జాతీయం
ప్రపంచ శాంతికి సాంస్కృతిక బంధాలే బలమైన హామీ: ప్రధాని మోదీ
21-11-2026 12:41
న్యూఢిల్లీలోని చారిత్రాత్మక పురానా ఖిల్లాలో నిర్వహించిన తొలి ‘షాంఘై సహకార సంస్థ నాగరికతల సంవాద వేదిక’ ప్రారంభోత్సవంలో ప్రధాని మోదీ ముఖ్య అతిథిగా పాల్గొని ప్రసంగించారు. షాంఘై సహకార సంస్థ ఏర్పడి 25 ఏళ్లు పూర్తి చేసుకుంటున్న నేపథ్యంలో, సభ్య దేశాల మధ్య కేవలం భద్రత, వాణిజ్య, ఆర్థిక సహకారం మాత్రమే కాకుండా ప్రజల మధ్య సాంస్కృతిక సంబంధాలు, విజ్ఞాన మార్పిడి మరింత బలోపేతం కావాలని ప్రధాని ఆకాంక్షించారు.
xPress24, Delhi, November 21,
ప్రపంచవ్యాప్తంగా యుద్ధాలు, అశాంతిపై చర్చలు జరుగుతున్న ప్రస్తుత తరుణంలో.. భారత్ వేదికగా నాగరికతల అనుసంధానంపై చర్చించడం ఎంతో ప్రాధాన్యత సంతరించుకుందని ప్రధానమంత్రి నరేంద్ర మోదీ అన్నారు. న్యూఢిల్లీలోని పురానా ఖిల్లాలో తొలి ‘షాంఘై సహకార సంస్థ నాగరికతల సంవాద వేదిక’ ప్రారంభోత్సవంలో మోదీ ప్రసంగించారు. మహాభారత కాలం నాటి చరిత్ర కలిగిన ఈ పురాతన కోట వేదికగా వేద మంత్రోచ్ఛారణలు, బౌద్ధ తత్వం, హనుమంతుడి ప్రయాణ ఘట్టాల ప్రదర్శనలు భారత ఘన సంస్కృతిని, మానవాళి ఐక్యతను చాటిచెప్పాయని తెలిపారు. ప్రపంచ శాంతికి సాంస్కృతిక బంధాలే బలమైన హామీ అని స్పష్టం చేశారు. ఎస్సీఓ ఏర్పడి 25 ఏళ్లు పూర్తయిన నేపథ్యంలో.. సభ్య దేశాల మధ్య భద్రత, ఆర్థిక సహకారంతో పాటు సాంస్కృతిక సంబంధాలు మరింత బలోపేతం కావాలని ఆకాంక్షించారు. భవిష్యత్ తరాలు గుర్తుంచుకునేలా ఒక కొత్త సంప్రదాయానికి పునాది వేస్తూ ఈ సదస్సును చరిత్రాత్మకం చేయాలని ప్రతినిధులకు మోదీ పిలుపునిచ్చారు.
బైట్: నరేంద్ర మోదీ, ప్రధానమంత్రి