పంట నష్టంపై కేంద్రమంత్రి పెమ్మసాని

xPress24, Burripalem, November 6, ఆంధ్రప్రదేశ్ లో తుపాను వల్ల వ్యవసాయ పంటలు దెబ్బతిన్న రైతులకు తగిన సహాయం అందించేందుకు చర్యలు తీసుకుంటామని కేంద్ర గ్రామీణాభివృద్ధి శాఖ సహాయ మంత్రి పెమ్మసాని చంద్రశేఖర్ తెలిపారు. గుంటూరు జిల్లా తెనాలి మండలం బుర్రిపాలెంలో తుపాను ప్రభావంతో దెబ్బతిన్న  వరి పంటను  ఆయన గురువారం  పరిశీలించారు. ఈ సందర్భంగా రైతులు ఎదుర్కొంటున్న ఇబ్బందులను అడిగి తెలుసుకున్నారు. అనంతరం అధికారులతో సమీక్షించి, తుఫాను కారణంగా జరిగిన పంట నష్టంపై క్షేత్రస్థాయిలో వివరాలు సేకరించి సమగ్ర నివేదిక రూపొందించాలని సూచించారు. బాధిత రైతులకు ప్రభుత్వ సహాయం అందించేందుకు అవసరమైన చర్యలు వేగవంతం చేయాలని ఆదేశించారు.