకటించినట్లు వివరించారు. బైట్: సి.యం. సాయికాంత్ వర్మ, గుంటూరు జిల్లా కలెక్టర్.