పాడేరులో అండర్–14 రాష్ట్రస్థాయి వాలీబాల్ టోర్నమెంట్ ముగింపు

xPress24, Paderu, November 13, పాడేరు: అల్లూరి సీతారామరాజు జిల్లా కేంద్రం పాడేరులోని ప్రభుత్వ జూనియర్ కళాశాల మైదానంలో గత మూడు రోజులుగా నిర్వహిస్తున్న అండర్–14 బాలబాలికల రాష్ట్రస్థాయి వాలీబాల్ టోర్నమెంట్ శుక్రవారం ముగిసింది. ఈ సందర్భంగా నిర్వహించిన ముగింపు వేడుకల్లో జిల్లా కలెక్టర్ టి. నిశాంతి పాల్గొని, బాలురు, బాలికల విభాగాల్లో విజేతలుగా నిలిచిన జట్లకు బహుమతులు, ట్రోఫీలను అందజేశారు. బాలుర విభాగంలో విజేతలు: ప్రథమ స్థానం: ఉమ్మడి విశాఖపట్నం జిల్లా ద్వితీయ స్థానం: ఉమ్మడి విజయనగరం జిల్లా తృతీయ స్థానం: నెల్లూరు జిల్లా నాల్గవ స్థానం: చిత్తూరు జిల్లా బాలికల విభాగంలో విజేతలు: ప్రథమ స్థానం: ఉమ్మడి విజయనగరం జిల్లా ద్వితీయ స్థానం: ఉమ్మడి విశాఖపట్నం జిల్లా తృతీయ స్థానం: తూర్పుగోదావరి జిల్లా నాల్గవ స్థానం: అనంతపురం జిల్లా ఈ సందర్భంగా జిల్లా కలెక్టర్ మాట్లాడుతూ.. క్రీడలు విద్యార్థుల్లో శారీరక దృఢత్వాన్ని పెంపొందించడంతో పాటు క్రమశిక్షణ, పట్టుదల, జట్టుగా పనిచేసే నైపుణ్యాలను అభివృద్ధి చేస్తాయని తెలిపారు. విద్యార్థులు చదువుతో పాటు క్రీడలపైనా ఆసక్తి కనబరిచి రాష్ట్ర, జాతీయ స్థాయిలో రాణించాలని ఆకాంక్షించారు. టోర్నమెంట్‌లో పాల్గొన్న క్రీడాకారులందరినీ కలెక్టర్ అభినందించారు.