నామినేషన్ల ఏర్పాట్లపై సబ్‌ కలెక్టర్ అసంతృప్తి

xPress24, Eluru, October 21, నూజివీడు మండల పరిషత్ కార్యాలయంలో నామినేషన్ల స్వీకరణకు చేసిన ఏర్పాట్లపై సబ్‌ కలెక్టర్ బొల్లిపల్లి వినూత్న తీవ్ర అసంతృప్తి వ్యక్తం చేశారు. 20 ఎంపీటీసీ స్థానాలకు సంబంధించి నామినేషన్ల స్వీకరణ కోసం కేవలం మూడు కౌంటర్లను ఇరుకైన గదుల్లో ఏర్పాటు చేయడంపై రిటర్నింగ్ అధికారి రవికుమార్‌పై ఆగ్రహం వ్యక్తం చేశారు. ఉదయం 11 గంటలకల్లా నామినేషన్ల స్వీకరణకు అవసరమైన అన్ని ఏర్పాట్లు పూర్తి చేసి సిద్ధంగా ఉండాల్సి ఉండగా, 11 గంటల తర్వాత కూడా ఏర్పాట్లు కొనసాగించడంపై సబ్‌ కలెక్టర్ ప్రశ్నించారు. నామినేషన్లు దాఖలు చేసేందుకు వచ్చే అభ్యర్థులకు ఎలాంటి అసౌకర్యం కలగకుండా తక్షణమే తగిన ఏర్పాట్లు చేయాలని సంబంధిత అధికారులను ఆదేశించారు.