పట్టణ స్థానిక సంస్థల ఎన్నికల ఫలితాలు

xPress24, Amaravati, November 4, ఆంధ్రప్రదేశ్ పట్టణ స్థానిక సంస్థల  ఎన్నికల్లో  ఎన్డీయే కూటమి పార్టీలు  అత్యధిక స్థానాల్లో విజయం సాధించాయి. రాష్ట్రంలోని నగరపాలక, పురపాలక, నగర పంచాయతీల్లో మెజారిటీ స్థానాలల్లో  కూటమి  ఆధిక్యంలో  నిలిచింది. ఎన్డీయే కూటమి  తొమ్మిది నగరపాలక సంస్థల్లో  మేయర్ పదవులు  దక్కించుకోగా, మరో మూడు  నగరపాలక సంస్థల్లో ఆధిక్యంలో నిలిచింది. వైఎస్సార్ కాంగ్రెస్ పార్టీ  ఒక స్థానంలో విజయం సాధించింది. పురపాలక, నగర పంచాయతీల్లోనూ మొత్తం 79 స్థానాలకు ఎన్డీయే కూటమిలోని  తెలుగుదేశం పార్టీ 50కి పైగా, జనసేన 15కి పైగా స్థానాల్లో  విజయం సాధించాయి. వైఎస్సార్ కాంగ్రెస్ పార్టీ  నందికొట్కూరులో, ఇతరులు 2 స్థానాల్లో విజయం సాధించారు.అలాగే రాష్ట్రంలో  ప్రధాన నగరాలైన విశాఖపట్నం, విజయవాడ, తిరుపతి, గుంటూరు, చిత్తూరు, మచిలీపట్నం, కర్నూలు  కార్పొరేషన్లలో టీడీపీ మేయర్ అభ్యర్థులు విజయం సాధించగా  ఏలూరు కార్పొరేషన్ మేయర్ స్థానంలో జనసేన గెలవగా,  అనంతపురం  ఇంకా పలు స్థానాల్లో ఫలితాలు వెల్లడి కావల్సివుంది.