తుఫానుపై ముందస్తు జాగ్రత్తలు తీసుకోవాలి

xPress24, Amaravathi, October 24, బంగాళాఖాతంలో ఏర్పడనున్న తుపాను ప్రభావంతో రాష్ట్రంలో భారీ వర్షాలు కురిసే అవకాశం ఉన్నందున ముందస్తు జాగ్రత్తలు తీసుకోవాలని ఆంధ్రప్రదేశ్ ముఖ్యమంత్రి నారా చంద్రబాబు నాయుడు అధికారులను ఆదేశించారు. అమరావతిలోని క్యాంపు కార్యాలయంలో ఆయన నిన్న జలవనరుల శాఖ అధికారులతో తుఫాను సన్నద్ధత, సాగునీటి ప్రాజెక్టులపై సమీక్ష నిర్వహించారు. ఈ సందర్భంగా ముఖ్యమంత్రి మాట్లాడుతూ.. వచ్చే మంగళవారం తుఫాను ఏర్పడే అకాశం ఉందని వాతావరణ శాఖ హెచ్చరించిన నేపథ్యంలో ప్రజలను అప్రమత్తం చేయాలన్నారు.  కాలువలపై సౌర విద్యుత్‌ ఫలకాలు ఏర్పాటు చేసి విద్యుత్‌ ఉత్పత్తి చేసే అవకాశాలను పరిశీలించాలన్నారు. పోలవరం నిర్మాణంలో సాంకేతిక ప్రమాణాలను కచ్చితంగా పాటించాలని, నాణ్యత విషయంలో ఎలాంటి రాజీ వద్దని ముఖ్యమంత్రి స్పష్టం చేశారు.