ఆంధ్రప్రదేశ్
చార్లెస్ ఫిలిప్ బ్రౌన్ జయంతి
10-11-2026 10:19
తెలుగు భాషా సాహిత్యానికి విశేష సేవలందించిన చార్లెస్ ఫిలిప్ బ్రౌన్ జయంతి ఈ రోజు.1798 నవంబర్ 10న కోల్‌కతాలో జన్మించిన బ్రౌన్.. తెలుగు భాషాభివృద్ధికి విశేష కృషి చేసిన ఆంగ్లేయ అధికారిగా గుర్తింపు పొందారు. తొలి తెలుగు శబ్దకోశాన్ని ప్రచురించిన ఆయనను తెలుగు ప్రజలు ఆంధ్ర భాషోద్ధారకుడిగా గౌరవిస్తారు. మద్రాసులో ఈస్ట్ ఇండియా కంపెనీ ఉద్యోగంలో చేరిన ఆయన ఉద్యోగ బాధ్యతల్లో భాగంగా కోదండరామ పంతులు వద్ద తెలుగు భాష నేర్చుకున్నారు. 1820లో కడపలో డిప్యూటీ కలెక్టర్‌గా బాధ్యతలు చేపట్టిన బ్రౌన్.. మచిలీపట్నం, గుంటూరు, చిత్తూరు, తిరునెల్వేలి తదితర ప్రాంతాల్లో పనిచేశారు. 1826లో తిరిగి కడపకు చేరుకుని అక్కడే స్థిరపడి వేమన పద్యాలను వెలుగులోకి తెచ్చారు. తెలుగు భాషా సాహిత్య పరిరక్షణ, అభివృద్ధికి జీవితాంతం కృషి చేసిన చార్లెస్ ఫిలిప్ బ్రౌన్ 1884 డిసెంబర్ 12న తుదిశ్వాస విడిచారు.
xPress24, Kadapa, November 10,
తెలుగు భాషా సాహిత్యానికి విశేష సేవలందించిన చార్లెస్ ఫిలిప్ బ్రౌన్ జయంతి ఈ రోజు.1798 నవంబర్ 10న కోల్‌కతాలో జన్మించిన బ్రౌన్.. తెలుగు భాషాభివృద్ధికి విశేష కృషి చేసిన ఆంగ్లేయ అధికారిగా గుర్తింపు పొందారు. తొలి తెలుగు శబ్దకోశాన్ని ప్రచురించిన ఆయనను తెలుగు ప్రజలు ఆంధ్ర భాషోద్ధారకుడిగా గౌరవిస్తారు. మద్రాసులో ఈస్ట్ ఇండియా కంపెనీ ఉద్యోగంలో చేరిన ఆయన ఉద్యోగ బాధ్యతల్లో భాగంగా కోదండరామ పంతులు వద్ద తెలుగు భాష నేర్చుకున్నారు. 1820లో కడపలో డిప్యూటీ కలెక్టర్‌గా బాధ్యతలు చేపట్టిన బ్రౌన్.. మచిలీపట్నం, గుంటూరు, చిత్తూరు, తిరునెల్వేలి తదితర ప్రాంతాల్లో పనిచేశారు. 1826లో తిరిగి కడపకు చేరుకుని అక్కడే స్థిరపడి వేమన పద్యాలను వెలుగులోకి తెచ్చారు. తెలుగు భాషా సాహిత్య పరిరక్షణ, అభివృద్ధికి జీవితాంతం కృషి చేసిన చార్లెస్ ఫిలిప్ బ్రౌన్ 1884 డిసెంబర్ 12న తుదిశ్వాస విడిచారు.