నిమ్మాడలో కుటుంబ సభ్యులతో కలిసి ఓటు హక్కు వినియోగించుకున్న మంత్రి అచ్చెన్నాయుడు

xPress24, Srikakulam, November 5, శ్రీకాకుళం జిల్లా, నవంబర్ 5: శ్రీకాకుళం జిల్లా నిమ్మాడలోని తన స్వగ్రామంలో రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు కుటుంబ సభ్యులతో కలిసి ఓటు హక్కును వినియోగించుకున్నారు. స్థానిక ప్రభుత్వ పాఠశాలలో ఏర్పాటు చేసిన పోలింగ్ కేంద్రంలో సామాన్య ఓటరులా క్యూలో నిలబడి ఆయన కుటుంబ సభ్యులతో కలిసి ఓటు వేశారు. ఈ సందర్భంగా మంత్రి అచ్చెన్నాయుడు మాట్లాడుతూ.. ప్రజాస్వామ్యంలో ఓటు అత్యంత శక్తిమంతమైన ఆయుధమని, ప్రతి ఒక్కరూ తమ ఓటు హక్కును బాధ్యతగా వినియోగించుకోవాలని అన్నారు. ఎలాంటి ప్రలోభాలకు, ఒత్తిళ్లకు లొంగకుండా అర్హులైన ప్రతి ఒక్కరూ నిర్భయంగా తమ ఓటు హక్కును వినియోగించుకోవాలని పిలుపునిచ్చారు.