పీజీఆర్‌ఎస్‌లో ప్రజల నుంచి వినతులు స్వీకరించిన మంత్రి సంధ్యారాణి

పార్వతీపురం మన్యం జిల్లా, సెప్టెంబర్ 18: ప్రజా సమస్యల పరిష్కారానికి ప్రభుత్వం అధిక ప్రాధాన్యత ఇస్తోందని రాష్ట్ర మహిళా, శిశు సంక్షేమం, abcసంక్షేమ శాఖ మంత్రి గుమ్మిడి సంధ్యారాణి తెలిపారు. సాలూరు మున్సిపల్ కార్యాలయంలో శుక్రవారం నిర్వహించిన ప్రజా గ్రీవెన్స్‌ (పీజీఆర్‌ఎస్‌) కార్యక్రమంలో మంత్రి సంధ్యారాణి పాల్గొన్నారు. జిల్లా కలెక్టర్ డా. ఎన్. ప్రభాకర రెడ్డితో కలిసి ప్రజల నుంచి నేరుగా వినతులను స్వీకరించారు. ప్రతి అర్జీని క్షుణ్ణంగా పరిశీలించి, సమస్యల పరిష్కారానికి తక్షణ చర్యలు తీసుకోవాలని సంబంధిత అధికారులను మంత్రి ఆదేశించారు. పీజీఆర్‌ఎస్‌లో ప్రధానంగా రెవెన్యూ సమస్యలు, భూ వివాదాలు, పింఛన్లు, హౌస్ మ్యాపింగ్‌కు సంబంధించిన వినతులు అధికంగా అందాయి. భూ, రెవెన్యూ సమస్యలను సత్వరమే పరిష్కరించేలా సంబంధిత అధికారులకు మంత్రి సూచనలు చేశారు. అర్హులైన ప్రతి లబ్ధిదారుడికి ప్రభుత్వ సంక్షేమ పథకాలు అందేలా చర్యలు తీసుకోవాలని అధికారులను ఆదేశించారు. ప్రజలకు మెరుగైన సేవలు అందించడమే ప్రభుత్వ లక్ష్యమని, ప్రజల సమస్యల పరిష్కారానికి ప్రభుత్వం నిరంతరం కృషి చేస్తుందని మంత్రి సంధ్యారాణి పేర్కొన్నారు.