ఆంధ్రప్రదేశ్
టెక్కలి మండల పరిషత్ నూతన పాలకవర్గం ప్రమాణ స్వీకారం
20-11-2026 10:00

శ్రీకాకుళం జిల్లా టెక్కలి మండల పరిషత్ కార్యాలయంలో నూతన పాలకవర్గం కొలువుదీరింది.
xPress24, Srikakulam, November 19,
శ్రీకాకుళం, నవంబర్ 19: శ్రీకాకుళం జిల్లా టెక్కలి మండల పరిషత్ కార్యాలయంలో నూతన పాలకవర్గం కొలువుదీరింది. గురువారం మండల పరిషత్ కార్యాలయ ప్రాంగణంలో నూతన మండల పరిషత్ అధ్యక్షురాలు, ఎంపీటీసీ సభ్యుల ప్రమాణ స్వీకార కార్యక్రమం ఘనంగా నిర్వహించారు. రిటర్నింగ్ అధికారి (ఆర్ఓ), ఎంపీడీవో అధ్యక్షతన జరిగిన ఈ కార్యక్రమంలో టెక్కలి మండలానికి చెందిన 21 మంది ఎంపీటీసీ సభ్యులు ప్రమాణ స్వీకారం చేశారు.
ఈ కార్యక్రమానికి రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు ముఖ్య అతిథిగా హాజరయ్యారు. నూతనంగా బాధ్యతలు స్వీకరించిన మండల పరిషత్ అధ్యక్షురాలికి, ఎంపీటీసీ సభ్యులకు మంత్రి శుభాకాంక్షలు తెలిపారు. ఈ సందర్భంగా మంత్రి మాట్లాడుతూ ప్రజలు తమపై ఉంచిన నమ్మకాన్ని నిలబెట్టుకుంటూ, ప్రజా సమస్యల పరిష్కారానికి ప్రాధాన్యతనిస్తూ బాధ్యతాయుతంగా పనిచేయాలని నూతన పాలకవర్గానికి సూచించారు.