దేశవ్యాప్తంగా ఘనంగా ధన్‌తేరస్: ప్రజలకు ప్రధానమంత్రి నరేంద్ర మోదీ శుభాకాంక్షలు

xPress24, Delhi, November 6, దీపావళికి ముందు వచ్చే ధన్‌తేరస్ పర్వదినాన్ని దేశవ్యాప్తంగా ప్రజలు భక్తిశ్రద్ధలతో జరుపుకుంటున్నారు. సంపద, ఆరోగ్యం, సౌభాగ్యాలకు ప్రతీకగా భావించే ఈ రోజున భగవాన్ ధన్వంతరి, లక్ష్మీదేవి, కుబేరుడికి ప్రత్యేక పూజలు నిర్వహిస్తున్నారు. ఆనవాయితీ ప్రకారం మార్కెట్లలో బంగారం, వెండి, నూతన పాత్రలు, వాహనాల కొనుగోళ్లతో సందడి నెలకొంది. ప్రజల జీవితాల్లో ఆరోగ్యం, సంపదలు నిండాలి: ప్రధాని మోదీ ధన్‌తేరస్ సందర్భంగా దేశ ప్రజలకు ప్రధానమంత్రి నరేంద్ర మోదీ శుభాకాంక్షలు తెలిపారు. ప్రజలందరి జీవితాల్లో సంపదలు, సుఖసంతోషాలు, ఆయురారోగ్యాలు నిండాలని ఆకాంక్షించారు. ఈ మేరకు ఎక్స్  వేదికగా సందేశం ఇస్తూ.. భగవాన్ ధన్వంతరి కృపతో ప్రతి ఇంటా నిత్యం ఆనందం వెల్లివిరియాలని ప్రార్థిస్తున్నట్లు ప్రధాని పేర్కొన్నారు.