జాతీయం
దేశంలో రికార్డు స్థాయిలో ఉద్యానవన పంటల ఉత్పత్తి: కేంద్ర వ్యవసాయ మంత్రి శివరాజ్ సింగ్ చౌహాన్
17-11-2026 14:15
దేశంలో ఉద్యానవన పంటల ఉత్పత్తి 2025-26 మూడో ముందస్తు అంచనాల ప్రకారం 3,869.15 లక్షల టన్నులకు చేరుకోనుందని కేంద్ర వ్యవసాయ శాఖ మంత్రి శివరాజ్ సింగ్ చౌహాన్ వెల్లడించారు. గతేడాదితో పోలిస్తే సాగు విస్తీర్ణం తగ్గినా పండ్లు, కూరగాయలు, పూలు, తోట పంటల దిగుబడి పెరిగిందని తెలిపారు. ఆధునిక సాగు పద్ధతులు, రైతుల కృషితో బంగాళాదుంప, టమాటా ఉత్పత్తిలో రికార్డు స్థాయి వృద్ధి నమోదైందని వివరించారు.
xPress24, Delhi, November 17,
ప్రధానమంత్రి నరేంద్ర మోదీ నాయకత్వంలో దేశ వ్యవసాయ రంగంలో పంటల వైవిధ్యీకరణ వేగంగా జరుగుతోందని, ఉద్యానవన పంటల ఉత్పత్తి రికార్డు స్థాయిలో పెరుగుతోందని కేంద్ర వ్యవసాయ శాఖ మంత్రి శివరాజ్ సింగ్ చౌహాన్ వెల్లడించారు. మంగళవారం ఢిల్లీలో ఆయన మీడియాతో మాట్లాడారు. 2025-26 మూడో ముందస్తు అంచనాల ప్రకారం దేశంలో ఉద్యానవన పంటల మొత్తం ఉత్పత్తి 3,869.15 లక్షల టన్నులకు చేరుకోనుందని తెలిపారు. పండ్ల ఉత్పత్తి 4.60 శాతం పెరగగా, కూరగాయల ఉత్పత్తి 4.35 శాతం వృద్ధితో 2,272.68 లక్షల టన్నులకు చేరనుందని పేర్కొన్నారు.
సాగు విస్తీర్ణం తగ్గినా పెరిగిన దిగుబడి.. బంగాళాదుంప, టమాటా ఉత్పత్తిలో వృద్ధి
పూల ఉత్పత్తిలో 14.45 శాతం, తోట పంటలైన కొబ్బరి, జీడిమామిడి, వక్క తదితర పంటల ఉత్పత్తిలో 7.56 శాతం వృద్ధి నమోదైందని మంత్రి వివరించారు. గతేడాదితో పోలిస్తే సాగు విస్తీర్ణం తగ్గినప్పటికీ దిగుబడి 4.36 శాతం మేర పెరిగిందన్నారు. పండ్లు, కూరగాయల ఉత్పత్తిలో వృద్ధి నమోదైందని, బంగాళాదుంప, టమాటా రికార్డు స్థాయిలో దిగుబడి సాధించాయని తెలిపారు. ఆధునిక సాగు పద్ధతులు, రైతుల శ్రమతోనే ఈ ఫలితాలు సాధ్యమయ్యాయని శివరాజ్ సింగ్ చౌహాన్ అన్నారు.
Bytes:
శివరాజ్ సింగ్ చౌహాన్, కేంద్ర వ్యవసాయ శాఖ మంత్రి