న్యూఢిల్లీలో తలపెట్టిన ర్యాలీకి ప్రత్యేక రైళ్లను కేటాయించేందుకు రైల్వేశాఖ నిరాకరించడంపై కాంగ్రెస్ పార్టీ అభ్యంతరం వ్యక్తం

xPress24, Hyd, October 28, టీపీసీసీ అధ్యక్షుడు మహేశ్ కుమార్ గౌడ్ ఆధ్వర్యంలో మంత్రులు, ప్రజాప్రతినిధులు చేపట్టిన ఈ ధర్నా ఉద్రిక్తతకు దారితీయడంతో పోలీసులు రంగప్రవేశం చేసి నాయకులను ముందస్తుగా అరెస్టు చేశారు. ...పాజ్.. టీపీసీసీ చీఫ్ మహేశ్ కుమార్ గౌడ్, మంత్రి పొన్నం ప్రభాకర్, ఎంపీ అనిల్ కుమార్ యాదవ్, పార్టీ నేతలు శ్రీగణేష్, దానం నాగేందర్, నవీన్ యాదవ్ తదితర నేతలు కార్యకర్తలతో కలిసి రైల్ నిలయం గేట్లను నెట్టుకుని లోపలికి దూసుకెళ్లే ప్రయత్నం చేయడంతో తోపులాట జరిగి పరిస్థితి ఉద్రిక్తంగా మారింది. వెంటనే అప్రమత్తమైన పోలీసులు బారికేడ్లతో వారిని అడ్డుకుని, ధర్నా చేస్తున్న ముఖ్య నేతలందరినీ అదుపులోకి తీసుకుని మొండా మార్కెట్ పోలీస్ స్టేషన్‌కు తరలించారు. ....పాజ్.. రైల్వే అధికారుల తీరుపై టీపీసీసీ అధ్యక్షుడు మహేశ్ కుమార్ గౌడ్ మాట్లాడుతూ.. ఢిల్లీ నిరసన కార్యక్రమానికి వెళ్లేందుకు రెండు ప్రత్యేక రైళ్లను కేటాయించాలని  ఆరు రోజుల క్రితమే దక్షిణ మధ్య రైల్వే అధికారులను కోరామన్నారు.  సానుకూలంగా ఉన్నట్లు నటించి నిన్న రాత్రి ఆకస్మికంగా అనుమతి లేదని చెప్పారన్నారు.  ఎన్ని అడ్డంకులు కల్పించినా తామంతా ఢిల్లీ వెళ్తామని,  ప్రజాస్వామ్యాన్ని అపహాస్యం చేస్తున్న సీఈసీ జ్ఞానేశ్ కుమార్ తన పదవికి రాజీనామా చేసేంతవరకు పోరాడతామన్నారు.