దేశంలో పెరిగిన జనాభాకు అనుగుణంగా పార్లమెంట్ సీట్లు పెరగాలి: ఎన్.రామచందర్ రావు

xPress24, hyderabad, October 20, దేశంలో పెరిగిన జనాభాకు అనుగుణంగా పార్లమెంట్ స్థానాల సంఖ్యను పెంచాల్సిన ఆవశ్యకత ఎంతైనా ఉందని బీజేపీ రాష్ట్ర అధ్యక్షుడు ఎన్. రామచందర్ రావు స్పష్టం చేశారు. త్వరలో జరగనున్న ప్రత్యేక పార్లమెంట్ సమావేశాల్లో ప్రవేశపెట్టనున్న డీలిమిటేషన్ బిల్లుతో పాటు మహిళా రిజర్వేషన్ బిల్లుకు విపక్ష పార్టీలన్నీ సంపూర్ణ మద్దతు ప్రకటించాలని ఆయన కోరారు. చట్టసభల్లో మహిళలకు 33 శాతం రిజర్వేషన్లు కల్పించాలన్న కేంద్ర ప్రభుత్వ నిర్ణయానికి కాంగ్రెస్‌తో సహా అన్ని పార్టీలు కలిసిరావాలని, డీలిమిటేషన్ ప్రక్రియలో 50 శాతం సీట్లు పెంచడం వల్ల ఏ ప్రాంతానికీ అన్యాయం జరగదని పేర్కొన్నారు. మరోవైపు కాంగ్రెస్ పార్టీ చేపట్టిన 'ఓట్ చోరీ' ప్రచారాన్ని రామచందర్ రావు తప్పుపట్టారు. ప్రజాస్వామ్యంలో నిష్పాక్షిక ఎన్నికల ద్వారా మాత్రమే అధికార మార్పిడి సాధ్యమవుతుందని స్పష్టం చేశారు. ప్రజా తీర్పుతో ఎన్నికల్లో విజయం సాధించడంపై దృష్టి పెట్టకుండా, కాంగ్రెస్ పార్టీ అర్బన్ నక్సల్స్‌తో చేతులు కలిపి దేశంలో అలజడులు సృష్టించే కుట్ర చేస్తోందని ఆరోపించారు. అరాచకాలు, హింసను ప్రేరేపించడం ద్వారా ప్రభుత్వాలను మార్చలేరని ఆయన హెచ్చరించారు. బైట్స్ ఎన్. రామచందర్ రావు, బీజేపీ రాష్ట్ర అధ్యక్షుడు