చెడుపై మంచి సాధించిన విజయమే దసరా: బండి సంజయ్

xPress24, Karimnagar, October 20, ఎన్నటికైనా చెడుపై విజయం సాధించేది ‘మంచి’ మాత్రమేనని, దుర్మార్గమైన పనులు చేసే వారికి ఎన్నటికీ విజయం దక్కదని కేంద్ర హోంశాఖ సహాయ మంత్రి బండి సంజయ్ కుమార్ అన్నారు. కరీంనగర్ జిల్లా కేంద్రంలోని శ్రీ మహాశక్తి ఆలయ ప్రాంగణంలో నిర్వహించిన విజయదశమి వేడుకల్లో బండి సంజయ్ ముఖ్య అతిథిగా పాల్గొని, శాస్త్రోక్తంగా రావణ దహనం కార్యక్రమాన్ని ప్రారంభించారు. ఈ కార్యక్రమంలో నగర మేయర్ కోలగాని శ్రీనివాస్, స్థానిక కార్పొరేటర్లు, భారీ సంఖ్యలో భక్తులు పాల్గొన్నారు. అమ్మవారి కరుణతో సకల శుభాలు కలుగుతాయి: బండి సంజయ్ అనంతరం బండి సంజయ్ మీడియాతో మాట్లాడుతూ.. తెలుగు ప్రజలందరికీ దసరా పండుగ శుభాకాంక్షలు తెలిపారు. తెలంగాణతో పాటు దేశవ్యాప్తంగా, విదేశాల్లోని తెలుగు కుటుంబాలు దేవీ శరన్నవరాత్రి ఉత్సవాలను అత్యంత భక్తిశ్రద్ధలతో ఘనంగా నిర్వహించుకున్నాయని పేర్కొన్నారు. కరీంనగర్ శ్రీ మహాశక్తి ఆలయానికి రాష్ట్రంతో పాటు దేశం నలుమూలల నుంచి వేలాది మంది భక్తులు తరలివచ్చి దర్శించుకున్నారని, యువతీ యువకులు పెద్ద సంఖ్యలో భవానీ దీక్షలు చేపట్టారని తెలిపారు. అమ్మవారిని మనస్ఫూర్తిగా ప్రార్థిస్తే కోరిన కోర్కెలు నెరవేరుతాయని, అధర్మంపై ధర్మం, అజ్ఞానంపై జ్ఞానం సాధించిన విజయానికి ప్రతీకగా విజయదశమి నిలుస్తుందని కేంద్ర మంత్రి వివరించారు. బైట్స్ బండి సంజయ్ కుమార్, కేంద్ర హోంశాఖ సహాయ మంత్రి కోలగాని శ్రీనివాస్, మేయర్, కరీంనగర్ నగరపాలక సంస్థ