తన అధికార బృందంలో కీలక మార్పులు చేపట్టిన ట్రంప్

xPress24, USA, November 7, మధ్యంతర ఎన్నికల ఫలితాల్లో ఓటమి చవిచూసిన అమెరికా అధ్యక్షుడు డొనాల్డ్ ట్రంప్‌ తన అధికార బృందంలో మార్పులు చేస్తున్నారు. తాజాగా వైట్‌హౌస్ చీఫ్ ఆఫ్ స్టాఫ్‌గా ఉన్న సుసీ వైల్స్‌ను తొలగించి ఈ కీలక పదవిలో తన సన్నిహితుడు స్టీఫెన్ మిల్లర్‌ను నియమించారు. ఈ నిర్ణయాన్ని అధ్యక్షుడు ట్రూత్ సోషల్ మీడియా వేదికగా వెల్లడించారు. రాజకీయ వ్యూహకర్త అయిన సుసీవైల్స్ 2024లో జరిగిన అమెరికా అధ్యక్ష ఎన్నికల్లో ట్రంప్  ఘన విజయం సాధించడంలో కీలక పాత్ర పోషించారు. ఆ తర్వాత అగ్రరాజ్యంలో అత్యంత కీలక పదవులుగా భావించే వైట్‌హౌస్‌ చీఫ్ ఆఫ్‌ స్టాఫ్ పదవికి ఎంపికయ్యారు. యూఎస్‌ చరిత్రలో ఆ పదవి చేపట్టిన తొలి మహిళగా వైల్స్ రికార్డు సృష్టించారు. అయితే మధ్యంతర ఫలితాల్లో రిపబ్లికన్స్‌ ఓటమితో  ఆమెను పదవి నుంచి తొలగిస్తూ నిర్ణయం తీసుకున్నారు. అయితే తన రాజకీయ బృందంలో వైల్స్ కొనసాగుతారని ట్రంప్ చెప్పారు. ఇంతకాలం వైల్స్‌కు డిప్యూటీగా ఉన్న  స్టీఫెన్ మిల్లర్‌ ను ఆ స్థానంలో నియమించినట్లు వెల్లడించారు. byte.. డొనాల్డ్ ట్రంప్, అమెరికా అధ్యక్షుడు