నేటి నుంచి సిఐఐ భాగస్వామ్య సదస్సు

xPress24, Amaravathi, November 12, విశాఖ వేదికగా రెండు రోజుల పాటు 31వ సీఐఐ భాగస్వామ్య సదస్సు ఈ రోజు నుంచి ప్రారంభమవుతుంది. ‘నేవిగేటింగ్ న్యూ వరల్డ్ ఆర్డర్ – ట్రేడ్, టెక్నాలజీ, ట్రస్ట్’ అనే థీమ్‌తో ఈ సదస్సును ఆంధ్రప్రదేశ్ ప్రభుత్వం ప్రతిష్టాత్మకంగా నిర్వహిస్తోంది. ఈ సదస్సుకు 58 దేశాల నుంచి ప్రభుత్వ, పారిశ్రామిక రంగాల ప్రతినిధులు హాజరవుతున్నారు. 16 మంది విదేశీ మంత్రులు, 40 మంది అంతర్జాతీయ ప్రతినిధులు పాల్గొంటారు. ముఖ్య అతిథులుగా కేంద్ర వాణిజ్య మరియు పరిశ్రమల శాఖ మంత్రి పీయూష్ గోయల్, ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ హాజరవుతారు.13వ తేదీన జరిగే ముగింపు కార్యక్రమానికి ఉప రాష్ట్రపతి సి.పి. రాధాకృష్ణన్ ముఖ్య అతిథిగా విచ్చేస్తున్నారు. వాణిజ్యం, పెట్టుబడులు, సాంకేతికత, వ్యవసాయం, నైపుణ్యాభివృద్ధి, స్వచ్ఛ ఇంధనం వంటి ఆరు కీలక అంశాలపై చర్చలు జరుగుతాయి. ఈ సదస్సుకు సమాంతరంగా ఎపి ఉమెన్ అండ్ గ్రోత్ సమ్మిట్-2026 కూడా నిర్వహిస్తున్నారు. మహిళా సాధికారత, పారిశ్రామిక రంగంలో మహిళల భాగస్వామ్యంపై ప్రత్యేకంగా చర్చిస్తారు.