పారా ఆసియా క్రీడల్లో పతకాల జోరు: 4వ స్థానంలో భారత్

xPress24, Japan, October 21, పారా ఆసియా క్రీడల్లో భారత అథ్లెట్లు అద్భుత ప్రదర్శన కొనసాగిస్తున్నారు. కీలక సమయంలో వరుస పతకాలు సాధిస్తూ పట్టికలో భారత్ 61 పతకాలతో 4వ స్థానానికి చేరుకుంది. ప్రస్తుతం భారత్ ఖాతాలో 14 స్వర్ణాలు, 21 రజతాలు, 26 కాంస్యాలు ఉన్నాయి. పతకాల పట్టికలో చైనా 211 పతకాలతో అగ్రస్థానంలో కొనసాగుతోంది. భారత క్రీడాకారులు వివిధ విభాగాల్లో రికార్డులు సృష్టిస్తూ దేశం గర్వించేలా చేస్తున్నారు. దిలీప్ గావిట్, మోర్సింగ్‌నకత్‌ మెరుపులు పురుషుల 100 మీటర్ల టీ47 రేసును దిలీప్ గావిట్ 10.69 సెకన్లలో పూర్తి చేసి స్వర్ణం సొంతం చేసుకున్నాడు. ఇదే విభాగంలో మోర్సింగ్‌నకత్ 10.72 సెకన్లలో లక్ష్యాన్ని చేరుకుని రెండో స్థానంలో నిలిచి రజతం కైవసం చేసుకున్నాడు. ట్రాక్ అండ్ ఫీల్డ్ ఈవెంట్లలో భారత క్రీడాకారులు పతకాల పంట పండిస్తున్నారు. సిమ్రాన్‌ ఖాతాలో మరో స్వర్ణం మహిళల 100 మీటర్ల విభాగంలో 12.02 సెకన్లతో రేసును పూర్తి చేసిన సిమ్రాన్ కొత్త రికార్డు సృష్టించి స్వర్ణ పతకం సాధించింది. ఆమె ఇప్పటికే 200 మీటర్ల టీ12 విభాగంలో పసిడి పతకం నెగ్గిన విషయం తెలిసిందే. అథ్లెట్ల ఉత్సాహంతో భారత్ మరిన్ని పతకాలు సాధించే అవకాశం ఉంది.