గుంటూరు నగరపాలక సంస్థ ఎన్నికలకు ఏర్పాట్లు పూర్తి

xPress24, Gunturu, October 26, గుంటూరు, అక్టోబరు 26: గుంటూరు జిల్లాలో ఎన్నికల నిర్వహణకు అధికార యంత్రాంగం అన్ని ఏర్పాట్లు పూర్తి చేసింది. గుంటూరు నగరపాలక సంస్థ పరిధిలోని 76 డివిజన్లలో వివిధ రాజకీయ పార్టీల తరఫున అభ్యర్థులు పోటీలో నిలిచారు. తెలుగుదేశం పార్టీ (టీడీపీ) 57, జనసేన 20, కాంగ్రెస్ 26, వైఎస్సార్ కాంగ్రెస్ పార్టీ (వైసీపీ) 75, సీపీఐ 7, బీజేపీ 6, బీఎస్పీ 6, సీపీఎం 3 స్థానాల్లో అభ్యర్థులను బరిలోకి దించాయి. స్వతంత్ర అభ్యర్థులుగా 130 మంది పోటీ చేస్తున్నారు. దీంతో మొత్తం అభ్యర్థుల సంఖ్య 333కు చేరింది. గుంటూరు నగరపాలక సంస్థ మేయర్ పదవికి 14 మంది అభ్యర్థులు తుది పోటీలో నిలిచారు. ప్రధాన పార్టీల తరఫున టీడీపీ నుంచి కోవెలమూడి అపర్ణ, వైసీపీ నుంచి తాడికొండ నాగపద్మశ్రీదేవి, కాంగ్రెస్ నుంచి చొప్పరపు పద్మావతి పోటీలో ఉన్నారు. నవంబరు 1న జరగనున్న ఎన్నికల్లో ఓటర్లు తమ ఓటు హక్కును వినియోగించుకుని అభ్యర్థుల భవితవ్యాన్ని నిర్ణయించనున్నారు.