దెబ్బతిన్న పంటలను పరిశీలించిన పార్లమెంట్ సభ్యురాలు పురందేశ్వరి

xPress24, Polamuru, October 31, ఓర్నాబ్ తుపాను ముప్పును ముందుగానే పసిగట్టి ఆంధ్రప్రదేశ్ లోని తూర్పు గోదావరి జిల్లా యంత్రాంగం అప్రమత్తంగా వ్యవహరించిందని రాజమహేంద్రవరం పార్లమెంట్ సభ్యురాలు డి.పురందేశ్వరి తెలిపారు. జిల్లాలోని  అనపర్తి నియోజకవర్గంలోని పొలమూరు, పందలపాక గ్రామాల్లో తుఫాన్ వల్ల నీట మునిగిన పంట పొలాలను స్థానిక శాసన సభ్యులు నల్లమిల్లి రామకృష్ణారెడ్డితో కలిసి ఆమె నిన్న పరిశీలించారు. అనంతరం ఆమె మాట్లాడుతూ.. తుపాను కారణంగా 110 సహాయక శిబిరాలను ఏర్పాటు చేసి దాదాపు 5 వేల మందిని ముందస్తుగా సురక్షిత ప్రాంతాలకు తరలించినట్లు వెల్లడించారు. తుపాను వల్ల తీవ్ర నష్టం వాటిల్లిందని పేర్కొన్నారు.