పాకాల సరస్సు వద్ద దీపావళి సందడి

xPress24, WARANGAL URBAN, November 10, దీపావళి పండుగ సెలవుల నేపథ్యంలో చారిత్రక పాకాల సరస్సు పర్యాటకులతో కిటకిటలాడుతోంది. వరంగల్ జిల్లా ఖానాపురం మండలం అశోక్ నగర్ శివారులోని అటవీ ప్రాంతంలో విస్తరించిన ఈ కాకతీయుల నాటి సరస్సు అందాలను తిలకించేందుకు సందర్శకులు తరలివస్తున్నారు. జిల్లా కేంద్రానికి దాదాపు 55 కిలోమీటర్ల దూరంలో ఉన్న ఈ కేంద్రంలో బోటింగ్ చేస్తూ, పిల్లల పార్కులు, బటర్‌ఫ్లై గార్డెన్లను వీక్షిస్తూ ప్రజలు సమయం గడుపుతున్నారు. అభివృద్ధి పనులపై హర్షం.. అదనపు వసతులు కల్పించాలని విజ్ఞప్తి పర్యాటక శాఖ చేపట్టిన నూతన వసతులు బాగున్నాయని సందర్శకులు పేర్కొంటున్నారు. పట్టణ వాతావరణానికి దూరంగా ఆహ్లాదకర ప్రకృతిలో గడపడం ఉత్తేజాన్ని ఇస్తోందని తెలిపారు. సరస్సు కట్ట ప్రాంతంలో తాగునీటి సౌకర్యాలు మరింత మెరుగుపరచాలని, ప్రకృతి దృశ్యాలు వీక్షించేలా అద్దాల క్యాంటీన్ ఏర్పాటు చేయాలని పర్యాటకులు కోరుతున్నారు. బైట్స్ చరణ్, పర్యాటకుడు, వరంగల్ చిట్టిరాజు, పర్యాటకుడు, హైదరాబాద్ ఉమాకర్, ఉపాధ్యాయుడు, మహబూబాబాద్