తిరుపతి జిల్లాలో ప్రశాంతంగా రీపోలింగ్‌

xPress24, Tiripati, November 2, తిరుపతి, 02 నవంబర్  2026 : తిరుపతి జిల్లాలో రీపోలింగ్‌ ప్రశాంత వాతావరణంలో కొనసాగుతోందని జిల్లా ఎస్పీ సుబ్బరాయుడు తెలిపారు. తిరుపతిలో జరుగుతున్న రీపోలింగ్‌ ప్రక్రియను సోమవారం ఆయన పరిశీలించారు. ఈ సందర్భంగా ఎస్పీ మాట్లాడుతూ.. ఆదివారం కొంతమంది వ్యక్తులు పోలింగ్‌ కేంద్రంలోకి ప్రవేశించి రిగ్గింగ్‌కు పాల్పడటంతో పాటు సీసీ కెమెరాలను ధ్వంసం చేశారని వెల్లడించారు. అయితే, వెబ్‌కాస్టింగ్‌ ద్వారా ఆ ఘటనకు సంబంధించిన దృశ్యాలు రికార్డయ్యాయని తెలిపారు. ఓటర్లు ఎలాంటి భయాందోళనలకు గురికాకుండా స్వేచ్ఛగా తమ ఓటు హక్కును వినియోగించుకోవాలని ఎస్పీ సూచించారు. నిన్న జరిగిన ఘటనలు పునరావృతం కాకుండా పోలీసులు అప్రమత్తంగా ఉన్నారని, అనుమానిత వ్యక్తులను పోలింగ్‌ కేంద్రాలకు 100 మీటర్ల దూరంలోనే ఉంచుతున్నామని స్పష్టం చేశారు. బైట్: సుబ్బరాయుడు, ఎస్పీ