తిరుమల శ్రీవారిని దర్శించుకున్న ఇస్రో చైర్మన్ వి. నారాయణన్

xPress24, Tirupati, October 29, తిరుపతి, అక్టోబర్ 29: తిరుమల శ్రీవారిని ఇస్రో చైర్మన్ వి. నారాయణన్ గురువారం దర్శించుకున్నారు. ఈ సందర్భంగా జీఎస్ఎల్వీ-ఎఫ్18 రాకెట్ ప్రయోగం విజయవంతం కావాలని శ్రీవారి పాదాల చెంత ప్రత్యేక పూజలు నిర్వహించారు. అనంతరం ఆలయం వెలుపల ఆయన పాత్రికేయులతో మాట్లాడుతూ.. అక్టోబర్ 30వ తేదీ రాత్రి 11.51 గంటలకు జీఎస్ఎల్వీ-ఎఫ్18 రాకెట్‌ను నింగిలోకి ప్రయోగించనున్నట్లు తెలిపారు. ఈ ప్రయోగం ద్వారా నావిక్ శ్రేణిలోని మూడో ఉపగ్రహమైన నావిక్-03ను జియో ట్రాన్స్‌ఫర్ ఆర్బిట్‌లోకి ప్రవేశపెట్టనున్నట్లు వెల్లడించారు. ప్రొపల్షన్ వ్యవస్థ సాయంతో ఉపగ్రహాన్ని నిర్ణీత కక్ష్యలోకి చేర్చనున్నట్లు పేర్కొన్నారు. దేశీయ అవసరాలకు అనుగుణంగా పొజిషనింగ్, నావిగేషన్ సేవలను మరింత బలోపేతం చేయడంలో ఈ ఉపగ్రహం కీలక పాత్ర పోషించనుందని చెప్పారు. ఇది నావిగేషన్ సేవల కోసం ప్రయోగిస్తున్న నాలుగో ఉపగ్రహమని వివరించారు. ప్రైవేట్ సంస్థ చేపట్టిన ప్రయోగంతో కలిపి, ఈ ఏడాది జనవరి నుంచి ఇస్రో చేపడుతున్న ఐదో రాకెట్ ప్రయోగం ఇదేనని తెలిపారు. మానవ రహిత గగన్‌యాన్ తొలి మిషన్‌కు సంబంధించిన పనులు శరవేగంగా కొనసాగుతున్నాయని ఇస్రో చైర్మన్ వి. నారాయణన్ వెల్లడించారు. బైట్: వి. నారాయణన్, ఇస్రో చైర్మన్